ኤርማሳ ቲንቢቴ 51:15 - Geeshsha Maxaafa

¹⁵ «Xoossi ba wolqqan sa7a medhdhides; ba aadho erateththan alame giigsides; salotakka ba akeekan miccides.

ጋሞ ማጻፋ

¹⁵ «ጾሲ ባ ዎልቃን ሳኣ ሜዴስ፤ ባ ኣ ኤራቴን ኣላሜ ጊግሲዴስ፤ ሳሎታካ ባ ኣኬካን ሚጪዴስ።

ኤርማሳ ቲንቢቴ 51:15 Referans Kwoze

ዮሃኒሳ ኣጁታ 4:11

«Nu Godaa Xoossoo! Neni ubbaa medhdhida gishshas medheteththi wurikka medhettidaynne shemppora dizay ne shenen gidida gishshas gitateththi, bonchchoynne wolqqayka nees bessees» gida.

ኤርማሳ ቲንቢቴ 32:17

«Abeet Ubbaafe Wolqqama GODAWU! Neni salotanne sa7a ne gita wolqqaninne micettida ne kushen medhdhadasa; nena xooniza issi miishshika deenna.

ኦሮሜ ኣሳስ 1:20

Alamey medhettoosofe haa simmiin asa ayfen beetti erontta Xoossa hanoteththi hessika izas diza mernaa wolqqaynne Xoossateththay izi medhdhida medheteththaan qonccen beettees; hessa gishshas asay shiishshana gaasoykka deenna.

ሃዋሬታ ኦሶ 14:15

«Hayto asatoo! Hayssa aazas ooththeetii? Nunikka intte mala asakko! Intteka qasse hayssa mela hada yo7oppe haakkidi salonne sa7a, abbaka, abbata giddon dizayta ubbaa medhdhida de7o Xoossaako intte simmana mala inttes mishiraachcho qaala sabbakoos.

ሌሚሶ ማጻፋ 3:19

GODAY ba aadho erateththan sa7a medhdhides; ba akeekankka salota istti dizason minththides.

ኢዮቤ ማጻፋ 9:8

Oonikka maaddontta dishin salota micciday iza; izi abba dambala bolla hemettees.

ኦሮሜ ኣሳስ 11:33

Xoossa dureteththi, aadho erateththaynne iza erateththay ay mala ciimmaa! Iza pirday ay malakko paacettenna; izi aadhdhida geedoykka erettenna.

ኢሳያሳ ቲንቢቴ 45:12

Sa7a ooththiday tana; asikka izi bolla medhdhadis. Salota tani ta kushen toladis; istta bolla salo medhetata woththadis.

ኢሳያሳ ቲንቢቴ 44:24

Nena aayi ulon medhdhidi wozzida GODAY, «Ubbaa medhdhada salota tarkka piddisiday, sa7akka micciday tana GODAA.

ኢሳያሳ ቲንቢቴ 42:5

Salota medhdhiday, istta miccidaykka, sa7anne izin diza ubbaa giigsiday, ba deres peeno izin de7iza asatas shemppo immiza GODAA Xoossay,

ኢሳያሳ ቲንቢቴ 40:26

Intte ayfe dhoqqu histtidi pude salo xeellite; haytantta ubbaa medhdhiday oonee? Salo xoolintteta issaa issaa kessizay, istta sunththan sunththan xeygizay iza. Izi ba gitateththaninne ba erateththa minoteththaafe dendidayssan isttafe issoyka dhayenna.

ኢሳያሳ ቲንቢቴ 40:22

Izi biitta yuushoppe bollara ba araatan uttees; biitta bolla diza derey boole mala; salota magalasha mala miccees; duussaso dunkaane mala tokkees.

ዬ ማጻፋ 136:5

Ba hiillateththan salota medhdhides; iza siiqoy mernaassa.

ዬ ማጻፋ 104:2

Neni afala mala poo7o quma7adasa; salotakka dunkaane mala toladasa.

ሃዋሬታ ኦሶ 17:24

Hayssa alamezanne iza giddonkka dizayssa ubbaa medhdhida Xoossi izi salonne sa7a Godaa; hessa gishshas izi asa kushen keexettida keeththan deenna.

ኢሳያሳ ቲንቢቴ 51:13

Nena medhdhidayssa, salota tolidayssa, sa7as yoch yeggidayssa ne baladasa; nena dhayssanaas giigettida menxe iitaza gaasoppe dendidayssan ubbaa gallas shiron daasa; histtiin he menxe iitaza hanqoy ha7i awan dizee?

ኢሳያሳ ቲንቢቴ 48:13

Biittaas yoch yeggiday ta kushe; salota micciday ta ushachcha kushe. Ta istta xeygiza wode istti ubbayka issi bolla eqqeettes.

ዬ ማጻፋ 107:25

Izi azaziin gote carkoy dendides; histtiin abba dambalay qaaxxides.

ዬ ማጻፋ 104:24

Abeet GODAWU! Ne oosoy ay keena daroo! Ne aadho erateththan neni istta ubbaa medhdhadasa; ne medhdhida medhetati biitta kumida.

ኤርማሳ ቲንቢቴ 27:5

Ta gita wolqqaninne micettida ta kushen sa7anne sa7a bolla diza asinne mehe medhdhadis. Istta ta dosidaades immana.

ዛካራሳ ቲንቢቴ 12:1

Salo miccida GODAY, sa7a medhdhida GODAY asa naytas de7o shemppo immida GODAY Isra7eele naytas yootida qaalay hayssafe kaallizayssa;