ኤርማሳ ቲንቢቴ 51:16 - Geeshsha Maxaafa

¹⁶ Izi ba cenggurssa sissiza wode salon diza haaththati guummeettes; shaarata izi sa7a gaxappe ehees; irara wolqqanth kiittees; ba minjjasohoppeka carko kiittees.

ጋሞ ማጻፋ

¹⁶ ኢዚ ባ ጬንጉርሳ ሲሲዛ ዎዴ ሳሎን ዲዛ ሃቲ ጉሜቴስ፤ ሻራታ ኢዚ ሳኣ ጋጻፔ ኤሄስ፤ ኢራራ ዎልቃን ኪቴስ፤ ባ ሚንጃሶሆፔካ ጫርኮ ኪቴስ።

ኤርማሳ ቲንቢቴ 51:16 Referans Kwoze

ዬ ማጻፋ 135:7

Kareththa shaara sa7a gaxappe izi denththees; izi irara wolqqanth kiittees; ba minjji woththidasoppe carko kessi yeddees.

ዮናሳ ቲንቢቴ 1:4

Markabezi bishin GODAY abba bolla gote carko denththiin abba dambalay keehi darida gishshas markabezi meqqana gakkides.

ዬ ማጻፋ 18:13

GODAY dada mala saloppe guummides; Ubbaafe Dhoqqa Xoossay ba cenggurssa sissides; wolqqanththaninne tama lacon qonccides.

ዮናሳ ቲንቢቴ 4:8

Arshey mokkiza wode Xoossay xuuggiza carko arshey mokkiza baggafe yeddides; hessafe dendidayssan Yoonaasi daaburana gakkanaas away Yoonaasa hu7e xuuggides; histtiin izi, «Paxa daanaappe taas hayqoy lo7o» gides.

ኣሞጼ ቲንቢቴ 9:7

GODAY, «Isra7eele asawu! Intte taas Tophphiya asa mala gidekketii? Tani inttena Gibxeppe kessoyssaththo Filisxeeme asaa Qarxeeseppe qasse Sooriya as Qiireppe kessabeekkinaa?

ሂዚቄላ ቲንቢቴ 10:5

Kirubeta qefeta giirissay Ubbaa Dandayza Xoossay haasayshin siyettiza cenggurssa mala kare zagon siyettees.

ዬ ማጻፋ 147:18

Izi ba qaala kiittidi shachchaa mayisees. Izi carko carkissiin haaththi goggees.

ዬ ማጻፋ 104:7

Gido attiin ne seeriin haaththati kichchida; ne azazo siyidi eeson baqatida.

ዬ ማጻፋ 78:26

Arshey mokkiza baggara saloppe carkoy carkana mala ooththides; ba wolqqan dugeha bagga carko denththeththides.

ዬ ማጻፋ 68:33

Beniisoppe doommidi diza salotappe bollara bizayssas yexxite; izi ba wolqqama cenggurssa guunththan yootishin ezgi siyite.

ዬ ማጻፋ 46:6

Kawoteththati makkallan dendida; kawotikka kundida; izi ba qaala dhoqqu histti sissides; biittayka seerides.

ኢዮቤ ማጻፋ 40:9

Xoossa wolqqa mala mino wolqqay nees dizee? Xoossa qaala gunththa mala ne qaalay guummanawu dandayzee?

ኢዮቤ ማጻፋ 38:22

Shachchi wodhdhiza keeththan geladiyee? Woykko uttida shachcha doore beyadii?

ኢዮቤ ማጻፋ 37:13

Xoossi ira bukisizay biittaa irxxisanaas, asata qaxxayanaas woykko ba siiqo qonccisanaassa.

ኬሳ ማጻፋ 14:21

Hessafe guye Musey abbaa bollan ba kushe piddisides; GODAY he gallassa omars kumeth arshey mokkiza baggafe wolqqama carko yeddidi, abbaa shaakki shaakkidi mela biitta kessides. Haaththayka nam7an shaakettides.

ኬሳ ማጻፋ 10:19

GODAYKKA arshey mokkiza baggara yida carkoza arshey wulliza baggara yida wolqqama carkon laammiin booleza tookki ekki efidi, Zo7o abbaan yeggides. Gibxe biitta kumeththaan issi booleykka attibeenna.

ኬሳ ማጻፋ 10:13

Musey ba oykkida guufaa Gibxe biitta bolla dhoqqu histti denththiin, he wode gallassinne qamma GODAY arshey mokkiza baggafe wolqqama carko biitta ubbaa bolla yeddides; gadey wontishin he carkoy boole ekki yides.

ሜቴ ማጻፋ 8:1

Gido attiin Xoossi Nohe, izara markabeza giddon diza do7anne mehe ubbaa qoppidi biitta bollan carko carkissiin haaththay wodhdhi wodhdhi bides.