ኤርማሳ ቲንቢቴ 4:13 - Geeshsha Maxaafa

¹³ Be7ite! Morkkey shaara mala biitta kumides; iza para-gaaretikka gote carko mala yeettes; iza paratikka golle kafota mala eesoteettes; aayye ana nu dhayana goos!

ጋሞ ማጻፋ

¹³ ቤኢቴ! ሞርኬይ ሻራ ማላ ቢታ ኩሚዴስ፤ ኢዛ ፓራ-ጋሬቲካ ጎቴ ጫርኮ ማላ ዬቴስ፤ ኢዛ ፓራቲካ ጎሌ ካፎታ ማላ ኤሶቴቴስ፤ ኣዬ ኣና ኑ ያና ጎስ!

ኤርማሳ ቲንቢቴ 4:13 Referans Kwoze

ኢሳያሳ ቲንቢቴ 19:1

Gibxe gishshas yootettida qaalay, «Be7ite, GODAY eesotiza shaara toggidi Gibxe yees. Gibxe eeqa xoossati iza sinththan kokkoreettes; Gibxe wozinay istta giddon seerees» gees.

ኢሳያሳ ቲንቢቴ 66:15

Hekko GODAY tama lacon yaana; iza para-gaareti gote carko mala; izi ba yiillo hanqon, ba seera tama lacon qonccisana.

ኢምባቆ ቲንቢቴ 1:8

Istta paray maaheppeka pilata; omarsa kana suytetappeka menxe iita; istta toga asaykka too pilatanne haahoppe yizayta. Baqqi ekkidi eleliza golle kafo mala piradhdheettes.

ኤርማሳ ዚላስ 4:19

Nuna gooddizayti salora paalliza gollefe aadhdhi eesoteettes; istti nuna zuma bollara gooddida; bazzon nuna zuggi naagida.

ኢሳያሳ ቲንቢቴ 5:28

Istta yiishshay hoxe; istta wondafeykka waaxetti uttides. Istta parata qinccafilley zaalla shuchcha mala; istta para-gaareta erzoykka gote mala.

ናሆሜ ቲንቢቴ 1:3

GODAY hanqettanaas eesotenna; iza wolqqayka gita. GODAY mooranchcha qaxxayontta aggenna; gote carkoynne abba dambalay izas oge; shaaray iza toho gudulla.

ኢሳያሳ ቲንቢቴ 13:5

GODAYNNE izi ba hanqo polisanaas go7ettiza miishshati biitta ubbaa dhayssanaas haaho biittafe salota gaxappe yida.

ዛሬ ማጻፋ 28:49

GODAY ne istta qaala erontta kawoteth haako dereppe ne bolla ehana; isttika golle kafo mala ne bolla wodhdhana.

ኤርማሳ ቲንቢቴ 4:31

Tani koyro bayra naa yelanaas miixattiza maccassa mala ne waassishin ta siyadis; Yerusalaame macca naya peenoy tucettanaashe gakkanaas waassishininne ba kushe miccada, «Ta waanoo! Hekko tana wodhana geettes!» gishin siyadis.

ዮሃኒሳ ኣጁታ 1:7

Hekko izi saloppe shaarara gita bonchchora yaana; kase iza caddi wodhidaytikka issoyka attontta wuri iza beyana; biitta bolla diza dereykka wuri iza gishshas yeekkana. Hayssi ha yo7ozi tumukko! Amiin.

Maatosa 24:30

«He wode asa naa malatay salo bolla beettana. Biitta bolla diza derey wuri yeekkana; Asa Naykka salo shaara bolla daro wolqqaranne gita bonchchora yishin asay beyana.

ሆሴኤ ቲንቢቴ 8:1

«Asay tanara diza caaqo qaala laallides; ta woga bollaka makkallides. Hessa gaason morkkey arganththa mala GODAA keeththa bolla alaanththees. Hessa gishshas istti naagettana mala zaye punna!

