ኢዩኤሌ ቲንቢቴ 2:1 - Geeshsha Maxaafa

¹ Xiyoonen zaye zayite; geeshsha zuma bolla waassite! GODAA yuussa gallassi gakkida gishshas biitta bolla dizay wurikka kokkoro.

ጋሞ ማጻፋ

¹ ጺዮኔን ዛዬ ዛዪቴ፤ ጌሻ ዙማ ቦላ ዋሲቴ! ጎዳ ዩሳ ጋላሲ ጋኪዳ ጊሻስ ቢታ ቦላ ዲዛይ ዉሪካ ኮኮሮ።

ኢዩኤሌ ቲንቢቴ 2:1 Referans Kwoze

1ጴጽሮሳ ኪታ 4:7

Hessa gishshas wode wurseththi matides; intte minni woossanaas dandayana mala wogara diitenne woppu gida qofay inttes de7o.

ኢዩኤሌ ቲንቢቴ 2:15

Xiyoone zuma bolla zaye punnite; dereza ayana shiiqos xeygite; xoomakka awajjite.

ኢዩኤሌ ቲንቢቴ 1:15

Aye ana! GODAA gallassi matides. Ubbaa dandayza Xoossay dhayssizaaz ehiza gallassi gakkides. He gallassays aayye ana!

ኢዩኤሌ ቲንቢቴ 3:17

«Isra7eele asawu! He wode tani GODAA intte Xoossa gididayssa intte erana; tani geesh gidida ta zuma Xiyoone bolla de7ana; Yerusalaamey anjjettida katama gidana; hessafe guye hara allaga wottadaray izo worajjenna.

ሚልካሳ ቲንቢቴ 4:1

«Hekko cooce tama mala eexxiza gallassi yaana; otoranchchatinne iita ooththizayti wurikka mela happa mala gidana; he yaana gallassayka istta xuuggana; xeerakka xaphokka ashshenna» gees Ubbaafe Wolqqama GODAA Xoossay.

ሶፎናሳ ቲንቢቴ 3:11

Intte ta bolla polida qoho ubbaafe dendidayssan; he gallas yeellatekketa; ba otoreteththan ufayettizayta, hanno ha katamayppe ta diggana. Hessafe guye ta geeshsha zuman, intte ta bolla otoretteketa.

ሶፎናሳ ቲንቢቴ 1:14

«GODAAPPE yaana gita gallassay matides; hessika eeson yaana; GODAA gallassan siyettana yeehoy camo; heen olanchchati camo waaso waassana.

ኤርማሳ ቲንቢቴ 5:22

Intte taas yayyanaas bessennee? Intte ta sinththan kokkoranaas bessennee? Ays giikko izi mernaas kanththi bontta mala, tani ancco abbas zawa ooththadis. Dambalay bulakettikokka zawappe aadhdhenna; Izi guummikkoka pinnanaas dandayenna.

ኢሳያሳ ቲንቢቴ 66:2

Hayta ubbaa ta kushey ooththibeennee? Hayti beettana mala ooththiday tana gidikkinaa? Tani ashke; wozinay meqqidaadenne ta qaalaska kokkorizaadeko ta xeellays.

1ታሶሎንቄ ኣሳስ 5:2

Kaysoy qamman yiza mala Godaa gallassika hessa mala yaanayssa intte intte baggara lo7eththi ereeta.

ኣብዲዩ ቲንቢቴ 1:15

«Ta Xoossay asa ubbaa bolla pirdiza wodey gakkida gishshas Eedoomee! Ne ooththida iita oosoy ne bolla simmana; hessa gishshas ne ooso mala ne ekkana.

ኣሞጼ ቲንቢቴ 3:6

Katama giddon olas zayey punettishin babon kokkorontta asi di erizee? GODAA sheney baynda dishin katama bolla iita miishshi gakki erizee?

ሆሴኤ ቲንቢቴ 5:8

Asay olas kezana mala Gibi7an zaye zayite; Eraaman xurumba punnite. Beeti-Awenen, ‹Biniyaame baggatoo! Nu inttenara doos› gishe waassite.

ሂዚቄላ ቲንቢቴ 7:12

Wodezi gakkides; gallassayka matides! Hanqoy dere ubbaa bolla gakkida gishshas bayzizay ceecoppo; shammizaykka ufayettofo.

