ኤርማሳ ቲንቢቴ 39:8 - Geeshsha Maxaafa

⁸ He wode Baabiloone olanchchati kawo keeththanne asay diza keeththata ubbaa taman xuuggida; Yerusalaame gimbekka laallida.

ጋሞ ማጻፋ

⁸ ሄ ዎዴ ባቢሎኔ ኦላንቻቲ ካዎ ኬኔ ኣሳይ ዲዛ ኬታ ኡባ ታማን ጹጊዳ፤ ዬሩሳላሜ ጊምቤካ ላሊዳ።

ኤርማሳ ቲንቢቴ 39:8 Referans Kwoze

ናሂሚያ ማጻፋ 1:3

Isttika taas, «Di7ettidi Baabiloone biitta bontta attida Ayhudati gita metoninne waaye giddon deettes; Yerusalaame gimbetti laalettidi kundida; qasse gimbeza gordiza pengeti taman xuugettida» gida.

ኤርማሳ ቲንቢቴ 38:18

Gido attiin Baabiloone kawo ola halaqatas neni ne kushe immontta ixxiko hanna katamaya Baabiloonetas aadhdha imettana; isttika izo xuuggana; nenikka istta kusheppe kessa ekkaka› gees» gides.

ኤርማሳ ቲንቢቴ 21:10

Tani ha katamaas lo7o ooththanaas gidontta iita ooththanaas qachchadis; iza Baabiloone kawos aadhdha imettana; izikka izo taman xuuggana› gees.

ሚኪያሳ ቲንቢቴ 3:12

Hessa gishshas intte geedon Xiyooney goshsha biitta mala goyettana; Yerusalaameykka qolettida keeththa doore gidana; Xoossa Keeththay diza zumaykka sharafa maatay iza bolla diccida zuma gidana.

ኣሞጼ ቲንቢቴ 2:5

Hessa gishshas tani Yuhuda bolla tama yeddana; he tamay Yerusalaame miixata maana» gees.

ኤርማሳ ዚላስ 2:7

GODAY yarsho yarshizasohoza kadhides; ba keeththaaka aggides; ba kawoteththa keeththa gimbeta morkkes aaththi immides; ba7aale gallassatan ooththizayssaththo istti GODAA Keeththan keehi waassida.

ኤርማሳ ዚላስ 2:2

Yaaqoobe duussaso ubbaa Xoossi qadhetay baynda dhayssides; Yuhuda dere miixata izi ba hanqon laallides; izi kawoteththanne dere ayssizayta kawushshidi duge biittan yeggides.

ኤርማሳ ዚላስ 1:10

Izi aqota ubbaa bolla morkkey ba kushe yeddides; Xoossa asaa shiiqon gelontta mala neni diggidayti eeqa xoossatas goynniza ayzaabeti gede izi Xoossa Keeththan gelishin be7adus.

ኤርማሳ ቲንቢቴ 37:10

Inttenara olettiza Baabiloone olanchchata intte xooniin istta dunkaane giddon madunxida asi xalla attikokka heyti yiidi hanno ha katamayo xuuggana» gees.

ኤርማሳ ቲንቢቴ 34:22

Tani istta azazana; istti ha katamayo olana mala tani zaara ehana; isttika katamayo oli oykkananne taman xuuggana; tani Yuhuda katamata asi bayndaso bula kessana» gees.

ኤርማሳ ቲንቢቴ 34:2

GODAA Isra7eele Xoossay, «Yuhuda Kawo Sedeqiyaasakko baada, ‹Tani ha katamayo Baabiloone kawo kushen aaththa immana; izikka ha katamayo taman xuuggana.

ኤርማሳ ቲንቢቴ 17:27

Gido attiin intte Sambata gallassata dummasontta ixxidi sambata gallas tooho tookkidi Yerusalaame pengetara gelidi ta azazo menththiko tani Yerusalaame pengeta bolla izi miixata miza to7ontta tama ta eeththana» gides.

ኤርማሳ ቲንቢቴ 7:20

Hessa gishshas Ubbaafe Wolqqama GODAY, «Ta yiilloynne ta hanqoy ha soho bolla, medosata bolla, gaden diza miththa bollanne kaththa bolla gukkana; histtidi eexxana; to7anaaska dandayenna» gees.

ኢሳያሳ ቲንቢቴ 5:9

Ubbaafe Wolqqama GODAY tani ta hayththara siyishin, «Gita keeththati kayzi attana; he lo7o keeththatan de7anaas asi dhayana.

2ታሪኬ ማጻፋ 36:19

Hessafe guye Baabiloone olanchchati Xoossa Keeththaa taman xuuggida; Yerusalaame dirsa gimbezakka laallida; kawoteththa keeththata taman xuuggida; heen de7iza al7o miishshata ubbaaka dhayssida.

2ካዎታ ማጻፋ 25:8

Baabiloone kawo Nabukadanaxoorey kawotida tammanne uddufunththa layththan ichchashanththa aginan laappunththa gallassan izas bonchcho zabeta azazizayssinne Baabiloone kawozas daro dhoqqa shuume gidida Nabuzaradaaney Yerusalaame yides.

ዬ ማጻፋ 79:7

Ays giikko istti Yaaqoobe zereththata wodhidanne istti de7izasozikka mulera dhayssida.

ኤርማሳ ቲንቢቴ 32:29

Katamayo oliza Baabilooneti yiidi katamay giddo gelana; izokka taman xuuggana; tana hanqeththanaas asay bantta keeththa pooqe pooqe bolla Ba7aales exaane cu7asidasohotanne eeqa xoossatas ushsha yarsho shiishshida keeththata ubbaa istti xuuggana» gees.

ሂዚቄላ ቲንቢቴ 16:41

Ne keeththata taman xuuggana; daro maccassata sinththan ne bolla qixaate ehana; ne laymateththaa ta nena diggana; hayssafe guye ne siiqotas ne miish qanxxaka.

ሂዚቄላ ቲንቢቴ 23:47

Derey istta shuchchan kurakkana; istti giththa mashshan istta qanxxereththana; istta attuma naytanne macca nayta wodhana; istta keeththaaka xuuggana.

ሂዚቄላ ቲንቢቴ 33:21

Nuni di7ettida tammanne nam7anththo layththan, tammanththo aginan, ichchashanththo gallassan, Yerusalaameppe kessi ekki yida issi asi katamay kundidayssa taas yootides.

ኤርማሳ ቲንቢቴ 5:10

Qasseka GODAY, «Woyne tura giddo biidi iza moorite; gido attiin mulera dhayssofte. Istti GODAAS gidontta gishshas izi haggata tarshi tarshi yeggite; Isra7eele asaynne Yuhuda asay mulera tana kaddida» gees.