ኤርማሳ ቲንቢቴ 8:12 - Geeshsha Maxaafa

¹² Tuna ooso ooththidi yeellatidoo? Chii! Mulekka yeellatibeettenna. Istti yeellay aazakkoka erettenna. Hessa gishshas isttika kundidaytara issife kundana; ta istta qaxxayiza wode istti kawuyana» gees.

ጋሞ ማጻፋ

¹² ቱና ኦሶ ኦዲ ዬላቲዶ? ቺ! ሙሌካ ዬላቲቤቴና። ኢስቲ ዬላይ ኣዛኮካ ኤሬቴና። ሄሳ ጊሻስ ኢስቲካ ኩንዲዳይታራ ኢሲፌ ኩንዳና፤ ታ ኢስታ ቃጻዪዛ ዎዴ ኢስቲ ካዉያና» ጌስ።

ኤርማሳ ቲንቢቴ 8:12 Referans Kwoze

ኤርማሳ ቲንቢቴ 3:3

Hessa gishshas puuseykka puusontta mala digettides; balgo iraykka bukkontta aggides; ne gidikko hanno gakkanaas laymateth aggabeekka; neni yeellatonttaka ixxadasa.

ኤርማሳ ቲንቢቴ 6:15

Ha harassiza oosoza gishshas istti yeellatidoo? Akkay mulekka yeellatibeettenna; istti yeellay aazakko erettenna. Hessa gishshas istti kundizaytara issife kundana; tani istta qaxxayiza wode istti kawuyana» gees.

ኢሳያሳ ቲንቢቴ 3:9

Istta ayfesoy istta bolla markkattees; istti Sodoome asaa mala bantta nagaraa qottontta qonccen haasayeettes; istti bantta bolla iita miish ehiza gishshas isttas aayye ana!

ዬ ማጻፋ 52:7

«Xoossa baas zemppo ooththonttaade, ba dureteththa daron ammanettizaade ba iita ooson minnizaade hayssa be7ite!» gaana.

ሶፎናሳ ቲንቢቴ 3:5

Izin diza GODAY izi xillo. Mulekka baletti erenna; maalado maalado suure pirdees; ubbaa gallassika daaburi erenna; gido attiin makkallanchchatas yeellay deenna.

ዬ ማጻፋ 52:1

Haysso wolqqamazoo! Xoossi nena kadhichides; ne ays iita ooson nashettay? Ays ubbaa gallas ceeqettay?

ዛሬ ማጻፋ 32:35

Istta morkketa bolla halo kessanay tana; ubbaasikka ta istta ooso ooso mala immana; isttas dhayo gallassi gakkida gishshas istti dhuphettana; eesonkka dhayana.»

ፒሊጲሲዮሴ ኣሳስ 3:19

Istta wurseththi dhayo; istta uloy istta Xoossa; isttas kawushshateththay isttas bonchcho; istta wozinay shempiday ha biittaa duussanna.

ሆሴኤ ቲንቢቴ 5:9

Qixaatey yiza wode Efreemey bula gidana; hayssi Isra7eele bolla gakkanayssa ta lo7eththa erisays» gees.

ኢሳያሳ ቲንቢቴ 24:2

Ubbaa miishshika issi mala gidana; dereza bolla hanzayssi qeeseza bolla hanana; aylle bolla hanzayssi godaa bolla hanana; ashkaray bolla hanzayssi godattey bolla hanana; shammizayssa bolla hanzayssi bayzizayssa bolla hanana; tal7e ekkizayssa bolla hanzayssi tal7e immizayssa bolla hanana; aco ciggizayssa bolla hanzayssi aco cigissizayssa bolla hanana.

ኤርማሳ ቲንቢቴ 6:21

Hessa gishshas GODAY, «Tani ha deraa sinththan dhuphiza miish woththana; aawatinne attuma nayti izan dhuphettana; shoorotinne laggeti dhayana» gees.

ኤርማሳ ቲንቢቴ 10:15

Istti coo qidhes medhettida miishsha. Pirday istta bolla gakkiza wode istti dhayana.

ኤርማሳ ቲንቢቴ 44:10

Intte hach gakkanaas inttenateththaa ziqqisidi taas bonchcho immibeekketa; qasse tani inttessinne intte aawatas woththida wogaanne maara kaallibeekketa› gees.

ሂዚቄላ ቲንቢቴ 23:18

Iza qonccen laymatidaappenne ba kalloteththaa qaarida wode, tani izi michcheyfe haraso sher7i gida mala izo ixxada izippe sher7i gadis.

ሜቴ ማጻፋ 19:34

Wonteththa gallas bayraya kaaloyo, «Siya! Qamma tani nu aawara aqadis; hach omars qasse woyne ushshu ushshiko neni gelada izara aqa; histtidi nuni nu aawappe nuus zereth essoos» gadus.

ኤርማሳ ቲንቢቴ 14:15

Hessa gishshas ta kiittontta dishin, ‹Olaynne koshay ha biittay bolla yeenna› giidi ta sunththan wordo tinbite yootiza nabeta tani olaninne koshan dhayssana.

ኤርማሳ ቲንቢቴ 23:12

Hessa gishshas istta ogey hallixana; isttika dhuman kundana; istti gandigardi kundana; istti qaxxayettiza wode ta istta bolla pala miish ehana.