ዮሃኒሳ ሚሺራቾ 3:10 - Geeshsha Maxaafa

¹⁰ Yesusikka izas, «Isra7eele astamaare gida uttada hessa ne erkkii?

ጋሞ ማጻፋ

¹⁰ ዬሱሲካ ኢዛስ፥ «ኢስራኤሌ ኣስታማሬ ጊዳ ኡታዳ ሄሳ ኔ ኤርኪ?

Gamo Geesha Maxxafa New Testamen

¹⁰ Yesussaykka izas “Isra7ele Astemare gidautada hessa ne eriki?

ዮሃኒሳ ሚሺራቾ 3:10 Referans Kwoze

Maatosa 22:29

Yesusikka isttas zaaridi, «Geeshsha Maxaafatanne Xoossa wolqqa intte erontta gishshas baletteeta.

ሂዚቄላ ቲንቢቴ 11:19

Tani isttas issi wozina immana; qasse ooraththa ayanakka istta giddon ta woththana. Tani isttafe shuch misatiza wozina diggada asho mala shugo wozina immana.

Maatosa 15:14

Istta aggaagite; istti qooqeti kaaleththiza qooqeta gidida gishshas, qooqeti qooqe kaaleththiko nam7ay issoy issaara oykettidi aafon wullana» gides.

Maatosa 11:25

He wode Yesusi, «Salonne sa7a Godoo! Ta Aawawu! Hayssa daro eranchchatappenne cinccatappe qottada qeeri naytas ne qonccisida gishshas ta nena galatays.

ኤርማሳ ቲንቢቴ 31:33

«Gido attiin tani GODAY he wodeppe guye Isra7eele deraara ta caaqettana caaqoy hayssa; tani ta woga istta wozinan xaafa woththana; tanikka isttas Xoossa gidana; isttika ta dere gidana.

ኢሳያሳ ቲንቢቴ 56:10

Isra7eele asaa naagizayti qooqe; isttas erateththi deenna istti ubbay boccontta kana mala; boccanaas dandayettenna; istti ichchidi agumetteettes; istti dhiskanchcha.

ኢሳያሳ ቲንቢቴ 9:16

Hayssa deraa kaaleththizayti baleththeettes; kaalliza dereykka ogeppe kare kezidi toylattees.

ዬ ማጻፋ 73:1

Wozina geesh gidida Isra7eele asaas Xoossi ay mala kiya!

ዬ ማጻፋ 51:10

Abeet Xoossawu! Ne taas geeshsha wozina medhdha; mino ayana ta giddon woththa.

ዬ ማጻፋ 51:6

Hekko neni asa wozinappe tuma koyaasa; hessa gishshas ta giddo asateththaa ne aadho erateth tamaarsa.

1ታሪኬ ማጻፋ 29:19

Ne wogaa, ne azazonne maarata naagana mala tani giigsa woththida miishshatan Xoossa Keeththaa izi keexxana mala ta naa Solomoones kumeththa wozina imma» gi woossides.

ዛሬ ማጻፋ 30:6

Intte de7on daana malanne GODAA intte Xoossaa intte kumeththa wozinappenne kumeththa shemppofe siiqana mala izi inttessinne intte naytas azazettiza wozina immana.

ዛሬ ማጻፋ 10:16

Hessa gishshas ane hayssafe guye intte wozina muumisopitenne intte wozina iitateththaa diggidi GODAAS azazettite.

ፒሊጲሲዮሴ ኣሳስ 3:3

Tumu qaxxarettidayti, Xoos woossizayti, Yesus Kirstoosan ceeqqizayti, ashon ceeqettonttaytinne ashonkka ammanettonttayti nuna.

ኦሮሜ ኣሳስ 2:28

Issaadey coo mela sunththas asa ayfen ta Ayhuda as gidana giikko izi Ayhuda as gidenna; tumappe qaxxereteththi coo karera asho ayfen beettiza qaxxara gidenna.

ቆላሲያሴ ኣሳስ 2:11

Intte izan qaxxarettideta; hessi he qaxxarazikka nagara gidida asho qofaa digganaas Kirstoosan hanidayssa attiin asa kushen hanibeenna.

ሉቃሳ ሚሺራቾ 2:46

Heedzdzu gallassafe guye Xoossa Keeththan tamaarsizayta giddon uttidi siyishe, asata oychchishenne istta oysha zaarishe Xoossa Keeththan dishin demmida.

ሉቃሳ ሚሺራቾ 5:17

Yesusi tamaarsishin asay Galilappenne Yuhudappe qasseka Yerusalaameppe yida Farsaawetinne wogaa tamaarsizayti heen uttida. Izi paththana mala Godaa wolqqay izara dees.

ዮሃኒሳ ሚሺራቾ 3:9

Niqodimoosi, «Hayssi waani hanana dandayzee?» giidi oychchides.

ሃዋሬታ ኦሶ 5:34

Gido attiin dere achchan keehi bonchchettida issi woga astamaare, izikka Gamalyaale geetettiza Farsaaweta baggay dere cimata giddon dendi eqqidi Hawaareti guuththa wode karen gam7ana mala azazides.