ኤርማሳ ቲንቢቴ 9:4 - Geeshsha Maxaafa

⁴ Qasseka GODAY, «Ishay isha baleththees; laggey ba lagge zigirees; hessa gishshas ishay ishaappe naagetto; laggey ba laggaan ammanettofo.

ጋሞ ማጻፋ

⁴ ቃሴካ ጎዳይ፥ «ኢሻይ ኢሻ ባሌስ፤ ላጌይ ባ ላጌ ዚጊሬስ፤ ሄሳ ጊሻስ ኢሻይ ኢሻፔ ናጌቶ፤ ላጌይ ባ ላጋን ኣማኔቶፎ።

ኤርማሳ ቲንቢቴ 9:4 Referans Kwoze

ኤርማሳ ቲንቢቴ 6:28

Istti ubbay zigirshe yuuyizaytanne yootiin ekkontta makkallanchchata; istti xarqimala malanne birata mala; istti ubbayka mooro ooththizayta.

Maatosa 10:21

«Ishay ba ishaa hayqos aaththi immana; aaway ba naa bolla, nayti bana yelidayta bolla makkallateththan dendidi hara asan wodhisana.

ሌዌታ ማጻፋ 19:16

« ‹Neni asa giddon zigirs ekkada yuuyoppa; ne shooroza hayqos gaththiza ay miishshika ooththofa; tani ne GODAA.

ኤርማሳ ቲንቢቴ 12:6

Ne ishatinne ne soho asati nena hilida; ne bolla waassida; hessa gishshas istti nees lo7o haasaykkoka ne istta ammanoppa.

ሌሚሶ ማጻፋ 25:18

Ba laggeza bolla wordora markkattiza asi koxey, giththa mashshaynne wondafey as qohiza mala qohees.

ሌሚሶ ማጻፋ 10:18

Ixxishe ba ixxizayssa qottiza asi wordanchcha; zigirs zigirza asi gidikko eeya.

ዬ ማጻፋ 15:3

as cimmonttay, ba lagge bolla iita ooththonttay, ba shooro zigironttay,

ሜቴ ማጻፋ 32:28

Addezikka iza, «Hayssafe sinththan ne sunththi Isra7eele geetetto attiin Yaaqoobe geetettofo; ays giikko neni Xoossaranne asara baaxetada xoonadasa» gides.

1ታሶሎንቄ ኣሳስ 4:6

Hessa malan oonikka balettidi ba ishaa baleththofo; gaasoykka hayssafe kase nu inttes yootida malanne naagettanaas akeekissida mala Goday heytantta mala nagara ooththiza ubbata bolla ba hanqo ehana.

ሉቃሳ ሚሺራቾ 21:16

Inttena yelidaytinne intte ishati, intte dabbotinne intte laggeti wuri inttena aaththi immana; inttefe baggata wodhana.

Maatosa 10:17

Asay inttena oykkidi pirdiza duulatas shiishshana; Ayhudati ba Woosa Keeththan inttena garafana; hessa gishshas isttafe naagettite.

ሂዚቄላ ቲንቢቴ 22:9

Shempo wodhanaas paapunth gaththizayti ne giddon deettes; zumbullata bolla diza eeqa xoossatas yarshettidayssa mizaytinne laymatizayti ne giddon deettes.

ሌሚሶ ማጻፋ 6:19

wordo bolla wordo gujji gujjidi yootiza wordo markka, ishantta giddon oosh medhdhiza asa.

ሌሚሶ ማጻፋ 6:16

GODAY ixxiza usuppun yo7oti deettes; laappunththaza keehi harasettees.

ዬ ማጻፋ 101:5

Geeman ba lagge zigirzayssa tani sirphi ooththana; otorettizayssinne ceeqettiza as tani co7u ga aggike.

ኢሳያሳ ቲንቢቴ 59:13

Nuni GODAA bolla makkallidi wordo haasaydos; nu Xoossaa kaalo aggidi sher7i gidos; makkallateththinne gene yo7o haasaydos. Nu wozinay shaari uttida wordo haasaydos.

ኤርማሳ ቲንቢቴ 9:8

Istta inxarsay wodhiza yiishsha mala; istti cimo haasaya haasayeettes. Ubbayka bantta laggetara siiqo qaalan haasayeettes; gido attiin bantta wozinara woximade giigsseettes.

ሚልካሳ ቲንቢቴ 2:10

Nu wurikka issaade naa gidokkonii? Nuna medhdhiday issi Xoossa gidennee? Histtiin nu issoy issaas ammanettontta aggidi kase nu aawata caaqo aazas tunisizonii?

ሌሚሶ ማጻፋ 4:16

Istti iita ooththontta dishe dhiski erettenna; as dhupheththontta dishin dhiskoy istta ayfen yeenna.

ሌሚሶ ማጻፋ 4:17

Istti iitateth kaththa mala meettes; genekka ushsha mala uyeettes.

ኢሳያሳ ቲንቢቴ 9:16

Hayssa deraa kaaleththizayti baleththeettes; kaalliza dereykka ogeppe kare kezidi toylattees.