ኤርማሳ ቲንቢቴ 9:3 - Geeshsha Maxaafa

³ GODAY, «Istti bantta inxars wordo haasayanaas wondafe mala giigsida; tuman gidontta wordora biittay bolla minnida; istti iita bolla iita gujji gujji bida; tanakka erettenna» gees.

ጋሞ ማጻፋ

³ ጎዳይ፥ «ኢስቲ ባንታ ኢንጻርስ ዎርዶ ሃሳያናስ ዎንዳፌ ማላ ጊግሲዳ፤ ቱማን ጊዶንታ ዎርዶራ ቢታይ ቦላ ሚኒዳ፤ ኢስቲ ኢታ ቦላ ኢታ ጉጂ ጉጂ ቢዳ፤ ታናካ ኤሬቴና» ጌስ።

ኤርማሳ ቲንቢቴ 9:3 Referans Kwoze

ኤርማሳ ቲንቢቴ 9:8

Istta inxarsay wodhiza yiishsha mala; istti cimo haasaya haasayeettes. Ubbayka bantta laggetara siiqo qaalan haasayeettes; gido attiin bantta wozinara woximade giigsseettes.

ኦሮሜ ኣሳስ 3:13

Istta doonay doya diza duufo mala; istta doonay ubba wode baleththo haasayees; istta metershay shooshsha marzera dees.

ኤርማሳ ቲንቢቴ 4:22

GODAY, «Ta asay eeya; istti tana erettenna. Istti yuushshi qopponttayta; istti akeekay bayndayta; istti iita miish ooththanaas eranchchata; lo7o ooththanaas eray paccidayta» gees.

ዳናታ ማጻፋ 2:10

He yeleta ubbay hayqqidaappe guye GODAANNE izi Isra7eele asaas ooththida lo7o ooso ubbaa erontta ooraththa yeletay dendides.

ኤርማሳ ቲንቢቴ 31:34

Hayssafe guye oonikka ba lagge woykko ba isha, ‹GODAA era› giidi tamaarsenna; gaasoykka guuththafe doommidi gita gakkanaas istti ubbay tana erana; tanikka istta qoho atto gaana; istta nagarakka nam7anththo zaara qoppike» gees GODAY.

1ሳሜላ ማጻፋ 2:12

Eele nayti shufurota; GODAASKA yayettenna.

ዮሃኒሳ ኣጁታ 12:11

Istti dorsaza suuththaninne ba yootida markkateththa qaalan iza xoonida; istti ba shemppos mishettontta dishe bana hayqos aaththi immida.

ዩሁዳ ኪታ 1:3

Ta siiqotoo! Nu issife attida atoteththaa gishshas ta inttes xaafanaas daro koyadisishin ha7i qasse nam7anththontta issito Xoossi asas immida ammano gishshas intte daro baaxetana mala ta inttena zorays. Ta inttes xaafanaas taas tooho gidides.

2ጺምቶሳስ 3:13

Iita gidida baleththiza asati baas balettidi asaa baleththishe iitateththaa bolla iitateth gujji gujji baana.

ፒሊጲሲዮሴ ኣሳስ 1:28

Ay ogerakka inttenara eqettizaytas hirgofte; hessi istti dhayanayssassinne intte attanayssas Xoossafe imettida malata.

ኦሮሜ ኣሳስ 1:28

Qasseka istti ba qofara Xoos eroy nuna maaddenna gida gishshas istti ooththanaas bessonttayssa ooththana mala Xoossi istta go7ontta qofas aaththi immides.

ኦሮሜ ኣሳስ 1:16

Ammanizayti wuri attana mala Xoossa wolqqa gidida gishshas tani mishiraachcho qaalan yeellatikke; hessika koyro Ayhudatas kaallidi Ayzaabetassa.

ዮሃኒሳ ሚሺራቾ 17:3

Mernaa de7oykka ne xalla tumu Xoossanne ne kiittida Yesus Kirstoosa ero guussa.

ማርቆሳ ሚሺራቾ 8:38

«Hayssa laymanne nagaranchcha yeleta giddon dishe tananinne ta qaalan yeellatiza asi wuri ta Asa Nay ta Aawaa bonchchoranne Geeshsha Kiitanchchatara yiza wode izan yeellatana» gides.

