ኤርማሳ ቲንቢቴ 48:37 - Geeshsha Maxaafa

³⁷ As ubbaa hu7eynne buuchchi meedettides; bantta kushekka cadereththida; qasse maaqa may7ida.

ጋሞ ማጻፋ

³⁷ ኣስ ኡባ ሁኤይኔ ቡቺ ሜዴቲዴስ፤ ባንታ ኩሼካ ጫዴሬዳ፤ ቃሴ ማቃ ማይኢዳ።

ኤርማሳ ቲንቢቴ 48:37 Referans Kwoze

ኤርማሳ ቲንቢቴ 47:5

Gaazay kayos ba binana meedettana; Asqeloonay ba doona bolla kushe woththana; intteno demba bolla casha attidaytoo! Intte ayde gakkanaas intte bolla qaacishe daanee?

ኤርማሳ ቲንቢቴ 41:5

Seekeemeppe, Seeloppenne Samaariyappe osppun tammu asati kayottishe, bantta buuch meedidi, bantta may7o daakkidinne bantta bollaka puuzidi kaththa yarshonne exaane GODAA Keeth ekki yida.

ሜቴ ማጻፋ 37:34

Yaaqoobeykka mishettidi ba may7o peedhi yeggides; maaqa may7idi daro wode gakkanaas ba naazas yeekkides.

ኤርማሳ ቲንቢቴ 16:6

Duretinne manqoti ha biittay bolla hayqqana; istti moogettettenna. Istta yeehoykka yeekettenna; isttas ba bolla qaacanay deenna; ba hu7ekka buucanay deenna.

ኢሳያሳ ቲንቢቴ 20:2

he wode GODAY Amoxe naa Isayaasa, «Maaqa ne bollafe qaara; ne caammaa tohoppe kessa» gi yootides; izikka hessaththo ooththides; kallonne caammay baynda simerettides.

ዮሃኒሳ ኣጁታ 11:3

Ta markka nam7ati kayo may7o may7idi 1,260 gallas gakkanaas tinbite yootana mala ta isttas wolqqa immana» geetettides.

ማርቆሳ ሚሺራቾ 5:5

Gallassinne qamma duufota giddoninne zumata bolla yuuyi yuuyi waassishe ba bolla shuchchara qanxxereththidi madunththees.

ሚኪያሳ ቲንቢቴ 1:16

Intte isttan ufayettiza intte nayti inttefe di7etti baana gishshas intte hu7e bulusite.

ኣሞጼ ቲንቢቴ 8:10

Intte layththan layththan bonchchiza ba7aaleza yeehon laammana; intte yexxiza yeththaaka waason laammana; diza pexi issi nay hayqqiin camo yeeho yeekkiza asa mala intte intte hu7e binana buucidi maaqa may7ana mala tani inttena ooththana; he wurseththa gallassay camo gallas gidana.

ሂዚቄላ ቲንቢቴ 27:31

Ne gishshas kayottidi bantta hu7e bulusana; maaqaka may7ana; wozinappe ceecidi camo yeeho nees yeekkana.

ሂዚቄላ ቲንቢቴ 7:18

Istti maaqa may7ana; istti dagaman shirotana; istta ubbaa ayfesoy yeella may7ana; istta ubbaa hu7eykka bulisettana.

ኢሳያሳ ቲንቢቴ 37:1

Kawo Hizqiyaasi hessa siyida mala ba may7o daakkides; hessafe guye maaqa may7idi GODAA Keeth gelides.

ኢሳያሳ ቲንቢቴ 3:24

Shitto xinqqon, dancco wodoron, goofare bo7an, seelo may7o maaqan, puulateth pigen laammana.

2ካዎታ ማጻፋ 6:30

Kawozikka maccassaya gizayssa siyidi ba may7ida may7oza daakki yeggides; kase izi gimbeza bollara yaanne haa simerettishin izi ba may7ida may7ozappe garsara maaqa may7idayssa asay be7ides.

1ካዎታ ማጻፋ 21:27

Akaabey ha yo7oza siyida mala ba may7o pooshshi yeggidi maaqa may7i xoomides. Maaqaa may7ida mala ichchides; ceecishekka yuuyides.

1ካዎታ ማጻፋ 18:28

Hessa gishshas bantta qaala dhoqqu histtidi woossida. Qasse kase bantta goynniza wogaa mala bantta bollara suuththay goggana gakkanaas tooraninne mashshan bana madunththida.

ሌዌታ ማጻፋ 19:28

« ‹Intte asateththa bolla niqse cach caddofte; woykko asi hayqqiko izas mishettidi intte bolla qanxxi madunththofte; tani GODAA.

ሜቴ ማጻፋ 37:29

Oroobeeley ollaako simmidi Yooseefey heen bayndayssa be7ida wode ceecidi ba may7o daakkides

ኤርማሳ ቲንቢቴ 49:3

Hanne Haseboone! Aye katamay dhayda gishshas yeekka; Eraaba macca naytoo waassite; maaqa may7idi yeekkite; gaasoykka Milkkoomey ba qeesetaranne ba shuumetara di7ettidi baana; dirsa giddon yaanne haa woxerettite.

ሂዚቄላ ቲንቢቴ 29:18

«Haysso asa nawu! Baabiloone Kawo Nabukadanaxoorey wolqqama ola Xiroose bolla denththeththides; ubbaa hu7ey bo7atides; ubbaa hasheykka gaarettides; gidikkoka izinne iza olanchchati Xiroose bolla istti worajjidi demmida wodhey deenna.

1ታሪኬ ማጻፋ 19:4

Histtiin Haanooney Dawiti kiittida asata oykkidi istta buuchchaa meedides; istta may7oka istta kalloy beettanaashe gakkanaas daakkidi istta dere zaari yeddides.