ኤርማሳ ቲንቢቴ 44:10 - Geeshsha Maxaafa

¹⁰ Intte hach gakkanaas inttenateththaa ziqqisidi taas bonchcho immibeekketa; qasse tani inttessinne intte aawatas woththida wogaanne maara kaallibeekketa› gees.

ጋሞ ማጻፋ

¹⁰ ኢንቴ ሃች ጋካናስ ኢንቴናቴ ዚቂሲዲ ታስ ቦንቾ ኢሚቤኬታ፤ ቃሴ ታኒ ኢንቴሲኔ ኢንቴ ኣዋታስ ዎዳ ዎጋኔ ማራ ካሊቤኬታ› ጌስ።

ኤርማሳ ቲንቢቴ 44:10 Referans Kwoze

ሌሚሶ ማጻፋ 28:14

GODAAS ubbato yayyiza asi anjjettidaade; gido attiin ba wozina dammasiza asi meton gelana.

ዮሃኒሳ ኣጁታ 15:4

Godoo, nees babbontta asinne ne sunth bonchchontta asi oonee? Neni nerkka geeshsha; ne tumaa pirday qonccida gishshas dereti wuri yiidi ne sinththan nees goynnana» gi yexxida.

1ጴጽሮሳ ኪታ 5:6

Hessa gishshas Xoossi ba woden dhoqqu histtana mala mino Xoossaa kusheppe garsara inttena ziqqi histtite.

ኤርማሳ ቲንቢቴ 8:12

Tuna ooso ooththidi yeellatidoo? Chii! Mulekka yeellatibeettenna. Istti yeellay aazakkoka erettenna. Hessa gishshas isttika kundidaytara issife kundana; ta istta qaxxayiza wode istti kawuyana» gees.

ኦሮሜ ኣሳስ 11:20

Tumu gidetashin istti meqqiday ammano paceppe dendidayssanna. Intte qasse ammanon eqqideta; babbite attiin otorettofte.

ሉቃሳ ሚሺራቾ 23:40

Iita ooththidaytappe issoy, «Neni nees bessiza pirda ekkashe Xoossas babbikii?

Maatosa 27:54

Mato halaqaynne izara issife Yesusa naagizayti biitta qaaththaanne hanidayssa ubbaa be7idi daro babbida. Qasse, «Hayssi tumappe Xoossa Naakko!» gida.

ሚልካሳ ቲንቢቴ 4:2

«Ta sunththas babbiza inttes qasse xilloteththa arshey ba qefe garsan paththizaaz ekka yaana; intteka birshi yeddida galo mara mala xikettishe kezana.

ሂዚቄላ ቲንቢቴ 9:4

GODAY xeygidi iza, «Yerusalaame katama ubbaa baada izi giddon oosettida harassiza eeqa xoossata gishshas mishettidi yeekkiza asata liiphe bolla malata woththa» gides.

ኤርማሳ ቲንቢቴ 36:24

Kawoza gidiin woykko he qaala siyida shuumeti ubbay aykkoka yayyibeettenna; bantta may7oka daakkibeettenna.

ኤርማሳ ቲንቢቴ 10:7

Abeet kawoteththatas kawoo! Nees yayyonttay oonee? Nees bonchchoy bessees; gaasoykka aadho eranchchata garsaninne istta kawoteththata ubbaa garsan ne malay deenna.

ኢሳያሳ ቲንቢቴ 66:2

Hayta ubbaa ta kushey ooththibeennee? Hayti beettana mala ooththiday tana gidikkinaa? Tani ashke; wozinay meqqidaadenne ta qaalaska kokkorizaadeko ta xeellays.

ኢሳያሳ ቲንቢቴ 57:15

Dhoqqu gidayssi, Ubbaa haarizayssi, izas sunththayka Geesh geetettidayssi, mernaas de7izayssi, «kawuyidayta ayana denththeththanaas, wozinay meqqidayta minththeththanaas, dhoqqu gida geeshshasohon ta de7ays; qasseka wozinay meqqidaytaranne ayanan ashke gididaytara tani de7ana.

ሌሚሶ ማጻፋ 16:6

Siiqoninne ammaneteththan nagaray atto geetettees; GODAAS yashshateththan asi iitappe haakkees.

ሌሚሶ ማጻፋ 14:16

Aadho eranchchay GODAAS yayyeessinne saatti tanggees; iitappeka haakkees; eeyay gidikko wuday baynda bichcharees.

ሌሚሶ ማጻፋ 8:13

Godaas yashshateththi iita ixo; tani otoronne hallaca, menxe iitateththinne geella haasaya ixxays.

ዬ ማጻፋ 51:17

Xoossas shiiqiza yarshoy ashke ayana; abeet Xoossawu! Meqqida wozina ne kadhakka.

