ኤርማሳ ቲንቢቴ 9:11 - Geeshsha Maxaafa

¹¹ GODAY, «Yerusalaame katama tani budhetti kayzidasonne worakanati kaa7izaso ooththana. Yuhuda katamatakka asi bayndaso bula kessana» gees.

ጋሞ ማጻፋ

¹¹ ጎዳይ፥ «ዬሩሳላሜ ካታማ ታኒ ቡቲ ካይዚዳሶኔ ዎራካናቲ ካኢዛሶ ኦና። ዩሁዳ ካታማታካ ኣሲ ባይንዳሶ ቡላ ኬሳና» ጌስ።

ኤርማሳ ቲንቢቴ 9:11 Referans Kwoze

ኢሳያሳ ቲንቢቴ 25:2

Neni katamayo shuchcha doore ooththadasa; gimbettida katamayokka laalladasa; hayssafe sinththan gimbettida allagata katamati deettenna; Simmidi mulekka oosetettenna.

ኤርማሳ ቲንቢቴ 51:37

Baabilooney laaleththi doorettizaso gidana; worakanati kaa7izaso gidana; dagamassinne qidhes malata gidana; oonikka izin deenna.

ኤርማሳ ቲንቢቴ 10:22

Siyite! Iita yo7oy yuussa bolla dees; hessi, «Pudeha baggara diza kawoteththan gita bul7aketeththi yuussan dees» gizayssa. Iza olanchchati yiidi Yuhuda katamata bazzonne worakanata duussaso kessana.

ኢሳያሳ ቲንቢቴ 34:13

Gimbetti yuuyida katamata, izi miixata doyoynne okkay laattana; worakanata ollanne guttota duussaso gidana.

ኢሳያሳ ቲንቢቴ 13:22

Izi miixan godareti waassana; lo7iza izi kawoteththa keeththaankka worakanati waassana; izi wodey matides; izi gallassayka aduqqenna.

ሚኪያሳ ቲንቢቴ 3:12

Hessa gishshas intte geedon Xiyooney goshsha biitta mala goyettana; Yerusalaameykka qolettida keeththa doore gidana; Xoossa Keeththay diza zumaykka sharafa maatay iza bolla diccida zuma gidana.

ኤርማሳ ዚላስ 3:47

Nuni bashshaninne laaleteththan metoninne shiron kumdos» goos.

ኤርማሳ ዚላስ 2:2

Yaaqoobe duussaso ubbaa Xoossi qadhetay baynda dhayssides; Yuhuda dere miixata izi ba hanqon laallides; izi kawoteththanne dere ayssizayta kawushshidi duge biittan yeggides.

ኤርማሳ ቲንቢቴ 34:22

Tani istta azazana; istti ha katamayo olana mala tani zaara ehana; isttika katamayo oli oykkananne taman xuuggana; tani Yuhuda katamata asi bayndaso bula kessana» gees.

ኤርማሳ ቲንቢቴ 26:18

«Hizqiyaasi Yuhudan kawotidi diza wode Moresheteppe yida Mikiyaasi Yuhuda dere ubbaas, «Ubbaafe Wolqqama GODAA Xoossay, ‹Xiyooney goshsha gade mala goyettana; Yerusalaamey laalli korida keeththa mala gidana; Xoossa Keeththay iza bolla keexettida zumay wora may7ana› gides.

ኤርማሳ ቲንቢቴ 25:11

Ha biittay mulera bulanne kays gidana; ha kawoteththatikka Baabiloone kawos laappun tammu layth haarettana.

ዬ ማጻፋ 79:1

Abeet Xoossawu! Kawoteththati ne biitta worajjida; geeshsha gidida Xoossa Keeththa tunisida; Yerusalaame laalli yeggida.

ሚኪያሳ ቲንቢቴ 6:16

Kawo Omire wogaanne kawo Akaabe keeththa wogaa ne ubbaa shiishsha oykkadasa; nekka istta haysi7e kaalladasa. Hessa gishshas nena dhayssas, ne derezakka tani qidhes aaththa immana; derey ne bolla qidhi kaa7ana.

ሚኪያሳ ቲንቢቴ 1:6

Hessa gishshas tani Samaariya keeth laallettidasonne woyne miththi tokettizaso kessana; iza keexettida yochcha shuchcha ta duge shoobban olananne izi xapho shodda dhayssana.

ኤርማሳ ቲንቢቴ 26:9

Neni, ‹Hayssi Keeththazi Seelo mala gidana; qasse hanna katamaya bulanne kays gidana› gaada GODAA sunththan ays tinbite yootay?» gida. Histtidi GODAA Keeththan shiiqida asay ubbay Ermaasa giddoththides.

