ዮሃኒሳ ሚሺራቾ 3:11 - Geeshsha Maxaafa

¹¹ Ta nees tumu gays; nuni nu erizayssa yootoos. Nu be7idayssa markkattoos; gido attiin intte nu markkateth ekkeketa.

ጋሞ ማጻፋ

¹¹ ታ ኔስ ቱሙ ጋይስ፤ ኑኒ ኑ ኤሪዛይሳ ዮቶስ። ኑ ቤኢዳይሳ ማርካቶስ፤ ጊዶ ኣቲን ኢንቴ ኑ ማርካቴ ኤኬኬታ።

Gamo Geesha Maxxafa New Testamen

¹¹ Ta nes tumu gays nuni nu erazaysa yotoss, nu be7idaysa markatos gido attin inte nu markateth ekekketta.

ዮሃኒሳ ሚሺራቾ 3:11 Referans Kwoze

ዮሃኒሳ ሚሺራቾ 8:38

Tani ta Aawaa achchan be7idayssa inttes yootays; intte qasse intte aawappe siyidayssa ooththeeta» gides.

ዮሃኒሳ ሚሺራቾ 14:24

Tana dosonttaadey ta qaala naagenna; hayssi intte siyiza qaalay tana kiittida ta Aawa qaalappe attiin ta qaala gidenna.

ዮሃኒሳ ሚሺራቾ 12:49

Gaasoykka tani coo ta shenen yootabeekke; ta gizayssanne ta yootiza azazo taas immiday tana kiittida ta Aawa.

ዮሃኒሳ ሚሺራቾ 8:14

Yesusikka isttas, «Tani ta gishshas ay markkattikokka ta awappe yidaakko qasse tani awa baanaakko ta eriza gishshas ta markkateththi tuma. Intte gidikko ta awappe yidaakkonne qasse awa baanaakko erekketa.

ዮሃኒሳ ሚሺራቾ 7:16

Hessa gishshas Yesusi, «Ta tamaarsiza timirtey tana kiittida ta Aawappe taas imettides attiin taappe gidenna.

ዮሃኒሳ ሚሺራቾ 1:18

Xoos be7iday oonikka baa. Gido attiin Xoossa Aawa matan diza Xoossa Naa issoy xalala iza qonccisides.

2ቆሮንቶሴ ኣሳስ 4:4

Xoossa leemiso gidida Kirstoosa bonchcho Mishiraachcho qaalaa poo7oza ha alame asay be7ontta mala hayssa ha alameza xoossi ammanontta asaa wozina muumisides.

ኢሳያሳ ቲንቢቴ 65:2

Makkallanchcha deretas, iita ogera bizaytas, bantta wozina amo kaallizaytas, ta kushe gallas kumeth miccadis.

ዮሃኒሳ ሚሺራቾ 1:11

Izi ba baggataakko yiin iza baggati iza ekkibeettenna.

ሉቃሳ ሚሺራቾ 10:22

«Wuri ta Aawaa matappe taas imettides; qasseka iza nay oonakko Aawappe attiin erizay baa; Aaway oonakko Naazappe attiin woykko Naazi izas qonccisanaas dosidaadefe attiin erizaadey baa» gides.

ኢሳያሳ ቲንቢቴ 53:1

Derezi, «Nuni yootidayssa oonee ammaniday? GODAA qesey oonas qonccidee?

ኢሳያሳ ቲንቢቴ 50:2

Tani yiza wode heen asi ays dhaydee? Ta xeygiza wode zaaro immiza asi heen waani dhaydee? Inttena wozzana miish cigganaas ta kushey qaammadee? Woykko inttena ashshanaas taas wolqqay guuththee? Be7ite ta hanqon abba melissays; shaafatakka bazzo kessays; isttan diza moleti saamon hayqqidi zeeqqeettes.

ሃዋሬታ ኦሶ 22:18

Godaykka taas qonccidi, ‹Ne ta gishshas immana markkateth istti ekkontta gishshas ne gam7ontta dashe Yerusalaameppe elela keza!› gides.

ዮሃኒሳ ሚሺራቾ 5:43

Tani ta Aawa sunththan yadis shin intte tana mokki ekkibeekketa. Hara asi qasse ba sunththan yiikko intte iza mokki ekkeeta.

ዮሃኒሳ ሚሺራቾ 3:13

Saloppe duge wodhdhida asa Naappe attiin pude salo keziday haray oonikka deenna.

ዮሃኒሳ ሚሺራቾ 3:5

Yesusikka izas, «Ta nees tumu gays; asi haaththafenne Xillo Ayanappe yelettontta dishe Xoossa kawoteth gelanaas dandayenna.

ዮሃኒሳ ሚሺራቾ 3:3

Yesusikka izas zaaridi, «Ta nees tumu gays; asi nam7anththo yelettontta aggiko Xoossa kawoteth beyanaas dandayenna» gides.

Maatosa 23:37

«Hanne Yerusalaamee! Nabeta wodhizaaree! Neekko kiitettidayta shuchchara caddizaaree! Hanne Yerusalaame, kutto aaya ba ciyeta ba qefe giddo shiishshiza mala ta ne nayta shiishshanaas aappun wode koyadinaashin ne gidikko koyabeekka.

Maatosa 11:27

«Wurikka ta Aawappe taas imettides; Aawappe attiin Naaza gishshas eriza asi baa; qasse Naazappenne Naazi ba shenen qonccisida asappe haray aawaa eriza asi baa.

ኢሳያሳ ቲንቢቴ 55:4

Be7ite, tani iza deraas markka, kaaleththizaadenne ola gadawa ooththadis.

ዮሃኒሳ ኣጁታ 3:14

«Lodoqiya Woosa Keeththa kiitanchchaas, ‹Hayssi amiin› gidayssafe, tumu ammanettida markka gididaadefe, Xoossa medheteththi wuri izappe beettidaadefe yootettidayssa.

ዮሃኒሳ ሚሺራቾ 3:12

Ta inttes hayssa ha biitta yo7o yootiin ammanontta ixxiko salo miish yootikko wostti intte ammananee?

ዮሃኒሳ ሚሺራቾ 8:26

Ta intte bolla haasayanayssinne pirdiza yo7oy daroy dees. Gido attiin tana kiittidaadey ammanettidaade; tanikka izappe siyidayssa ha alamezas yootays» gides.