ዳኔላ ቲንቢቴ 7:4

«Koyro do7azi gaammo misatees; izas golle qefe mala qefeti deettes; tanikka xeelon dishin he qefeti shodetti shodetti wodhdhida; he do7azi dhoqqu giidi asa mala nam7u tohotan eqqides; izas asa wozinay imettides.

ኤርማሳ ቲንቢቴ 10:19

Waanoo ay hanoo! Ta madunththay paxontta madunththa. Gido attiin ta tana, «Hayssi ta harge; tani dandayanaas bessees» gadis.

2ሳሜላ ማጻፋ 1:23

«Sa7oolinne Yoonataaney shemppora paxa dishe siiqettizaytanne qofan gayttizayta. Hayqqisheka shaakettonttayta; golle kafoppe pilatizayta; gaammofekka minnizayta.

ኢሳያሳ ቲንቢቴ 3:8

Yerusalaamey gandigarawus; Yuhudaykka kundana matadus; gaasoykka istti bantta haasayaninne ooson GODAARA eqettishe iza bonchchoza toochcheettes.

ኤርማሳ ቲንቢቴ 4:12

Hessafekka keehi wolqqamiza carkoy ta azazon carkana; ha7i tani istta bolla pirdana» geetetti yootettana.

ኤርማሳ ቲንቢቴ 9:19

Xiyoonen zilassaa cenggurssi siyettees; ‹Nuni dhaydos! Nuni keehi kawuyidos! Nu keeththi laalettichchida gishshas nu biittaa aggidi dendi boos› gi zilaleettes» gees.

ኤርማሳ ቲንቢቴ 49:22

Golle mala duge sitti gi izi bolla wodhdhana; ba qefetakka Booxira bolla miccana; he wode Eedoome olanchchati miixay oykkida maccassa mala hirgana.

ሂዚቄላ ቲንቢቴ 26:10

Para daroteththafe dendidayssan gudullay nena goozi oykkana; asay gimbey laalettida katama mala izi ne pengetara geliza wode, parata, para-gaaretanne gaareta cenggurssafe dendidayssan ne gimbetti qaaxxana.

ሂዚቄላ ቲንቢቴ 38:9

Neni, ne olanchchatinne nenara diza daro kawoteththati gote carko mala dendana; shaara mala intte biitta kammana.

ዳኔላ ቲንቢቴ 11:40

«Wurseththa wodey gakkishin dugeha bagga kawoy pudeha bagga kawoza bolla olas worajjana; pudeha bagga kawoy para-gaaren, toganinne markabetan go7ettidi olaa eqettana; di7o haaththa mala daro dereta worajji oykkana.

ሚኪያሳ ቲንቢቴ 2:4

He wode derey intte bolla miicci kaa7ana; inttena qidhishe, « ‹Nu mulera dhaydos; ta dabbo gadey haras gishettides; taappe bonqqi ekkidi nu biitta nuna Xoonidaytas gishides› gi zilalana» gides.

ኤርማሳ ቲንቢቴ 6:23

Istti wondafenne toora oykkida. Istti menxe iitatanne qadhetay bayndayta; istti bantta parata toggiza wode abbay guummiza mala guummeettes. Intteno Xiyoone macca naytoo! Istti giigettidi inttena olanaas yeettes» gees.

ኤርማሳ ቲንቢቴ 46:18

Iza sunththay GODAA Ubbaafe Wolqqama Xoossa geetettiza Kawoy, tani ta de7on caaqqays; zumata giddon diza Taaboore zuma misatizay, abba achchan diza Qarmeloose zuma misatiza issaadey yaanaas dees.

ኤርማሳ ቲንቢቴ 48:40

GODAY, «Golley ba qefe piddi histti piradhdhi wodhdhiza mala, Mo7aabe bolla wodhdhana.

ዛካራሳ ቲንቢቴ 6:1

Qasseka hara ajjuutan oyddu para-gaareti nam7u xarqimala zumata giddora yizayta be7adis.