ዮሃኒሳ ሚሺራቾ 15:5 - Geeshsha Maxaafa

⁵ «Tani woyne miththas ano; intte qasse haggata; daro ayfe ayfizaadey tanan dizaadenne tanikka izan dizaade; gaasoykka ta baynda intte aykkoka ooththanaas dandayekketa.

ጋሞ ማጻፋ

⁵ «ታኒ ዎይኔ ሚስ ኣኖ፤ ኢንቴ ቃሴ ሃጋታ፤ ዳሮ ኣይፌ ኣይፊዛዴይ ታናን ዲዛዴኔ ታኒካ ኢዛን ዲዛዴ፤ ጋሶይካ ታ ባይንዳ ኢንቴ ኣይኮካ ኦናስ ዳንዳዬኬታ።

Gamo Geesha Maxxafa New Testamen

⁵ Tane woyne miththa ano, inte qass hanggista, daroo ayfee ayfizadey tanan dizadene taka izan dizade, gasooyka ta bayndda inte aykoka ooththanas danddaekista.

ዮሃኒሳ ሚሺራቾ 15:5 Referans Kwoze

ፒሊጲሲዮሴ ኣሳስ 4:13

Taas wolqqa immiza Kirstoosan tani ubba miish ooththanaas dandayays.

ቆላሲያሴ ኣሳስ 1:10

Hessaththoka Godaas bessiza duus daana mala intte iza poli ufayssana mala lo7o ooso ubbaan ayfe immana malanne Xoos eron dicci dicci baana mala nu inttes woossoos.

ዮሃኒሳ ሚሺራቾ 15:16

Ta inttena dooradis attiin intte tana dooribeekketa; intte biidi daro ayfe ayfana mala intte ayfey eqqi daana mala ta inttena woththadis; hessa gishshas intte ta sunththan woossidayssa ubbaa ta Aaway inttes immana.

ጋላቲያ ኣሳስ 5:22

Ayana ayfey gidikko siiqo, ufays, saroteth, dandaya, kiyateth, lo7eteth, ammaneteth,

ሌሚሶ ማጻፋ 11:30

Xillo asi de7o ayfe ayfiza miththa mala; shemppota ashshizay aadho eranchcha.

2ቆሮንቶሴ ኣሳስ 13:8

Nuni tumateththas ooththoos attiin tumappe karera aykkoka ooththana dandayokko.

ዮሃኒሳ ሚሺራቾ 5:19

Yesusi isttas, «Ta inttes tumu gays; Aaway ooththishin be7idayssa oosoppe attiin naazi ba shenen aykkoka ooththenna. Aaway ooththizayssa iza nay hessaththoka ooththees.

ያቆቤ ኪታ 1:17

Lo7o imoteththinne kumeththa anjjoy wuri bolla salo poo7ota Aawappe wodhdheettes; iza achchan yaanne haa yuuyiza eeshoykka deenna.

2ጴጽሮሳ ኪታ 3:18

Hessafe bollara nu Godaanne nu dhale Yesus Kirstoosa kiyateththaninne iza shaakki eron pude diccite; izas ha7ikka mernaaskka bonchchoy gido. Amiin.

ዮሃኒሳ ሚሺራቾ 12:24

Ta inttes tumu gays; gistte ayfey biittan wodhdhada hayqqontta co7u ga uttiko barkka attawus. Iza hayqqizaa gidikko hara daro ayfawus.

ኦሮሜ ኣሳስ 7:4

Hessa gishshas ta ishatoo! Intteka Yesus Kirstoosa asateththa baggara wogas hayqqideta; intte hayqoppe dendida Kirstoosa bagga gidiin nuni Xoossas ayfe ayfanaassa.

ፒሊጲሲዮሴ ኣሳስ 1:11

Xoossa bonchchisizayssanne galatissizayssa intte ooththana mala Yesus Kirstoosan beettiza geeshshateththa ayfen intte wozinay kumo.

ዮሃኒሳ ሚሺራቾ 9:33

Hayssaadey Xoossafe gidonttaakko hayssa ooththanaas dandayenna» gi zaarides.

ፒሊጲሲዮሴ ኣሳስ 4:17

Ta hessa gizay immida gishshas inttes anjjoy darana mala gaada attiin ta inttefe maado ekkanaas amottada gidenna.

ኦሮሜ ኣሳስ 6:22

Ha7i qasse intte nagarappe wozzettidi Xoossa aylleta gidideta; hessika inttena geeshshateththaako kaaleththees; wurseththayka mernaa de7o.

ሃዋሬታ ኦሶ 4:12

Atoteththi hara oonankka baa; saloppe garsa baggara nu asa nayti attana mala nuus imettiday hayssafe hara sunththi deenna» gides.

1ቆሮንቶሴ ኣሳስ 12:12

Issi asateththa bolla daro billiteti diikkoka asateththay issino; gido attiin billiteti daro gidikkoka asateththay issino xalla; Kirstoosikka hessa mala.

1ጴጽሮሳ ኪታ 2:4

Hessa gishshas gede de7o shuch gidida Yesusaakko shiiqite; he shuchchay asay leqqi aggidayssa shin Xoossa achchan gidikko doorettidayssanne bonchcho waagay dizayssa.

1ቆሮንቶሴ ኣሳስ 12:27

Histtiko intte wurikka Kirstoosa asateth; intte issoy issoy iza asateththa billiteta.

ኤፌሶኔ ኣሳስ 5:9

Poo7os ayfey lo7eteththan, xilloteththaninne tumateththan ubbaan dees.

2ቆሮንቶሴ ኣሳስ 9:10

Zerizaades zereththi, maanaas kath immiza Goday intte zeriza zereththaa izi keehi darssi immana; izi intte kiyateththa oosoza ayfe inttes darsana.

ቆላሲያሴ ኣሳስ 1:6

Hessika hee intteko gakkides; hessa Mishiraachcho qaalaa intte siyoosoppenne Xoossa kiyateththa tumateththa intte eroo gallassafe haa simmiin alame yuushon izi ooththishe dizayssa mala intte achchan ayfe ayfishenne diccishe dees.

ኦሮሜ ኣሳስ 12:5

hessaththoka nuni darota gidi uttidi Kirstoosan issi asho; nuni issoy issaas asho.

1ቆሮንቶሴ ኣሳስ 10:16

Nuni Xoossa galatidi ekkiza ushshay Kirstoosa suuththara gaagoteththi dizayssa gidennee? Hessaththoka nu baththi baththi gishetti miza ukeththay Kirstoosa ashora gaagoteththi dizayssa gidennee?

ሆሴኤ ቲንቢቴ 4:8

Ta dereza nagaray isttas muussas kiyides; hessa gishshas derey nagara ooththizayssa keehi dosida.

Maatosa 13:21

Gido attiin xapho yeddanaas dandayontta aggida gishshas daro gam7ontta qaalaa gaason metoynne goodeteththi yiza wode eleli dhuphettees.