ዬ ማጻፋ 34:18

GODAY wozinay meqqidaytas matan dees; qasse hidota qanxxidaytakka ashshees.

2ታሪኬ ማጻፋ 34:27

ha sohoza bollanne ha sohon diza asaa bolla Xoossay haasaydayssa neni siyida wode ne wozinay meqqiin ta sinththan nenateththaa ne kawushshida gishshas, nena ne ziqqi histtida gishshassinne ne may7o daakkada ta sinththan ne yeekkida gishshas tani ne waaso siyadis.

2ታሪኬ ማጻፋ 33:19

Qasse iza woosaynne Xoossay izas woosettidayssi, izi ooththida nagaraynne naaqoy ubbay Minaasey bana kawushshanaappe kase ooththida zumbullata bolla goynnizasoti, izi essida Asheeri misletinne eeqa xoossati ubbay nabeta Taarike Maxaafan xaafetti uttida.

2ታሪኬ ማጻፋ 33:12

Minaasey tuggatida wode GODAA ba Xoossaa koyides; ba aawata Xoossaa sinththan banateththaa keehippe kawushshides.

2ታሪኬ ማጻፋ 32:26

Gidikkoka Hizqiyaasinne Yerusalaamen diza asay ba wozina otoreteththaa aggidi bana kawushshida; hessafe guye GODAA hanqoy Hizqiyaasa kawoteththa wode ubbaan istta bolla wodhdhibeenna.

2ካዎታ ማጻፋ 22:19

istti qanggettanayssanne dhayanayssa tani hayssa ha sohoza bollanne dereza bolla kase yootidayssa neni siyada ne wozinay meqqiin nenateththaa GODAA sinththan kawushshadanne ne may7oka daakkada ta sinththan ne yeekkida gishshas GODAY nena siyadis.

1ካዎታ ማጻፋ 21:29

«Akaabey banateththaa ta sinththan wostti kawushshidaakko be7ay? Izi ta sinththan banateththaa kawushshida gishshas tani ha metoza iza woden iza bolla ehikke. Gido attiin tani iza naa woden iza soo asaa bolla ha metoza ehana» gides.

ኬሳ ማጻፋ 10:3

Histtiin Museynne Aarooney kawozaakko gelidi, «GODAA Ibraaweta Xoossi nena, ‹Ne nenateththaa ta sinththan kawushshontta ixxizay awude gakkanaassee? Ha7i taas goynnana mala ta asaa yedda.

ኬሳ ማጻፋ 9:30

Gido attiin neninne daannati GODAA Xoossaas ha7ikka babbonttayssa tani erays» gides.

ኬሳ ማጻፋ 9:17

Neni ha7ikka otorettada ta asaa yeddontta ixxadasa.

ዬ ማጻፋ 78:10

Istti Xoossa caaqo qaala naagibeettenna; iza wogaa mala dontta ixxida.

ኤርማሳ ቲንቢቴ 6:15

Ha harassiza oosoza gishshas istti yeellatidoo? Akkay mulekka yeellatibeettenna; istti yeellay aazakko erettenna. Hessa gishshas istti kundizaytara issife kundana; tani istta qaxxayiza wode istti kawuyana» gees.

ኤርማሳ ቲንቢቴ 26:4

Ne isttas, ‹GODAY inttena intte ta gizaaz siyontta ixxiko, ta inttes immida ta wogaa naagontta ixxiko,

ኤርማሳ ቲንቢቴ 32:23

Histtiin istti he biittaa gelidi laattida; gido attiin nees azazettibeettenna; ne wogaakka naagibeettenna; istti ooththana mala neni azazidayssa ubbaaka ooththibeettenna; hessa gishshas neni istta bolla ha bosha ubbaa ehadasa.

ኤርማሳ ቲንቢቴ 44:23

Be7ite, hach ha bashshay ubbay inttena gakkiday intte hara eeqa xoossatas exaane cuwasida gishshas, GODAA qohida gishshas, GODAA qaala naagontta ixxida gishshas, iza wogaa, maaraanne azazo bonchchontta aggida gishshassa» gides.

ኢሳያሳ ቲንቢቴ 42:24

Yaaqoobey bogettana mala, Isra7eeley di7ettana mala ooththiday oonee? Nagara ooththidi nu qohida GODAA gidennee? Istti iza oge kaallanaassinne iza wogaas azazettana koyontta aggida gishshassa.

ኤርማሳ ቲንቢቴ 5:3

Abeet GODAWU! Ne ayfeti tumaa xeelettennee? Neni istta shocadasa shin istta sakkibeenna. Neni istta kinchchereththadasa; gido attiin istti simmibeettenna; istti bantta wozina shuchchafe aaththi minththida; bantta nagarappeka simmontta ixxida.