ኤርማሳ ቲንቢቴ 4:12 - Geeshsha Maxaafa

¹² Hessafekka keehi wolqqamiza carkoy ta azazon carkana; ha7i tani istta bolla pirdana» geetetti yootettana.

ጋሞ ማጻፋ

¹² ሄሳፌካ ኬሂ ዎልቃሚዛ ጫርኮይ ታ ኣዛዞን ጫርካና፤ ሃኢ ታኒ ኢስታ ቦላ ፒርዳና» ጌቴቲ ዮቴታና።

ኤርማሳ ቲንቢቴ 4:12 Referans Kwoze

ኤርማሳ ቲንቢቴ 1:16

«Yuhuda asay tana aggidi, hara eeqa xoossatas exaane cuwasida gishshas, ba kushen ooththi kessidayta goynnida gishshas ta deraa bolla pirdaa awajjadis.

ሂዚቄላ ቲንቢቴ 5:8

Hessa gishshas Ubbaa Haariza GODAY, «Hekko, tani ta baggara ne bolla dendadis; kawoteththata sinththan tani ne bolla pirda ehana.

ዬ ማጻፋ 11:6

GODAY iitata bolla eexxiza tama bonqonne diine tama bukisana. Dhayssiza gote carkon istta qaxxayana.

ኤርማሳ ቲንቢቴ 4:11

He woden ha asaassinne Yerusalaames, «Bazzon diza aykkoy baynda zumbullatappe xuuggiza carkoy ta deraa bolla carkana; gido attiin hessi kath suragganaassinne geeshshanaas gidenna.

ኤርማሳ ቲንቢቴ 4:13

Be7ite! Morkkey shaara mala biitta kumides; iza para-gaaretikka gote carko mala yeettes; iza paratikka golle kafota mala eesoteettes; aayye ana nu dhayana goos!

ኤርማሳ ቲንቢቴ 51:1

GODAY, «Be7ite! Baabiloonenne izin dizayta bolla dhayssiza carko tani yeddana.

ሆሴኤ ቲንቢቴ 13:15

Izi ba ishata giddon dure gidikkoka GODAAPPE kiitettida carkoy arshey mokkiza baggara bazzo biittafe dendidi yaana. Pulttoy to7ana; haaththa olaykka melana; izas diza al7o aqotay minjja keeththafe bonqqettana.

ኢምባቆ ቲንቢቴ 1:11

Hessafe guye gote carko mala pitti ekki bees; heyti ba wolqqa baas xoossa kessida nagaranchchata» gees.