ኤርማሳ ቲንቢቴ 48:11 - Geeshsha Maxaafa

¹¹ «Mo7aabey yelagateththafe doommidi gacettontta tocera diza woyne ushsha mala woppan dees; otoppe oton laamettibeenna; izi di7etti bi erenna; iza mal7oy kase diza mala dees; iza sawoykka laamettibeenna.

ጋሞ ማጻፋ

¹¹ «ሞኣቤይ ዬላጋቴፌ ዶሚዲ ጋጬቶንታ ቶጬራ ዲዛ ዎይኔ ኡሻ ማላ ዎፓን ዴስ፤ ኦቶፔ ኦቶን ላሜቲቤና፤ ኢዚ ዲኤቲ ቢ ኤሬና፤ ኢዛ ማልኦይ ካሴ ዲዛ ማላ ዴስ፤ ኢዛ ሳዎይካ ላሜቲቤና።

ኤርማሳ ቲንቢቴ 48:11 Referans Kwoze

ሶፎናሳ ቲንቢቴ 1:12

He wode ta Yerusalaame giddoza xomppera koyana; aykko hirgay baynda badhdhi gi uttidayta, woyne ushshu gacci ekkichchiin orcco bolla attida woyne ushsha mala gididayta, ‹Iita gidiin woykko lo7o gidiin GODAY aykkoka ooththenna› gizayta ta qaxxayana.

ዛካራሳ ቲንቢቴ 1:15

Gido attiin saroteth demmidi woppan diza kawoteththata keeha hanqettadis; hessas gaasoykka tani ta dereza bolla guuththara hanqettiin kawoteththati ta qofappe bollara ta deraa qohida› gides.

ናሆሜ ቲንቢቴ 2:2

Dhayssizayti istta mela ashshikokka, istti woyne atakilte tokkizasoho mulera dhayssikoka Isra7eele bonchcho ubbaa mala GODAY Yaaqoobe bonchchoka zaarana.

ኤርማሳ ቲንቢቴ 48:29

Mo7aabe otoreteth, bana dhoqqu histteth, ceeqeteththinne wozina muumeteth nu siyidos.

ኢሳያሳ ቲንቢቴ 24:3

Biittay mulera bula gidana; mulera bonqqettana; ha qaalaa GODAY haasaydes.

ኢሳያሳ ቲንቢቴ 16:6

Yuhuda asay, «Mo7aabeta hallaca, otoreteththaanne moodheteththa, ceeqeteththaanne kadheza siyidos; gido attiin istta otoreteththi hada» gaana.

ዬ ማጻፋ 123:4

Ceeqettizaytappe daro cashshi otoranchchatappe daro kadhey nuna gakkides.

ዬ ማጻፋ 55:19

Beniisofe kawoteththa araatan utti diza Xoossay ta woosa siyidi ba oge laammonttaytanne Xoossas yayyonttayta kawushshana.

ኤርማሳ ቲንቢቴ 51:34

Baabiloone kawo Nabukadanaxoorey Yerusalaame aqota bonqqides; gaacci liiqisides; aykkoy baynda kayssa oto kessides; dawey mittiza mala deraa mittides; mal7o miza mala miidi guyeppe nuna kessi cuttides.

ኢሳያሳ ቲንቢቴ 25:6

GODAY Ubbaafe Wolqqama Xoossay hayssa zumaa bolla dere ubbaas gidiza gita gibiraa, lo7i kaxxida woyne ushshu, lo7o ashonne doorettida woyne ushshu giigsana.

ሌሚሶ ማጻፋ 1:32

Wozinay paccidayta aadho erateththafe haakoy istta wodhana; balata wuda dhayoy istta dhayssana.

ናሆሜ ቲንቢቴ 2:10

Qocirettadus; bonqqettadus; kallottadus; wozinay taahides; gulbatey kokkorides; ashoy qaaxxides; ayfesoykka gilqides.

ኤርማሳ ቲንቢቴ 22:21

Neni saro dishin ta nees minththa yootadis; gido attiin neni, ‹Siyikke› gadasa. Yelagateththafe doommiin ne ogey hayssa; neni taas azazettontta ixxadasa.

ኤርማሳ ቲንቢቴ 48:12

Gido attiin otoza laammiza asata ta kiittana wodey yaana; isttaka wora gussidi otaa xalla ashshana; duuqqiza miishshatakka menththereththi yeggana.