ኤርማሳ ቲንቢቴ 46:5 - Geeshsha Maxaafa

⁵ Gido attiin hayssi tani be7izay aazee? keehi yayyidi guye undudeettes; wolqqama istta olanchchati xoonettida; guye simmi xeellontta eeson baqateettes; ubbason shiroy dees.

ጋሞ ማጻፋ

⁵ ጊዶ ኣቲን ሃይሲ ታኒ ቤኢዛይ ኣዜ? ኬሂ ያዪዲ ጉዬ ኡንዱዴቴስ፤ ዎልቃማ ኢስታ ኦላንቻቲ ጾኔቲዳ፤ ጉዬ ሲሚ ጼሎንታ ኤሶን ባቃቴቴስ፤ ኡባሶን ሺሮይ ዴስ።

ኤርማሳ ቲንቢቴ 46:5 Referans Kwoze

ኤርማሳ ቲንቢቴ 49:29

Istta dunkaanetanne istta wudeta ekkite! Istta aqosoynne istta gaamellati ubbay attontta ekettana; Histtidi isttas, ‹Istta bolla shiro bolla shiroy yides› giidi waassana.

ኤርማሳ ቲንቢቴ 6:25

Morkkey mashsha gixxides; ubbason shiroy kumides; hessa gishshas kare kezopite; ogenkka hemettofte.

ኤርማሳ ቲንቢቴ 46:21

Miishshan shametti yida izi olanchchati modhdhida wofano mala. Istti qaxxayettana wodey gakkida gishshassinne istti dhayanaas wodey matida gishshas istti issife guye simmi baqatana; ba dizason minni eqqidi eqettanaas dandayettenna.

ናሆሜ ቲንቢቴ 2:8

Nannawey eele haaththa mala; izi haaththika miccana. «Eqqa! Eqqa!» gi istti waassana; gido attiin guye simmizay deenna.

ሂዚቄላ ቲንቢቴ 32:10

Daro asay ne bolla gakkida meton dagammana mala ta ooththana; tani ta mashshaa istta sinththan shodda seessishin ne bolla gakkida hanoza gaason istta kawoti dagaman nozhzhu gaana; neni kundiza gallas issoy issoy ba shemppos yashshan ayfe qiphon kokkorana.

ኤርማሳ ቲንቢቴ 46:15

Wolqqama gidida Aphphise geetettiza eeqa xoossay ays kundidee? GODAY iza sugi yeggida gishshas eqqana dandaybeenna.

ኤርማሳ ቲንቢቴ 20:10

«Ubbason shiroy dees; hilite ane nunikka hiloos» giidi daroti saasukettishin ta siyadis; ta kundeth naagettishe diza ta laggeti ubbay, «Oonee erizay balettana dandayzaakko histtiko nuni iza xoonanakkonne nu halo kessanakko» geettes.

ኢሳያሳ ቲንቢቴ 19:16

He wode Gibxe asay maccassa mala gidana. Qasse Ubbaafe Wolqqama GODAY istta bolla ba qese denththiza wode istti yashshan kokkorana.

ሜቴ ማጻፋ 19:17

Kiitanchchati istta katamaappe kessida malakka kiitanchchatappe issay, «Intte shemppo ekkidi baqatite! Guye xeellofte! Qasse hayssa shoobbaan awanka eqqofte! Zumaakko woxxite! Histtontta ixxiko intte dhayana» gides.

ኢሳያሳ ቲንቢቴ 5:25

GODAA hanqoy iza deraa bolla eexxi ke7ides; izi ba kushe denththidi istta shocides. Zumati qaaxxida; hayqqida asaa ahay oge bolla pitti yeggida buura mala gidides; histti pe7iinkka iza hanqoy simmibeenna; iza kushey ha7ikka dendida mala dees.

ኢሳያሳ ቲንቢቴ 13:8

Istti shirotana; istta waayeynne metoy gakkana; miixay oykkida maccassa mala istti miixattana; issoy issaara dagaman xeelettana; istta ayfesoy dagaman shaala may7ides.

ኢሳያሳ ቲንቢቴ 42:17

Eeqa xoossatan ammanettizayti gidikko misletakka, ‹Intte nu xoossata› gizayti guye simmana; istti mulera kawuyana» gees.

ኤርማሳ ቲንቢቴ 49:5

Tani ne yuushon dizaytappe ne bolla shiro ehana; intte ubbayka goodettana; baqata bolla dizayta shiishshana asi beettenna.

ሂዚቄላ ቲንቢቴ 39:18

Intte dharsho ashonne laaqqa asho miza mala, deysha ashonne wofano asho miza mala wolqqama asata asho maana; biitta bolla halaqata suuththika intte uyana; hayti ubbay modhdhida Baasaane meheta.

ናሆሜ ቲንቢቴ 2:9

Iza minjja keeththan dagattida aqotas qooday deenna; biidi biraakka, worqqaaka bonqqi ekkite.

ሶፎናሳ ቲንቢቴ 1:14

«GODAAPPE yaana gita gallassay matides; hessika eeson yaana; GODAA gallassan siyettana yeehoy camo; heen olanchchati camo waaso waassana.