ኤርማሳ ቲንቢቴ 43:2 - Geeshsha Maxaafa

² Hosha7iya naa Azaariyaasi, Qaareeha naa Yohanaaneynne otoranchchati ubbay Ermaasa, «Neni wordo yootaasa! GODAA nu Xoossay, ‹Heen daanaas Gibxe boopite› gaada ne yootana mala nena kiittibeenna.

ጋሞ ማጻፋ

² ሆሻኢያ ና ኣዛሪያሲ፥ ቃሬሃ ና ዮሃናኔይኔ ኦቶራንቻቲ ኡባይ ኤርማሳ፥ «ኔኒ ዎርዶ ዮታሳ! ጎዳ ኑ ጾሳይ፥ ‹ሄን ዳናስ ጊብጼ ቦፒቴ› ጋዳ ኔ ዮታና ማላ ኔና ኪቲቤና።

ኤርማሳ ቲንቢቴ 43:2 Referans Kwoze

ኢሳያሳ ቲንቢቴ 7:9

Qasse Samaariyay Efreeme biittaas hu7e; Eromeliyo nay Samaariyas hu7e; intte intte ammanon minnidi eqqontta ixxiko mulekka eqqanaas dandayekketa» gees.

2ታሪኬ ማጻፋ 36:13

Qasse baas ammanettana mala Xoossa sunththan caaqeththida kawo Nabukadanaxoore bolla makkallides; GODAA Isra7eele Xoossaako simmontta ixxidi ba wozina muumisidi ba morge minththides.

1ጴጽሮሳ ኪታ 5:5

Hessaththoka intteno naateththatoo! Intte cimatas azazettite; intte wurikka ashketeth afala mala may7idi issoy issaas ooththite. «Xoossi otorizayta ixxees; ashketas qasse ba kiyateth immees» geetetti kase Geeshsha Maxaafan xaafettides.

ያቆቤ ኪታ 4:6

Gido attiin izi ba kiyateth nuus gujji immees; Maxaafaykka, «Xoossi otoranchchatara eqettees; ashketas gidikko ba kiyateth immees» giday hessassa.

ኤርማሳ ቲንቢቴ 43:1

GODAY kiittida qaala ubbaa Ermaasi isttas yootidi wursidaappe guye,

ኤርማሳ ቲንቢቴ 42:1

Ola qarati, Qaareeha naa Yohanaaney, Hosha7iya naa Azaariyaasinne asay ubbay guuththafe gita gakkanaas yiidi,

ኤርማሳ ቲንቢቴ 40:8

Histtidi Nataniya naa Isma7eeley, Qaareeha nayti Yohanaaneynne Yoonataaney, Tanihumeeta naa Saraya, Naxoofe katamappe yida Efaaya naytinne Ma7ikate katama as Ya7izaaney bantta olanchchata ubbaara Godoliyaasakko Mixiphpha yida.

ኤርማሳ ቲንቢቴ 13:15

GODAY yootides; wozinan woththi siyite; aggite otoranchcha gidopite.

ሌሚሶ ማጻፋ 16:5

GODAY otorettiza ubbaa shaatettees; istti qaxxayettontta attettenna.

ኤርማሳ ቲንቢቴ 41:16

Hessafe guye Qaareeha naa Yohanaaneynne izara diza ola qarati ubbay Nataniya naa Isma7eeley Akiqaame naa Godoliyaasa wodhi simmidi Mixiphphafe di7idi ehida olanchchata, maccassata, naytanne kawo keeththan ooththiza shuumeta ubbaa Geba7ooneppe zaaridi ekki bida.

ሌሚሶ ማጻፋ 30:9

Histtontta aggiko tani keeha kallada nena kaddana; ‹GODAY izi oonee?› gaana; woykko manqada kaysana; histtada tani Xoossa sunththaa caysana.

ሌሚሶ ማጻፋ 8:13

Godaas yashshateththi iita ixo; tani otoronne hallaca, menxe iitateththinne geella haasaya ixxays.

ሌሚሶ ማጻፋ 6:17

Otoreteththan xeelliza ayfe, wordotiza inxars, xillo asata wodhiza kushe,

ዬ ማጻፋ 123:4

Ceeqettizaytappe daro cashshi otoranchchatappe daro kadhey nuna gakkides.

ዬ ማጻፋ 119:21

Ne azazozappe kare kezizayta, otorettizaytanne qanggettizayta neni seeraasa.

ዬ ማጻፋ 12:3

Abeet GODAWU! baleththiza doona gorda; otoron haasayza inxarsata qanxxa;

ኬሳ ማጻፋ 9:17

Neni ha7ikka otorettada ta asaa yeddontta ixxadasa.

ኬሳ ማጻፋ 5:2

Histtiin kawozi, «Tani izas azazettada Isra7eele yeddanaas he GODAY izi oonee? Tani Godaa erikke; Isra7eelekka yeddike» gides.

ሜቴ ማጻፋ 19:14

Hessa gishshas Looxey ba macca nayta ekkanaas giigsidaytakko biidi isttas, «GODAY ha katamaa dhayssana giza gishshas Eleli dendidi hayssafe kezi kichchite» gides; gido attiin iza macca nayta giigsidayti izi qidhe gees gi qoppida.

ኤርማሳ ቲንቢቴ 18:18

Isttika, «Ane haa yiite; Ermaasa bolla maqettoos; wogay qeeseta achchan, zorey aadho eranchchata achchan, qaalaykka nabeta achchan dhayenna; ane haa yiite; nu inxarsan iza toochchoos; izi gizayssaka ubbaa siyokko» gida.

ኤርማሳ ቲንቢቴ 41:18

istti Gibxe biday Baabiloone asaappe kessi ekki attanaassa; Nataniya naa Isma7eeley Baabiloone kawoy biittayo haarana mala shuumi woththida Akiqaame naa Godoliyaasa wodhida gishshas istti Baabiloonetas babbida.

ኤርማሳ ቲንቢቴ 42:5

Istti zaaridi Ermaasas, «GODAA ne Xoossay ne baggara nuus kiittizayssa ubbaa nuni polontta aggiko GODAY nu bolla tumunne ammanettida markka gido.

ኤርማሳ ቲንቢቴ 42:20

Intte tana, ‹Neni nu gishshas GODAA nu Xoossaa woossa; izi nees yootizayssa ubbaaka nuus yoota; nunikka izas azazettana› giidi tana GODAA intte Xoossaako kiittida wode intte shemppo dhayssiza bala miish ooththideta.

ኤርማሳ ቲንቢቴ 44:16

«Neni GODAA sunththan nuus yootizayssa ubbaa nuni siyokko.

ኢሳያሳ ቲንቢቴ 9:8

GODAY Yaaqoobe zareta bolla pirda qaala kiittides; izikka Isra7eele bolla polettana.