ዮናሳ ቲንቢቴ 1:2 - Geeshsha Maxaafa

² «Dendada he gita katamaa Nannawe ba; he katamaa asaa iitateth ta be7idayssa isttas yoota» gishe yides.

ጋሞ ማጻፋ

² «ዴንዳዳ ሄ ጊታ ካታማ ናናዌ ባ፤ ሄ ካታማ ኣሳ ኢታቴ ታ ቤኢዳይሳ ኢስታስ ዮታ» ጊሼ ዪዴስ።

ዮናሳ ቲንቢቴ 1:2 Referans Kwoze

ሜቴ ማጻፋ 10:11

Izi he biittaafe Asoore biidi Nannawe, Erahoobotenne Kaalahe katamata ooththides; qasse Nannaweppenne Kaalaheppe giddon diza Ereseene geetettiza gita katamakka ooththides.

ናሆሜ ቲንቢቴ 1:1

Elqoshe dere as Nahomey Nannawe dhayo gishshas yootida ajjuuta maxaafay hayssafe kaallizayssa.

ዮናሳ ቲንቢቴ 4:11

ushachchinne hadirs shaakki erontta xeetanne nam7u tammu shiyappe bollara diza dereynne daro mehey diza ha gita Nannawe katamays ta mishettanaas bessennee?» gides.

ዮናሳ ቲንቢቴ 3:2

«Dendada he gita katamaa Nannawe baada tani nees yootiza qaalaa isttas awajja» gishe yides.

ኢሳያሳ ቲንቢቴ 58:1

GODAY, «Ne qaalaa dhoqqu histta waassa; aykkoka ashshofa. Ne cenggurssa zaye mala sissa. Ta deraas istta makkallateththa, Yaaqoobe keeththa asaasikka istta nagaraa yoota.

ዮሃኒሳ ኣጁታ 18:5

Izi nagaray doorettidi pude salo gakkides; Xoossika izi mooroza akeekides.

2ካዎታ ማጻፋ 19:36

Asoore kawo Senakireemey heeppe dendi bides; guye Nannawe simmi biidi heen uttides.

ሚኪያሳ ቲንቢቴ 3:8

Ta qasse Yaaqoobes iza qohoza, Isra7eelesikka iza nagara yootanaas wolqqan, Xoossa ayanan, tuma pirdaninne minoteththan kumadis.

ሂዚቄላ ቲንቢቴ 2:7

Istti makkallanchcha zare gidida gishshas istti siyikkoka siyontta ixxikokka ta qaala isttas yoota.

ኢዝራ ማጻፋ 9:6

«Ta Xoossawu! Nu nagaray nuuppe daro gididayssaninne nu mooroy salo gakkidayssa gishshas tani neekko pude dhoqqu gaada xeellanawu babbayssinne yeellatays.

ያቆቤ ኪታ 5:4

Intte intte wozinan woththite; intte kath maxishe peydaytas istta wolqqa waagaa intte qanxxontta aggida gishshas intte bolla waassishe intte achchan deettes. Kath maxizayta waasoy ubba dandayza Godaa hayththan gakkides.

Maatosa 10:18

Ta gaason dere haarizaytakkonne kawotakko inttena efana; istta sinththaninne ammanontta asata sinththan intte markka gidana.

Maatosa 12:41

Nannawe asay pirda gallas hayssa ha yeletaara dendidi ha yeletaa bolla pirdana; gaasoykka Nannawe asay Yoonaasa markkateththan maaroteth gelida gishshassa. Hekko Yoonaasappe aadhdhizaadey haan dees.

ኢሳያሳ ቲንቢቴ 37:37

Hessa gishshas Asoore Kawo Senakireemey kessi ekkides; guye simmi biidikka Nannawe kataman uttides.

ኤርማሳ ቲንቢቴ 20:9

Tani, «Hayssafe guye GODAA sunththaa denththike; iza sunththankka haasaykke» giikko iza qaalay ta wozina giddon tama mala, ta meqeththa giddonkka surquntto mala gidides; hessa gishshas ta kamma oykkanaas xoonides; mulerakka eqettanawu dandayabeekke.

ሆሴኤ ቲንቢቴ 7:2

Gido attiin tani hayssa istta iitateththaa wursa erizayssa istti akeekibeettenna. Hessa gishshas istta istta nagaray giddoththi woththides; istta iita oosoy taappe geemmibeenna» gees.

ዮናሳ ቲንቢቴ 3:3

Histtiin Yoonaasi dendidi GODAA qaalaaththo Nannawe bides. Nannawey keehi gita katama; ha gaxappe he gaxa gakkanaas heedzdzu gallas hemeththees.

2ታሪኬ ማጻፋ 28:9

Odeede geetettiza GODAA nabey Samaariyan dees; Odeedi Samaariya yiza olanchchatara gayttanaas kezidi, «Be7ite, intte aawata GODAY Yuhuda hanqettida gishshas intte kushen aaththi immides; gido attiin intteka wogay baynda hanqo hanqettidi istta wursideta.

ናሆሜ ቲንቢቴ 3:19

Ne madunth paththana dandayzay deenna; neni hayqos gaththiza meqo meqqadasa; ne gishshas siyida ubbay ne kundeththaan ufayetti kushe baqqana; zaway baynda ne menxe iitateththi bochchonttay oonee?