ኤርማሳ ቲንቢቴ 4:5

GODAY, « ‹Biitta ubbaan zaye punnite!› giidi Yuhudan yootite. Yerusalaamenkka awajjite; ‹Issife shiiqite! Ane gimbettida katamatakko baqatoos!› gi waassite.

ያቆቤ ኪታ 5:8

Intteka hessaththo dandayte; intte wozina minththite; gaasoykka Godaa yuussa gallassi matides.

ፒሊጲሲዮሴ ኣሳስ 2:12

Hessa gishshas ta ishatoo! Intte kase ubba wode azazettizayta gidida mala ha7ikka tani matan dontta inttefe haahon diikkoka intte atoteththay kumeth gidana mala yashshateththaninne bonchchon polite.

ሶፎናሳ ቲንቢቴ 1:16

He gallassay gimbettida katamata bollanne adussa gimbeta bolla ola zayeynne ola waasoy siyettiza gallas gidana.

ኣሞጼ ቲንቢቴ 8:2

GODAY tana, «Hessi ne be7izayssi aazee?» gi oychchides; tanikka izas, «Teerara diza daachcho beyays» gadis; qasseka Xoossi taas, «Ta dere Isra7eeles wurseththi gakkides; hayssafe guyen tani istta qaxxayontta aggike.

ሆሴኤ ቲንቢቴ 8:1

«Asay tanara diza caaqo qaala laallides; ta woga bollaka makkallides. Hessa gaason morkkey arganththa mala GODAA keeththa bolla alaanththees. Hessa gishshas istti naagettana mala zaye punna!

ሂዚቄላ ቲንቢቴ 33:3

izikka biittay bolla mashshay yishin be7idi deraa minththi erisanaas zaye punniko,

ሂዚቄላ ቲንቢቴ 12:23

Hessa gishshas isttas neni, ‹Ubbaa Haariza GODAY: tani hayssa ha tosseza diggana; istti zaareththidi hayssa ha tosseza Isra7eele biittan go7ettettenna› gees ga. Qasseka neni isttas, ‹Ajjuutay ubbayka polettana wodey matides.

ሂዚቄላ ቲንቢቴ 7:10

« ‹Hekko gallassaa! He gallassay gakkides! Intte bashshay intte pengen dees! Iitateththa guufey gumbides; otoreteththi ciiyides.

ዳኔላ ቲንቢቴ 9:20

Tani ta nagaranne ta dere Isra7eele asaa nagara paaxashe geeshsha zumaa gishshas GODAA ta Xoossa sinththan aggontta woossadis.

ዳኔላ ቲንቢቴ 9:16

Abeet GODAWU! Neni kase ooththida xillo oosoza gishshas gaada ne katama Yerusalaameppe, ne geeshsha zumaappe ne hanqoza zaara; nu nagaraanne nu aawata qoho gaason Yerusalaameynne ne derey nu yuushon diza deraa giddon qidhes attidos.

ዳኔላ ቲንቢቴ 6:26

Ta kawoteththan diza derey wurikka Daaneela Xoossas yayyana malanne iza bonchchana mala tani awajja kessadis; izi mernaas de7iza De7o Xoossa; iza kawoteththi dhayontta kawoteththa; iza kawoteththaskka wurseththi deenna.

ሂዚቄላ ቲንቢቴ 33:6

Gido attiin woshe addezi mashshay yizayssa be7idi deraa erisanaas zaye punnontta aggiko istta giddofe issi asa shemppo mashshay wodhikko izaadey ba nagara gishshas hayqqana; gido attiin iza suuththaa gishshas woshe addezi oyshettana mala tani ooththana› ga yoota.

ኤርማሳ ቲንቢቴ 16:10

«Neni ha qaala ubbaa ha asas yootiza wode istti nena, ‹GODAY ays hayssa mala gita bash nu bolla awajjidee? Nuni ay mooridonii? GODAA nu Xoossaas ay nagara ooththidonii?› gi oychchana.

ኤርማሳ ቲንቢቴ 16:7

Kayottizayta minththeththanaas shoch ehanay deenna; qasseka aaway hayqqida woykko aaya hayqqida as minththeththanaas shochcha ushshu ehanay deenna.

ኢሳያሳ ቲንቢቴ 66:5

Intteno qaalaas kokkorizaytoo, hayssa GODAA qaala siyite; «Intte ishantti inttena ixxidaytoo, ta sunththa gishshas inttena kessi yeggidaytoo! Inttena, ‹Ane GODAY bonchchettoo! Ane intte ufayssaaka be7oos› gida; gidikkoka istti yeellatanayssi attenna.