ኤርማሳ ቲንቢቴ 22:16

Izi manqotassinne metotanchchatas pirda geellasibeenna; hessa gishshas ubbaa miishshika izas eeno gides; taas ero guussi hessa gidennee?

ኤርማሳ ቲንቢቴ 9:5

Laggey ba lagge cimmees; tuma haasayzay deenna; istti bantta inxars wordo haasaya tamaarsida. Nagara ooson banttana daaburseettes.

ኤርማሳ ቲንቢቴ 7:26

Derezi gidikko ta gizaaz siyibeenna; wozinan woththi siyanaaska koyibeenna; istti bantta morge minththidanne istta aawati ooththida iita miishshafe aadhdhiza iita miish ooththida.

1ቆሮንቶሴ ኣሳስ 15:34

Wozinama gidite; nagara ooththofte; Xoos eronttayti issi issi asati intte garsan diza gishshas ta hessa inttena yeellachchanaas gays.

ሌዌታ ማጻፋ 19:11

« ‹Kaysotopite; as baleththofte; wordo haasayopite;

ኢሳያሳ ቲንቢቴ 1:3

Booray ba godaa erees; harey iza goday izas giigsida zedhekka erees; Isra7eeley gidikko tana erenna; ta dereykka akeekenna» gides.

ኢሳያሳ ቲንቢቴ 3:5

Derey dere bolla, asi issoy issaa bolla, shooroy shooro bolla, yelaga nayti cimata bolla, shufuroy bonchchettidayta bolla dendana.

ኢሳያሳ ቲንቢቴ 6:5

Histtiin tani, «Tani doonay tunida asa; qasse doonay tunida asata giddon de7ays; tani Kawoza, Ubbaafe Wolqqama GODAA Xoossa ta ayfen be7ida gishshas taas aayye ana! Ta dhayadis» gadis.

ኤርማሳ ቲንቢቴ 5:4

Hessafe guye tani ta wozinan, «Hayti manqotanne eeyata; heyti GODAA ogenne bantta Xoossa woga eronttayta.

ኤርማሳ ቲንቢቴ 5:5

Hessa gishshas tani gita asataakko baana; isttaskka yootana; gaasoykka GODAA ogenne bantta Xoossa woga ereettes» gaada qoppadis. Gido attiin istti ubbayka issife iza qambara menththida; qashozakka duuththida.

ዳኔላ ቲንቢቴ 11:27

Hessafe guye he nam7u kawoti bantta wozinan gene qofa oykki issi maaddafe maanaas issife uttana; issoy issaas baleththo yo7o haasaynna; gidikkoka barezi gakkontta gishshas istta qofay polettenna.

ሜቴ ማጻፋ 39:16

Keeththa aaway yaana gakkanaas iza Yooseefe may7oza ba achchan woththadus.

ዳናታ ማጻፋ 14:17

Hessa gaason iza mishireya bullachcha ba7aaley bonchchettiza laappun gallassata ubbaan yeekka yeekkada shemppo diggiin laappunththa gallas maaleththoza birsheththaa izis yootides; izakka baada ba biitta asaas yootadus.

ሌሚሶ ማጻፋ 12:5

Xillota qofay suure; iitata zorey gidikko cimo.

ኢሳያሳ ቲንቢቴ 9:18

Deraa iitateththi kindichchonne agunth xuuggiza tama mala; dhippi gida woray xuugettishin keziza cuwa tuussa mala sitti giidi pude kezees.

ኤርማሳ ቲንቢቴ 6:28

Istti ubbay zigirshe yuuyizaytanne yootiin ekkontta makkallanchchata; istti xarqimala malanne birata mala; istti ubbayka mooro ooththizayta.

ኤርማሳ ቲንቢቴ 12:6

Ne ishatinne ne soho asati nena hilida; ne bolla waassida; hessa gishshas istti nees lo7o haasaykkoka ne istta ammanoppa.

ሂዚቄላ ቲንቢቴ 8:13

Qasseka izi tana, «Hessafekka aadhdhiza harassiza eeqa xoossatas istti goynnizayssa neni buro beyana» gides.

ሃዋሬታ ኦሶ 24:9

Hinko Ayhuda asatikka, «Ee hayssi yo7ozi wurikka tumukko» giidi ammanettida.