ኤርማሳ ቲንቢቴ 25:18

Hach hanidayssa mala istti bula, asi harasettizayta, kadhizaytanne qanggettidayta gidana mala Yerusalaamenne Yuhuda katama asata, istta kawotanne istta shuumeta ubbaa,

ኢሳያሳ ቲንቢቴ 44:26

Ta ashkaraza qaala ta polana; ta kiittidayta zore ta minththana; tani Yerusalaame, ‹Neni asi dizaso gidana›, Yuhuda katamatakka, ‹Istti keexettana›, istta laaleththaaka, ‹Tani ooraxissana› gaana.

ናሂሚያ ማጻፋ 4:2

Ba laggetanne Samaariya wottadarata sinththan, «Hayti laafa Ayhudati ay ooththana qoppidoo? Ba katama gimbeza zaari ooththana qoppizoo? Yarsho shiishshanaas koyizoo? Oosoza issi gallas polanaas isttas misatizee? Gimbes gidiza shuchchata kase xuugetti laalettida gimbe garsafe kessi gimbanaas dandayzoo?» giidi naacides.

ዮሃኒሳ ኣጁታ 18:2

Izi dhoqqa qaalan, «Gita Baabiloona kundadus! Kundadus! kundadus! Daydanththa duussaso gidadus! Tuna ayanatas aqoso gidadus! Harassiza iita kafotas shemposo, iitanne harassiza do7ataska aqoso gidadus.

ሌዌታ ማጻፋ 26:32

Intte biittaa mulera ta dhayssana; heen diza intte morkketi malalettana gakkanaas biittayo ta asi bayndaso histtana.

ዬ ማጻፋ 44:19

Gido attiin neni nuna menththereththada do7a ogen yeggadasa; girdi gida dhumankka oladasa.

ኤርማሳ ቲንቢቴ 1:15

Tani pudeha baggan diza kawoteththata haa yaana mala xeygana; Yerusalaameninne izi yuushon diza Yuhuda katamata bolla meto gaththidi istta oykkana; hessafe guye Yerusalaame geliza pengeta bolla bantta araata miccana.

ኤርማሳ ቲንቢቴ 4:27

GODAY, «Mule biittay bulattana; gido attiin tani izo mulera dhayssike.

ኤርማሳ ቲንቢቴ 44:2

Ubbaafe Wolqqama GODAA Isra7eele Xoossay, «Yerusalaame bollaninne Yuhuda katamata ubbaa bollan tani ehida bash ubbaa intte intte ayfera be7ideta; istti hach gakkanaas oonikka dontta bazzo biitta gidi attida.

ኤርማሳ ቲንቢቴ 49:33

«Haxoorey worakanata duussaso gidana; mernaas bula gidana; oonikka heen de7enna; ay asikka izin uttenna» gees.

ኤርማሳ ቲንቢቴ 50:3

Pudeha baggafe issi kawoteththay yiidi Baabiloone biitta olana; hessafe dendidayssan asinne mehey baqatana; biittayokka bula kessana; oonikka izin deenna.»

ኤርማሳ ዚላስ 1:4

Oonikka izi ba7aaleta bonchchanaas yontta gishshas Xiyoone ogeti yeekkeettes; izi pengetara gelizaynne kezizay deenna; izi qeeseti ceeceettes; geela7otikka muuzotteettes; izakka gita meto garsan tuggatawus.

ዛሬ ማጻፋ 29:23

He Biittaya mulera xuugettida maxinenne diine geetettiza Bidinth gidana; issi miishshika izin tokettenna; ay miishshika izin mokkenna; izin pude dicciza miishshi beettenna; izi bolla gakkana kundeththi GODAY keehi shenetidi mulera dhayssida Sodoome malanne Gamoora mala, Adaama malanne Xaboyme mala gidana.

ዬ ማጻፋ 107:43

Era asi ha yo7oza ba wozinan woththo; izikka GODAA maaroteth akeeko.

ኤርማሳ ቲንቢቴ 8:22

Gala7aaden tiyiza dhaley deennee? Woykko heen aakimey deennee? Histtiin ta deraa madunththi ays paxibeennee?

ኤርማሳ ቲንቢቴ 16:10

«Neni ha qaala ubbaa ha asas yootiza wode istti nena, ‹GODAY ays hayssa mala gita bash nu bolla awajjidee? Nuni ay mooridonii? GODAA nu Xoossaas ay nagara ooththidonii?› gi oychchana.