ኢዩኤሌ ቲንቢቴ 3:7 - Geeshsha Maxaafa

⁷ «Hekko tani ha7i istti bayzetti dizasoppe istta denththeththada zaarana; intte istta bolla gaththida qohoza ta intte bolla zaara ehana.

ጋሞ ማጻፋ

⁷ «ሄኮ ታኒ ሃኢ ኢስቲ ባይዜቲ ዲዛሶፔ ኢስታ ዴንዳ ዛራና፤ ኢንቴ ኢስታ ቦላ ጋዳ ቆሆዛ ታ ኢንቴ ቦላ ዛራ ኤሃና።

ኢዩኤሌ ቲንቢቴ 3:7 Referans Kwoze

ኤርማሳ ቲንቢቴ 23:8

Gido attiin, ‹Isra7eele zareta pudeha bagga biittafenne izi istta laallida hara deretappe kessida de7o GODAY be7iin› gi caaqqana wodey yaana; hessafe guye istti bantta deren daana» gees.

2ታሶሎንቄ ኣሳስ 1:6

Xoossi xillo gidida gishshas inttena waayisizayta izi waayisana.

ኤርማሳ ቲንቢቴ 30:16

«Gido attiin inttena dippi histti mida ubbati hessaththo meetettana; intte morkke ubbatikka di7etti baana; inttena bonqqidayti bonqqettana; inttena boggizayti bogettana.

ኤርማሳ ቲንቢቴ 30:10

«Hessa gishshas ta aylle Yaaqoobe zareto yayyofte! Intteno Isra7eeleto dagammofte! Intte haahoson dishin tani inttena ashshana; intte zaretakka istti di7ettida biittafe kessa ekkana; Yaaqoobe zareti simmidi saroninne woppan uttana; istta yashissana ay miishshika deenna.

ዮሃኒሳ ኣጁታ 19:2

Iza pirday tumanne adda; iza biittaa ba laymateththan tunisida wogga gita laymayo izi ba pirdan qaxxaydes; izo qaxxaydi ba oosanchchata suuththaa halo kessides» gishin ta siyadis.

ዮሃኒሳ ኣጁታ 16:6

Asay kase ammanizayta suuththinne nabeta suuth gussida gishshas ne istta suuth ushshadasa; hessika isttas bessees»

ዮሃኒሳ ኣጁታ 13:10

«Di7ettanaas dizaadey di7ettana; mashshan hayqqanaas dizaadey mashshan hayqqana;» hessa gidida gishshas ammanizayta dandayaynne istta ammaneteth koshshizay hannina.

ያቆቤ ኪታ 2:13

Gaasoykka maaronttay wurikka maaroy baynda pirdettana; maaroy pirda Xoonees.

Maatosa 7:2

Intte pirdida mala intte bollaka pirdettana. Intte makkida miishshara inttes makettana.

ኢዩኤሌ ቲንቢቴ 3:4

Intteno Xiroose, Sidoonanne Filisxeeme asatoo! Intte ay ooththishe deetii? Intte ta bolla halo kessana qoppeetii? Intte hessa mala qoppiko tanikka kasetada intte bolla halo kessana.

ሂዚቄላ ቲንቢቴ 38:8

Daro wodeppe guye neni olas xeygettana; sinththafe yaana layththatan olappe shempidaari, izi asay daro kawoteththata giddofe kezi shiiqidaari, daro wodes bula gidida Isra7eele zumata bolla uttida deraa bolla ne worajjana. Istta kawoteththata giddofe kezidi ha7i saron daana.

ሂዚቄላ ቲንቢቴ 36:24

« ‹Tani inttena kawoteththata giddofe kessana; dere ubbaafe ta shiishshana. Histtada inttena intte biitta zaara ehana.

ኤርማሳ ቲንቢቴ 32:37

«Ta mino hanqoninne gita boshan ta istta goodda yeddida biitta ubbaafe shiishshana; histtada hasoho zaara ehada saroteththan ta istta woththana.

ኤርማሳ ቲንቢቴ 31:8

Be7ite tani istta pudeha baggafe ehana; biitta gaxappeka tani shiishshana; istta giddon qooqetinne wobbeti, abbey baynda maccassatinne miixattizayti daana; keehi daridi bantta dere simmana.

ኢሳያሳ ቲንቢቴ 49:12

Hekko istti haaho dereppe yaana; issi issineti pudehappe, baggayti arshey wulliza baggafe, hankko attidayti Sinimeppe yaana» gees.

ኢሳያሳ ቲንቢቴ 11:12

Kawoteththatas malaata essana; dhoqqu ooththidi denththana; Isra7eeleppe goodetti bidayta zaari ehana; laalettida Yuhuda asaa oyddu bagga biitta gaxappe izi shiishshana.

ኣስቴሪ ማጻፋ 7:10

Hessa gishshas Mardikiyoosa kaqqana giidi giigsida koca bolla efidi Haama kaqqida; hessafe guye kawoza hanqoy irxxides.

1ሳሜላ ማጻፋ 15:33

Sameelikka, «Ne mashshay maccassata yeloy baynda ashshidayssaththo ne aayakka maccassata giddon yeloy bayndaaro gidana» gishe Agaage Gelgelan GODAA sinththan qanxxereththi yeggides.

ዳናታ ማጻፋ 1:7

Histtiin Adooni-Beezeqey, «Kushe manththa biradhdhetanne toho manththa biradhdheta tani qanxxa qanxxa yeggida laappun tammu kawoti ta maaddafe wodhdhida suuppa maxi shiishshidi meettes. Kase istta bolla ta ooththida gene mala Xoossi ta bolla ooththides» gides. Iza Yerusalaame ehiin heen hayqqides.

ኢሳያሳ ቲንቢቴ 66:6

Hessa kataman diza waasoza siyite; Xoossa keeththan diza caabba siyite; hessika GODAA cenggurssa; izi ba morkketas bessiza waaga qanxxana.

ዛካራሳ ቲንቢቴ 9:13

Yuhuda wondafe mala Efreemekka yiishsha mala ta go7ettana; hanne Xiyoone tani ne nayta Girike dere bolla denththeththana; nenakka tani wolqqama mashsha mala histta go7ettana.