ኤርማሳ ቲንቢቴ 5:22 - Geeshsha Maxaafa

²² Intte taas yayyanaas bessennee? Intte ta sinththan kokkoranaas bessennee? Ays giikko izi mernaas kanththi bontta mala, tani ancco abbas zawa ooththadis. Dambalay bulakettikokka zawappe aadhdhenna; Izi guummikkoka pinnanaas dandayenna.

ጋሞ ማጻፋ

²² ኢንቴ ታስ ያያናስ ቤሴኔ? ኢንቴ ታ ሲንን ኮኮራናስ ቤሴኔ? ኣይስ ጊኮ ኢዚ ሜርናስ ካን ቦንታ ማላ፥ ታኒ ኣንጮ ኣባስ ዛዋ ኦዲስ። ዳምባላይ ቡላኬቲኮካ ዛዋፔ ኣና፤ ኢዚ ጉሚኮካ ፒናናስ ዳንዳዬና።

ኤርማሳ ቲንቢቴ 5:22 Referans Kwoze

ዬ ማጻፋ 104:9

Haaththati simmidi biitta kammontta mala, istti aadhdhontta mala zawa essadasa.

ኢዮቤ ማጻፋ 26:10

Poo7onne dhuma shaakkanaas; wolqqama wogga gita abbaa sinththan saloza zawa ooththidi miccides.

ሌሚሶ ማጻፋ 8:29

abbaa haaththati banttas imettida zawappe pinnidi aadhdhontta mala zawa woththida wode, sa7as yoch yeggida wode,

ዬ ማጻፋ 119:120

Ta ashoy nees yayyidi kokkorees; takka ne pirdas yayyays.

ዛሬ ማጻፋ 28:58

Hayssa ha maxaafan xaafettida Xoossa wogaa intte lo7eththi naagontta aggiko qasse malalisizanne yashissiza GODAA intte Xoossa sunththaa intte bonchchontta aggiko,

ናሆሜ ቲንቢቴ 1:4

Abba seeridi melissees; Shaafata ubbaa micinchchees. Baasaaneynne Qarmeloosey shullida. Libaanoose ciishshatikka qoqofettida.

ኤርማሳ ቲንቢቴ 10:7

Abeet kawoteththatas kawoo! Nees yayyonttay oonee? Nees bonchchoy bessees; gaasoykka aadho eranchchata garsaninne istta kawoteththata ubbaa garsan ne malay deenna.

ማርቆሳ ሚሺራቾ 4:39

Izikka dendidi carkoza, «Co7u ga!» abbaaka, «Woppu ga!» gides; carkoyka co7u gides; mulekka co7u gides.

ዮሃኒሳ ኣጁታ 15:4

Godoo, nees babbontta asinne ne sunth bonchchontta asi oonee? Neni nerkka geeshsha; ne tumaa pirday qonccida gishshas dereti wuri yiidi ne sinththan nees goynnana» gi yexxida.

ኣሞጼ ቲንቢቴ 9:6

Ba duussaso salo ooththiday, salokka sa7appe bollan minththiday, abba haath azazidi biitta bolla gogissizay izas sunththay GODAA.

ዬ ማጻፋ 99:1

GODAY kawotides! Hessa gishshas asay kokkoro! kirubeta giddon kawoteththa araatan uttides; hessas biittayka qaaxxo.

ዬ ማጻፋ 33:7

Gita abba haaththa izi issison shiishshides; ciimma haaththa minjjason eelissides.

Maatosa 10:28

Asho wodhikkofe attiin shempo wodhanaas dandayonttaytas babbofte; hessafe ashonne shempo gaththi Gaanname taman dhayssanaas dandayzayssas babbite.

ኢሳያሳ ቲንቢቴ 50:2

Tani yiza wode heen asi ays dhaydee? Ta xeygiza wode zaaro immiza asi heen waani dhaydee? Inttena wozzana miish cigganaas ta kushey qaammadee? Woykko inttena ashshanaas taas wolqqay guuththee? Be7ite ta hanqon abba melissays; shaafatakka bazzo kessays; isttan diza moleti saamon hayqqidi zeeqqeettes.

ሉቃሳ ሚሺራቾ 12:5

Gido attiin intte babbanaas bessizay oonakko ta inttena bessana; asho wodhidaappe guye ashonne shempo issife gaththi Gaanname taman yegganaas dandayzayssas babbite; ee izas babbite gays.

ዳኔላ ቲንቢቴ 6:26

Ta kawoteththan diza derey wurikka Daaneela Xoossas yayyana malanne iza bonchchana mala tani awajja kessadis; izi mernaas de7iza De7o Xoossa; iza kawoteththi dhayontta kawoteththa; iza kawoteththaskka wurseththi deenna.

ኢሳያሳ ቲንቢቴ 66:5

Intteno qaalaas kokkorizaytoo, hayssa GODAA qaala siyite; «Intte ishantti inttena ixxidaytoo, ta sunththa gishshas inttena kessi yeggidaytoo! Inttena, ‹Ane GODAY bonchchettoo! Ane intte ufayssaaka be7oos› gida; gidikkoka istti yeellatanayssi attenna.

ሜቴ ማጻፋ 1:9

Hessafe guye Xoossi, «Saloppe garsara diza haaththi issison shiiqi eelliko mela biittay qoncco» giin hanides.

ኢዮቤ ማጻፋ 38:8

«Abbay biittafe dhuuqqi ke7iza wode pultto ayfeta gordiday oonee?

ዬ ማጻፋ 46:3

Abba dambalaykka guummidi hoomotikko, iza wolqqama hanon zumati kokkorkkoka nuni dagammoko.

ኢሳያሳ ቲንቢቴ 64:2

Qayxare tamay haath penttisiza mala, ne morkketa matan ne sunththi erettana mala wodhdha; kawoteththatakka ne sinththan kokkorssa.

ኤርማሳ ቲንቢቴ 2:19

Ne iitateththi ne bolla qixaate gaththana; ne tana kaddoyssi ne bolla hanqo ehana. GODAA ne Xoossaa ne aggishin, taas yashshateth ne wudu gontta ixxishin ay mala iitaynne camo miishshi ne bolla gakkanaakko qoppa; ane akeeka» gees.

ኣሞጼ ቲንቢቴ 4:12

«Intteno Isra7eele asatoo tanikka intte bolla hessaththo ooththana; hessa gishshas intte tanara intte GODAARA gayttanaas ane giigettite!» gees.

1ካዎታ ማጻፋ 13:28

Nabezi bishe ahay oge bolla porccu gi ichchida gaammoynne harey iza matan eqqidayssa demmides. Gaammozi ahaa mibeenna; harezakka bochchibeenna.

ኢዮቤ ማጻፋ 37:24

Bantta qofan, ‹Nuni aadho eranchchata› gizayta izi kadhees; hessa gishshas asay wuri izas yayyees.»

ኤርማሳ ቲንቢቴ 31:35

Gallassan poo7isana mala arshe woththiday, omarsan poo7isana mala aginanne xoolintteta azaziday, dambalay guummana mala abba qaaththizay iza sunththay GODAA Ubbaafe Wolqqama Xoossa geetettizayssi,

ዮናሳ ቲንቢቴ 1:16

Histtiin asay GODAAS keehi babbides; GODAAS yarsho yarshida; adinakka adinettida.