ኤርማሳ ቲንቢቴ 4:28 - Geeshsha Maxaafa

²⁸ Hessa gishshas sa7ay yeekkana; saloykka dhumana. Ays giikko tani gadis; he qofaa ta laammontta mala qachchadis» gees.

ጋሞ ማጻፋ

²⁸ ሄሳ ጊሻስ ሳኣይ ዬካና፤ ሳሎይካ ማና። ኣይስ ጊኮ ታኒ ጋዲስ፤ ሄ ቆፋ ታ ላሞንታ ማላ ቃቻዲስ» ጌስ።

ኤርማሳ ቲንቢቴ 4:28 Referans Kwoze

ታይቦ ማጻፋ 23:19

Xoossi asa mala wordotenna; iza qofay asa qofa mala laamettenna; izi ba immida hidota ubbaa polees; izi ba yootida ubbaa ooththees.

ሆሴኤ ቲንቢቴ 4:3

Hessa gaason biittay bolla koshay yees; izi bolla dizay wuri gilqees; meheti, do7ati, kafotinne Abba giddon diza moleti ubbay wureettes.»

ኤርማሳ ቲንቢቴ 12:4

Iray dhayiin biittay ayde gakkanaas melanee? Maataykka ayde gakkanaas melanee? Asaa iitateththaafe dendidayssan medosatinne kafoti dhayda. Hessa bollaka asay, «GODAY nuni ooththizayssa demmenna» gees.

ኢሳያሳ ቲንቢቴ 50:3

Tani salo dhumisana; tani iza maaqa mayzana» gees.

ኢሳያሳ ቲንቢቴ 5:30

He gallas istti gita abba dambala mala, Isra7eele bolla guummana; oonikka duge zaari biittaa xeelliko dhumanne meto be7ana; poo7oykka shaaran kamettana.

ዮሃኒሳ ኣጁታ 6:12

Hessafe guye he dorsay usuppunththo maatameza doyiin tani izakko xeelladis; hekko biittay wolqqama qaath qaaxxides; arshey asi kayos may7iza kareththa may7o mala karexxides; aginaykka kumeththara suuththa mala zo7adus.

Ibirawe 7:21

Izi gidikko qeeseteththaa caaqon ekkides. Gaasoykka Xoossi iza gishshas, «Goday caaqqides; ba qofaa izi laammenna; ‹Ne mernaas qeese› » gides.

ኤፌሶኔ ኣሳስ 1:11

Wursika ba shene mala ooththiza iza shenen koyrokka izi qoppi woththidayti nuni izan doorettidos.

ኤፌሶኔ ኣሳስ 1:9

Xoossi qoppida ba xuura qofaa Kirstoosa baggara ba lo7o qofaa mala nuna erisides.

ሉቃሳ ሚሺራቾ 23:44

He wode gadey seeta gallas gidishin biidi uddufun saate gakkanaas kumeththa biitta bolla dhumay dhumides.

ማርቆሳ ሚሺራቾ 15:33

Usuppun saateppe doommidi uddufun saate gakkanaas biittay wuri dhumides.

Maatosa 27:45

Gallas usuppun saateppe biidi uddufun saate gakkanaas kumeththa biittay dhumides.

ኢዩኤሌ ቲንቢቴ 1:10

Goyidi zerida kaththay meli dhayiin woyne miththay tokettidi melida gishshas zaytey dhaydes; hessa gishshas biittaya yeekkawus.

ሆሴኤ ቲንቢቴ 13:14

Tani nena duufo wolqqafe ashshana; hayqoppeka wozzana. Hayqoo! Ne wodhiza wolqqay awan dizee? Duufozoo! Neni as dhayssiza wolqqay awan dizee? Tani izas qadhettike.

ሂዚቄላ ቲንቢቴ 24:14

« ‹Tani GODAY hayssa yootadis; ta ooththanaas wodey gakkides; ta guye giikke; qadhettikenne sidhikke; ne oge malanne ne ooso mala ne bolla pirdettana› gees» gides.

ኤርማሳ ቲንቢቴ 30:24

Iza wozina qofaa polontta GODAA hanqoy coo hada guye simmenna; hessa yiza wodetan intte akeekana.

ኤርማሳ ቲንቢቴ 23:20

Iza wozina qofa mulera polontta dishe iza hanqoy coo hada simmenna; guyeppe yiza layththatan hayssa qonccen intte erana.

ኤርማሳ ቲንቢቴ 23:10

Biittaya layman xalla kumadus; qanggettida gishshas yeekkawus; bazzon diza mehe heenththasohoti melida; nabetikka geella oge kaallida; baas imettida maataa wogay baynda go7ettida.

ኤርማሳ ቲንቢቴ 14:2

«Yuhuda biittay yeekkees; katamatikka porqqu geettes; asay biitta bolla uttidi ceecees; Yerusalaameppeka waasoy seetettees.

ኤርማሳ ቲንቢቴ 12:11

He biittay ta sinththan bazzo, bulanne mela biitta gidana; izis qoppizay baynda gishshas biittaya bazzo gidana.

ኤርማሳ ቲንቢቴ 7:16

GODAY, «Ermaasa, ne woossiinkka ta siyontta gishshas ne hayssa deraas woossofa; isttas shoobbofa woykko isttas gaannatoppa.

ኢሳያሳ ቲንቢቴ 34:4

Salo xoolintteti ubbay seerana; saloy galba mala xaaxettana; cora xoolintteti ubbay, shullidi qoqofettiza woyne hayththa malanne melidi sa7an wodhiza balase hayththa mala gidana.

ኢሳያሳ ቲንቢቴ 24:4

Biittaya melana; izin diza ubbay qokkana; alamey daaburana; biitta bolla erettida gita asati daaburana.

1ሳሜላ ማጻፋ 15:29

Isra7eele bonchcho gidida GODAY wordotenna; modhettenna; gaasoykka modhettanaas izi ase gidenna» gides.

ኤርማሳ ቲንቢቴ 51:12

Baabiloone gimbeta bolla malata essite; minththi naagite; zabe naagizayta essite; zamadi uttidi olizayta giigsite. GODAY Baabiloone asaa bolla qoppida qofaanne ba halchcho polana.

ኤርማሳ ዚላስ 2:17

Xoossi ba qoppidayssa ooththides; daro wodeppe kase yootida qaala polides; izi nena qadhetay baynda laallides; ne waayettishin morkkey ufayettana mala ne morkketa dhoqqu dhoqqu histtides.

ዛካራሳ ቲንቢቴ 8:14

Ubbaafe Wolqqama GODAY, «Kase intte aawati tana hanqeththida gishshas tanikka mishay baynda inttena qaxxayana qachchadis» gees.