ኢሳያሳ ቲንቢቴ 2:12

Ubbaafe wolqqama GODAY Otoranchchata, moodhettizaytanne ceeqettizayta kawushshanaas gallas bari woththides.

ዬ ማጻፋ 119:120

Ta ashoy nees yayyidi kokkorees; takka ne pirdas yayyays.

ዬ ማጻፋ 87:1

GODAA katamay geeshsha zuma bolla keexettides.

ታይቦ ማጻፋ 10:3

Nam7u zayeti punettiza wode kumeththa maabaray Gaytoteththa Dunkaaneza pengen ne dizaso shiiqo.

ዛካራሳ ቲንቢቴ 8:3

GODAY, «Ta gede Xiyoonikko simmana; Yerusalaamenkka de7ana. Yerusalaameykka tumu katama geetettawus; izakka Ubbaafe Wolqqama GODAAS geeshsha zuma geetettana» gees.

1ታሪኬ ማጻፋ 15:28

Histtidi Isra7eele ubbay hombocishe xurumbanne zaye punnishe, daala giirissishe, diiththinne maasinqo diixxishe GODAA Taabotaa ehida.

1ቆሮንቶሴ ኣሳስ 14:8

Qasseka xurumbay aazas punettizaakko woykko zayey aazas zayettizaakko shaakki erettontta ogera punettiko ooni olas giigettanee?

ዮሃኒሳ ኣጁታ 6:17

Wolqqama hanqo gallassay gakkides; iza oonee dandayanay?» gida.

ኬሳ ማጻፋ 10:14

Booley Gibxe biitta kumeththi may7ides. Hayssa lagge boole boshay he biittaan hayssafe kase hanibeenna; hayssafe sinththankka iza malay hanenna.

ሂዚቄላ ቲንቢቴ 30:3

Gallassay matides! GODAA gallassay gakkides! He gallassay shaara gallassa; kawoteththata ubbaas bashsha gallassa.

ኢዩኤሌ ቲንቢቴ 2:11

GODAY ba olanchchata sinththan dada mala guummana; iza olanchchati ay mala daroo! Iza azazo ooththizayti ay mala wolqqamaa! tumappeka GODAA gallassay keehi wolqqama; keehi babisiza he gallassaa danday eqqanay oonee?

ኢዩኤሌ ቲንቢቴ 2:31

Gita babisiza Godaa gallassay yaanaappe kasetidi arshey dhumana; aginaykka suuth aaththana.

ኢዩኤሌ ቲንቢቴ 3:14

Yo7o pirdiza zullen GODAY pirdiza gallassi gakkides; hessa gishshas daro derey heen shiiqi uttides.

ኣሞጼ ቲንቢቴ 5:18

Intteno GODAA gallas naagizaytoo! Inttes aayye ana! He gallassay dhumappe attiin poo7o gallas gidontta gishshas intte ays he gallassa koyeetii?

ዛካራሳ ቲንቢቴ 14:1

Hekko GODAY pirdiza gallassi gakkides; neeppe bonqqida miishsha ne ayfey be7ishin istti gishetti ekkana.

ታይቦ ማጻፋ 10:2

«Dereza issi bolla shiishshanaas gidiin woykko asay dunkaani dizasoppe denththeththanaas punniza nam7u zayeta birappe qoxxa kessa.

ኢሳያሳ ቲንቢቴ 13:6

GODAA gallassi matida gishshas yeekkite! He gallas Ubbaa Dandayza Xoossaa matappe bashshi yaana.

ኢሳያሳ ቲንቢቴ 13:9

Be7ite GODAA gallassay menxe iita; biitta mela ashshanaas izin diza nagaranchchata dhayssanaas bashsharanne gita hanqora yaana.

ሂዚቄላ ቲንቢቴ 21:12

Haysso asa nawu! Hayssi ta dere bolla Isra7eele daannata ubbaa bolla yides; hessa gishshas yeehonne waaso sissa; istti ta derezara issife mashshas imettida; hessas ne gishshas ne tira icca.

ሶፎናሳ ቲንቢቴ 1:7

GODAA gallassay matida gishshas Ubbaa haariza GODAA sinththan co7u giite; GODAY yarsho giigsides; ba xeygidayta baas dummasides.