ኤርማሳ ቲንቢቴ 51:14 - Geeshsha Maxaafa

¹⁴ GODAY Ubbaafe Wolqqama Xoossay, «Booley biitta kumiza mala daro as ta ne bolla yeddana; heyti nena xoonida ufayssafe dendidayssan ne bolla ceeqettana» giidi ba sunththan caaqqides.

ጋሞ ማጻፋ

¹⁴ ጎዳይ ኡባፌ ዎልቃማ ጾሳይ፥ «ቦሌይ ቢታ ኩሚዛ ማላ ዳሮ ኣስ ታ ኔ ቦላ ዬዳና፤ ሄይቲ ኔና ጾኒዳ ኡፋይሳፌ ዴንዲዳይሳን ኔ ቦላ ጬቄታና» ጊዲ ባ ሱንን ጫቂዴስ።

ኤርማሳ ቲንቢቴ 51:14 Referans Kwoze

ኣሞጼ ቲንቢቴ 6:8

GODAY Salo Xoossay, «Isra7eele asa otoreteththaa tani harassettadis; istta miixatikka tana shuunneettes; hessa gishshas tani katamayonne izin dizayta ubbaa morkkes aaththa immana» giidi barkka banan caaqqides.

ኢዩኤሌ ቲንቢቴ 2:25

Hayssafe kase wolqqama olanchcha misatiza ta yeddida uusho carkoththo shociza booleti, gumbarotinne gondoti, kase mida kaththaa gishshas ta inttes zaara immana.

ኤርማሳ ቲንቢቴ 50:15

Ubbaa baggarakka izi bolla maggulite! Iza inttes kushe immana; izi miixatinne gimbetti laalettana; hayssi GODAY halo kessiza oge gidida gishshas intte izi bolla halo kessite; iza harata bolla ooththida mala intte izi bolla ooththite.

ኤርማሳ ቲንቢቴ 49:13

Booxiray laalettada dagamas, qidhessinne qanggeththas malata gidana mala tani tanan caaqqadis; izi katamati ubbay mernaas aykkoy baynda bula gidana» gees.

Ibirawe 6:13

Xoossi Abrahaames hidota immida wode caaqqishe hara izappe aadhdhizaadey baynda gishshas barkka banan, «Ta nena tumappe anjjana; tani ne zereth darsana» gi caaqqides.

ኤርማሳ ቲንቢቴ 51:27

«Biitta ubbaa bolla bandira denththite; kawoteththata giddon zaye punnite; kawoteththata izi bolla olas giigsite; Araraate, Minaanenne Ashkenaaze kawota olas izi bolla xeygi shiishshite; ola gadawa izi bolla shuumite; boole wude mala parata izi bolla yeddite.

ኤርማሳ ቲንቢቴ 46:23

Dhippi gida wora gidikkoka woray qeexettees; istta daroteththay boole mala; istti qoodettanaas dandayettenna.

ዳናታ ማጻፋ 6:5

Bantta mehetanne bantta dunkaaneta ekkidi booley yiza mala daridi yeettes; isttanne istta gaamellata qoodanaas dandayettenna; istta yuussayka biitta dhayssanaassa.

ዬ ማጻፋ 105:34

Izi azaziin booleynne qooday baynda gumbaroy kezides.

ኤርማሳ ቲንቢቴ 44:26

Intteno Gibxe biittan diza Yuhuda asatoo! GODAA qaala siyite! GODAY, ‹Hayssafe guye Gibxe biittan awa baggankka diza Yuhuda asi oonikka de7o GODAY be7iin!› giidi ta sunth xeygi caaqqontta mala tani ta gita sunththan caaqqadis.