ኤርማሳ ቲንቢቴ 6:28 - Geeshsha Maxaafa

²⁸ Istti ubbay zigirshe yuuyizaytanne yootiin ekkontta makkallanchchata; istti xarqimala malanne birata mala; istti ubbayka mooro ooththizayta.

ጋሞ ማጻፋ

²⁸ ኢስቲ ኡባይ ዚጊርሼ ዩዪዛይታኔ ዮቲን ኤኮንታ ማካላንቻታ፤ ኢስቲ ጻርቂማላ ማላኔ ቢራታ ማላ፤ ኢስቲ ኡባይካ ሞሮ ኦዛይታ።

ኤርማሳ ቲንቢቴ 6:28 Referans Kwoze

ኤርማሳ ቲንቢቴ 9:4

Qasseka GODAY, «Ishay isha baleththees; laggey ba lagge zigirees; hessa gishshas ishay ishaappe naagetto; laggey ba laggaan ammanettofo.

ኤርማሳ ቲንቢቴ 5:23

Gido attiin ha deraas muumenne makkalla wozinay dees; Istti oge aggi wora bida.

ኤርማሳ ቲንቢቴ 18:18

Isttika, «Ane haa yiite; Ermaasa bolla maqettoos; wogay qeeseta achchan, zorey aadho eranchchata achchan, qaalaykka nabeta achchan dhayenna; ane haa yiite; nu inxarsan iza toochchoos; izi gizayssaka ubbaa siyokko» gida.

ዮሃኒሳ ኣጁታ 19:2

Iza pirday tumanne adda; iza biittaa ba laymateththan tunisida wogga gita laymayo izi ba pirdan qaxxaydes; izo qaxxaydi ba oosanchchata suuththaa halo kessides» gishin ta siyadis.

ዮሃኒሳ ኣጁታ 11:18

Ayzaabey hanqettides; kase hayqqidayti pirda demmiza wodey gakkides; kase ne oosanchchata nabetassinne geeshshatas ne sunththaaka bonchchizaytas, guuththatassinne gitatas, neni isttas istta waaga immiza wodey ha7i gakkides. Biittaa dhayssidayta ne dhayssanaas wodey gakkides» gida.

ኤርማሳ ቲንቢቴ 20:10

«Ubbason shiroy dees; hilite ane nunikka hiloos» giidi daroti saasukettishin ta siyadis; ta kundeth naagettishe diza ta laggeti ubbay, «Oonee erizay balettana dandayzaakko histtiko nuni iza xoonanakkonne nu halo kessanakko» geettes.

ኤርማሳ ቲንቢቴ 6:30

GODAY istta kadhida gishshas istti kadhettida bira geetetti xeygettana» gees.

ኢሳያሳ ቲንቢቴ 31:6

Intteno Isra7eele asazoo! Intte keehippe makkallidayssaako simmite.

ዬ ማጻፋ 50:20

Aadhdhooson aadhdhooson ne ishaa zigiraasa; ne aayi naa sunththika mooraasa.

ሌዌታ ማጻፋ 19:16

« ‹Neni asa giddon zigirs ekkada yuuyoppa; ne shooroza hayqos gaththiza ay miishshika ooththofa; tani ne GODAA.

ሂዚቄላ ቲንቢቴ 24:13

« ‹Ne tuniday ne baalage oosonna; ta hanqoy ne bolla polettanaashe gakkanaas hayssafe guye ne geesh gidakka; gaasoykka tani nena ne tunateththaafe geeshshana koyiinkka ne geeyana dosabeekka.

ሌዌታ ማጻፋ 14:43

«Shuchchati digettiin qasseka urqqaaka qoqofidi hara urqqan meeshi ooraththidaappe guye he hargeza malatay qasseka simmi beettiko,

ዬ ማጻፋ 14:1

Eeyati bantta wozinan, «Xoossi baawa» geettes; istta de7oy moorettides; istti harassiza miish ooththeettes; istta giddon lo7o ooththiza issi asikka deenna.

ሌሚሶ ማጻፋ 10:18

Ixxishe ba ixxizayssa qottiza asi wordanchcha; zigirs zigirza asi gidikko eeya.

ኤርማሳ ቲንቢቴ 7:28

Hessa gishshas neni isttas, ‹Hayssi derezi GODAA ba Xoossaas azazettonttanne iza zore ekkontta dere; tumay deenna; istta inxarsafe dhaydes.

ኤርማሳ ቲንቢቴ 9:3

GODAY, «Istti bantta inxars wordo haasayanaas wondafe mala giigsida; tuman gidontta wordora biittay bolla minnida; istti iita bolla iita gujji gujji bida; tanakka erettenna» gees.

ሂዚቄላ ቲንቢቴ 2:7

Istti makkallanchcha zare gidida gishshas istti siyikkoka siyontta ixxikokka ta qaala isttas yoota.