ኤርማሳ ቲንቢቴ 9:2 - Geeshsha Maxaafa

² Tani ta deraappe shaakettada haakka baana mala bazzon mandaray aqizasoho taas oonee immanay! Istti ubbayka laymatizaytanne baleththizayta gidida.

ጋሞ ማጻፋ

² ታኒ ታ ዴራፔ ሻኬታዳ ሃካ ባና ማላ ባዞን ማንዳራይ ኣቂዛሶሆ ታስ ኦኔ ኢማናይ! ኢስቲ ኡባይካ ላይማቲዛይታኔ ባሌዛይታ ጊዲዳ።

ኤርማሳ ቲንቢቴ 9:2 Referans Kwoze

ኤርማሳ ቲንቢቴ 23:10

Biittaya layman xalla kumadus; qanggettida gishshas yeekkawus; bazzon diza mehe heenththasohoti melida; nabetikka geella oge kaallida; baas imettida maataa wogay baynda go7ettida.

ሆሴኤ ቲንቢቴ 4:2

Haan dizay qanggeth, wordo, shemppo wodho, laymateththinne caaqqida qaala muusi xalla dees. Geneynne shemppo wodhoy dari dari bees.

ሆሴኤ ቲንቢቴ 7:4

Istti wurikka laymatizayta, bukeesoy dendana gakkanaas daabbo uukkizaadey tama eeththanaas koshshontta seelisida cooce mala.

ኤርማሳ ቲንቢቴ 12:6

Ne ishatinne ne soho asati nena hilida; ne bolla waassida; hessa gishshas istti nees lo7o haasaykkoka ne istta ammanoppa.

ኤርማሳ ቲንቢቴ 12:1

Abeet GODAWU! Tani nenara palamettiza wode ubbaankka ne xillo. Iita asati ooththizayssi isttas ays injjetizee? Ammanettonttayti ays ishalo duus dizoo?

ያቆቤ ኪታ 4:4

Intteno laymatizaytoo! Alamera siiqeteththi Xoossara morkketeth gididayssa erekketii? Hessa gishshas hayssa alamezara siiqeteth koyzay wurikka Xoossas morkke.

ሚልካሳ ቲንቢቴ 2:11

Yuhuday ammanettibeenna; Isra7eeleninne Yerusalaamen harassiza miishshi hanides; Yuhuday allaganne allaga xoossas goynniza macca nayta machcho ekkidi Godaa Xoossi dosiza iza keeththa tunisides.

ሶፎናሳ ቲንቢቴ 3:4

Izin diza nabeti otoranchchatanne as baleththizayta. Qeeseti Xoossa Keeththa tuniseettes; woga bollaka makkalleettes.

ሆሴኤ ቲንቢቴ 6:7

Istti qasse kase Addaame geetettizason tanara gelida caaqo qaala laallida; heenkka istti tanan ammanettibeettenna.

ሆሴኤ ቲንቢቴ 5:7

Istti eeqa xoossatas goynniza gishshas GODAAS ammanettibeettenna; istti layman nayta yelida. Hessa gishshas istti agina xeeron bonchchiza ba7aaley isttanne istta nayta issife dhayssana.

ኤርማሳ ቲንቢቴ 13:22

Neni ne wozinan, ‹Hayssi ubbay ta bolla ays gakkidee?› giikko, ne may7oy qaarettiin ne sugettiday, ne asa kushen waaye be7iday ne nagaray darida gishshassa.

ሚኪያሳ ቲንቢቴ 6:12

Izi deren dure asati as qohizaadentta; izin diza asay wordanchcha xalla; istta inxarsay baleththiza inxarsa.

ሚልካሳ ቲንቢቴ 2:14

Intteka «Izi aazas nu yarshoza ekkontta ixxidee?» giidi oychchana; hessika haniday intte caaqon ekettida naateteththa machchetara caaqettida qaalaa intte ammanettontta laallida gishshassa; Godaa Xoossi intte giddon markka.

ዳናታ ማጻፋ 2:10

He yeleta ubbay hayqqidaappe guye GODAANNE izi Isra7eele asaas ooththida lo7o ooso ubbaa erontta ooraththa yeletay dendides.

ኢሳያሳ ቲንቢቴ 59:3

Intte kushey suuththan, intte biradhdheyka qohon muulettides; intte doonay wordo haasaydes; inxarsati iita yo7o sissida.

ኤርማሳ ቲንቢቴ 4:22

GODAY, «Ta asay eeya; istti tana erettenna. Istti yuushshi qopponttayta; istti akeekay bayndayta; istti iita miish ooththanaas eranchchata; lo7o ooththanaas eray paccidayta» gees.

ኤርማሳ ቲንቢቴ 5:1

GODAY, «Ane Yerusalaame ogeta bolla kezidi pudenne duge yuushshi xeellitenne akeekite; derey duulatizasotan xilloteth koyzaynne suure pirdiza kezidi intte issaadeka demmiko tani Yerusalaame maarana.

ኤርማሳ ቲንቢቴ 5:2

Gido attiin isttas, ‹GODAY beyiin› gi caaqqikokka istti tumappe wordo caaqqeettes» gees.