ኤርማሳ ቲንቢቴ 51:44 - Geeshsha Maxaafa

⁴⁴ Beele tani Baabiloonen qaxxayana; izi mittidayssaka ta cooshshana; hayssafe kawoteththay izakko goggenna; Baabiloone gimbey kundana.

ጋሞ ማጻፋ

⁴⁴ ቤሌ ታኒ ባቢሎኔን ቃጻያና፤ ኢዚ ሚቲዳይሳካ ታ ጮሻና፤ ሃይሳፌ ካዎቴይ ኢዛኮ ጎጌና፤ ባቢሎኔ ጊምቤይ ኩንዳና።

ኤርማሳ ቲንቢቴ 51:44 Referans Kwoze

ኤርማሳ ቲንቢቴ 51:58

GODAY Ubbaafe Wolqqama Xoossay, «Gubbay dalga gidida Baabiloone gimbetti laalettana; dhoqqu gida izi pengetikka taman xuugettana; asay hada daaburees; kawoteththata daaburay tamas xalla gidana» gees.

ኤርማሳ ቲንቢቴ 51:34

Baabiloone kawo Nabukadanaxoorey Yerusalaame aqota bonqqides; gaacci liiqisides; aykkoy baynda kayssa oto kessides; dawey mittiza mala deraa mittides; mal7o miza mala miidi guyeppe nuna kessi cuttides.

ኤርማሳ ቲንቢቴ 50:2

«Kawoteththata ubbaa giddon awajjite! Bandira dhoqqu histti oykkidi awajjite! Aykkoka ashshontta dishe, ‹Hekko Baabilooney oykettana; Beeley kawuyana; Mardukey shiron kumana; izi eeqa xoossati kawuyana; izi eeqa misleti meqerettana› giite.

ኢሳያሳ ቲንቢቴ 2:2

Wode wurseththan Xoossa keeththi iza bolla keexettida zumay hara zuma ubbaafe dhoqqi beettana. Zumbullata ubbaafe dhoqqu dhoqqu gaana; ubbaa kawoteththati hee goochchana.

ዳኔላ ቲንቢቴ 5:31

He wode izas layththay 62 gidida Meedoone dere as Daariyoosi kawoteththa oykkides.

ዳኔላ ቲንቢቴ 5:26

Hessa birsheththi hayssafe kaallizayssa; Manee! Guussi, ‹Xoossi ne kawoteththa layththaa qoodides; wurseththika gaththides› guussa.

ዳኔላ ቲንቢቴ 5:19

Izi immida gitateththaafenne maataappe dendidayssan dumma dumma dereti, dumma dumma kawoteththati, dumma dumma qaalan haasayzayti ubbay izas kokkoridanne yayyida. Izikka ba wodhana koyidayssa wodhees; ashshana koyidaade ashshees; ba dhoqqisana koyidayssa dhoqqisees; kawushshana koyidaade kawushshees.

ዳኔላ ቲንቢቴ 4:22

«Kawoo! He miththay nena; ne gitateththay diccidi salo gakkides; ne kawoteththayka biitta gaxa gakkides.

ዳኔላ ቲንቢቴ 4:1

Kawo Nabukadanaxoorey alame bolla dumma dumma deretas, dumma dumma kawoteththatassinne dumma dumma qaalan haasayza asatas ubbaas, Saroy inttes gido!

ዳኔላ ቲንቢቴ 3:29

«Hayssa mala ashshiza hara Xoossi deenna; hessa gishshas dumma dumma derey, dumma dumma kawoteththi woykko dumma dumma qaalan haasayza ay asikka Sidiraaqa, Misaaqanne Abdinaago Xoossa bolla cashsha qaalan haasaykko hessaadey shuketto; izaade keeththay laaletti dooretto» ga azazadis.

ዳኔላ ቲንቢቴ 1:2

GODAY Yuhuda kawo Iyo7aaqeme amarda Xoossa Keeththa miishshatara iza kushen aaththi immides; izikka ba xoossa keeththan woththana Sana7oore efides; izi di7i efida Xoossa Keeththa miishsha ubbaaka ba eeqa xoossata miishshe woththiza keeththan woththides.

ኤርማሳ ቲንቢቴ 51:53

Baabilooney pude salo kezikokka, dhoqqu gida mino miixa ooththikokka tani dhayssizayta izi bolla yeddana» gees.

ኤርማሳ ቲንቢቴ 51:47

Tumappe tani Baabiloone eeqa xoossata qaxxayana wodey yaana; biittaya kumeth kawuyana; siifettidayti ubbay izin porccu gi kundana.

ኤርማሳ ቲንቢቴ 51:18

Istti hadanne kadhettidayta; istta bolla pirday yiza wode istti dhayana.

ኤርማሳ ቲንቢቴ 50:15

Ubbaa baggarakka izi bolla maggulite! Iza inttes kushe immana; izi miixatinne gimbetti laalettana; hayssi GODAY halo kessiza oge gidida gishshas intte izi bolla halo kessite; iza harata bolla ooththida mala intte izi bolla ooththite.

ኢሳያሳ ቲንቢቴ 60:5

He wode ne be7ananne phoollana; ne wozinay ufayssan kumana; abban diza aqotay neekko yaana; kawoteththata dureteththi nees gidana.

2ታሪኬ ማጻፋ 36:7

Nabukadanaxoorey qasse Xoossa Keeththa miishshaa ekki Baabiloone efidi ba kawoteththa keeththan woththides.

ኢሳያሳ ቲንቢቴ 21:9

Be7ite, issi asi paratan gooshettiza para-gaaretan yides; histtidi, ‹Baabilooney kundadus! Kundadus! izi eeqa xoossa misletikka meqeretti gaden kundida› gi zaarides» gi waassides.

ኢዮቤ ማጻፋ 20:15

Iita asi ba mida miishsha un7etti zaarana; ulo giddon dizayssaka Xoossi iza cooshshana.