ዮሃኒሳ ሚሺራቾ 4:3 - Geeshsha Maxaafa

³ Iza gishshas haasayettizayssa Farsaaweti siyidayssa Yesusi eridi Yuhuda dere aggidi Galila dere simmi bides.

ጋሞ ማጻፋ

³ ኢዛ ጊሻስ ሃሳዬቲዛይሳ ፋርሳዌቲ ሲዪዳይሳ ዬሱሲ ኤሪዲ ዩሁዳ ዴሬ ኣጊዲ ጋሊላ ዴሬ ሲሚ ቢዴስ።

Gamo Geesha Maxxafa New Testamen

³ Iza gish hasettizaysa Paarsaweti siyydayssa Yesussay eerdi Yihhudda derre aggdi Gaalia dere simmi bidees.

ዮሃኒሳ ሚሺራቾ 4:3 Referans Kwoze

Maatosa 10:23

Asay inttena intte diza heeraappe gooddiko haraso kichchite! Ta inttes tumu gays; intte Isra7eele katama ubbaa gakkontta dishin ta Asa Nay yaana.

ዮሃኒሳ ሚሺራቾ 11:54

Hessa gishshas Yesusi he gallassafe haa simmiin Ayhudata giddon qonccera simerettibeenna. Gido attiin duge bazzo biitta matan diza Efreeme geetettiza katamay dizaso biidi bana kaallizaytara heen takkides.

ዮሃኒሳ ሚሺራቾ 10:40

Hessafe guye Yesusi, Yohannisi kase xammaqizaso Yordaanooseppe he pinth simmidi heen gam7ides.

ዮሃኒሳ ሚሺራቾ 3:22

Hessafe guye Yesusi bana kaallizaytara Yuhuda dere bides; heenkka asaa xammaqishe isttara guuththa wode gam7ides.

ዮሃኒሳ ሚሺራቾ 2:11

Yesusi hessa malalisiza malata ubbaafe koyro Galila geetettiza deren Qaana kataman ooththides; ba bonchchoka hessa malan qonccisides; iza kaallizaytikka izan ammanida.

ዮሃኒሳ ሚሺራቾ 1:43

Wonteththa gallas Yesusi Galila baanaas koyides. Piliphoosakka demmidi, «Tana kaalla» gides.

ማርቆሳ ሚሺራቾ 3:7

Yesusi bana kaallizaytara abbaako bides. Galilappenne Yuhudappe yida daro derey iza kaallides.

ዮሃኒሳ ሚሺራቾ 3:32

Izi ba be7idaazinne ba siyidaaz markkattees; gido attiin iza markkateth ekkizaadey deenna.

ሉቃሳ ሚሺራቾ 17:11

Hessafe guye Yesusi Yerusalaame bishe Samaariyaranne Galila achchara aadhdhides.

ዮሃኒሳ ሚሺራቾ 4:47

Izikka Yesusi Yuhuda dereppe gede Galila yidayssa siyidi Yesusaakko bides. Yesusi duge Qifirnahoome wodhdhana malanne daro sakettidi hayqqana giza naaza paththana mala Yesusa woossides.

ዮሃኒሳ ሚሺራቾ 7:1

Hessafe guye Yesusi Galila giddon yuuyettides; gido attiin Yuhudan yuuyanaas koyibeenna. Gaasoykka Ayhudati iza wodhdhana koyza gishshassa.