ኤርማሳ ቲንቢቴ 43:10 - Geeshsha Maxaafa

¹⁰ Ubbaafe Wolqqama GODAA Isra7eele Xoossay taas, ‹Tani kiittada, ta aylleza Baabiloone kawo Nabukadanaxoore ehisana; histtada ha moogettida shuchchata bollan iza kawoteththa araata woththana. Histtidaappe guye izi ba kawoteththa dunkaana iza bollan essana.

ጋሞ ማጻፋ

¹⁰ ኡባፌ ዎልቃማ ጎዳ ኢስራኤሌ ጾሳይ ታስ፥ ‹ታኒ ኪታዳ፥ ታ ኣይሌዛ ባቢሎኔ ካዎ ናቡካዳናጾሬ ኤሂሳና፤ ሂስታዳ ሃ ሞጌቲዳ ሹቻታ ቦላን ኢዛ ካዎቴ ኣራታ ዎና። ሂስቲዳፔ ጉዬ ኢዚ ባ ካዎቴ ዱንካና ኢዛ ቦላን ኤሳና።

ኤርማሳ ቲንቢቴ 43:10 Referans Kwoze

ኤርማሳ ቲንቢቴ 1:15

Tani pudeha baggan diza kawoteththata haa yaana mala xeygana; Yerusalaameninne izi yuushon diza Yuhuda katamata bolla meto gaththidi istta oykkana; hessafe guye Yerusalaame geliza pengeta bolla bantta araata miccana.

ኢሳያሳ ቲንቢቴ 44:28

Qiroosekka, ‹Izi ta heenththanchcha; izi ta shene polana› gaana; Yerusalaameykka, ‹Simma eqqu› gaana; Xoossa Keeththaas, ‹Iza yochchi yegetto› gaana» gees.

ዬ ማጻፋ 31:20

Neni istta ne keeththan genththada asaa maqqofe ashshaasa; neni istta ne dizason qottada iita inxarsafe naagaasa.

ዬ ማጻፋ 27:5

Hessa gishshas meto gallas izi tana ba dizason genththana; ba dunkaanen tana qotti ashshana; dhoqqa zaalla bollaka izi tana essana.

ዬ ማጻፋ 18:11

Bana dhuman kammides; iza Dunkaaneza dhippi gida irara shaaray dooddides.

Maatosa 22:7

«Kawoykka hanqettidi wottadarata yeddidi ashkaraza wodhidayta dhayssides; istta katamaa xuuggides.

ዳኔላ ቲንቢቴ 2:21

Izi wodetanne aginatakka laammees; Kawota araatan utisees; kawoteththa araataappeka duge woththees; eranchchatas aadho erateth akeekizaytasikka erateth immees.

1ካዎታ ማጻፋ 20:16

Beeni-Hadaadey bana maaddiza 32 kawotara issife dunkaanen utti uyishe maththotti dishin seeta gallas Isra7eele olanchchati olas kezida.

1ካዎታ ማጻፋ 20:12

Beeni-Hadaadeynne kawoti bantta dunkaaneta giddon ushshu uyishe hessa he kiitaa siyida; kawo Beeni-Hadaadey ba olanchchata, «Olas giigettite» gi azaziin olanchchati katamaa olanaas giigettida.

ኢሳያሳ ቲንቢቴ 45:1

«Ta tiydayssas, ushachchaa ta oykkidayssas, kawota gith birshana malanne kawoteththati iza sinththan haarettana mala, pengeti gordettontta mala iza sinththan pengeta doyanaas Qirooses GODAY,

ኤርማሳ ቲንቢቴ 43:9

«Gita shuchchata ekkada Yuhuda asay be7ishin Xaafinaasen diza Gibxe kawoteththa keeththa pengen xuubeppe oosettida wuygezan mooga.

ኤርማሳ ቲንቢቴ 46:13

Baabiloone kawo Nabukadanaxoorey Gibxe biitta yiidi olanayssa GODAY nabe Ermaasas yootida qaalay hayssafe kaalli dizayssa;

ሂዚቄላ ቲንቢቴ 5:12

Ne asaappe issi kushey katama giddon iita hargeninne koshan hayqqana; nam7anththo kushey katamaa gimbefe karera mashshan wurana; attida heedzdzanththo kusheza tani carkos laallananne mashsha shodda yedeththana.

ኤርማሳ ቲንቢቴ 49:38

Tani araata Elaamen tokkana; tani izi kawotanne shuumeta dhayssana.