ኤርማሳ ቲንቢቴ 39:18 - Geeshsha Maxaafa

¹⁸ Tani nena ashshana; neni tanan ammanettida gishshas shemppora paxa attana attiin mashshan siifettaka» giidi yootana mala azazides.

ጋሞ ማጻፋ

¹⁸ ታኒ ኔና ኣሻና፤ ኔኒ ታናን ኣማኔቲዳ ጊሻስ ሼምፖራ ፓጻ ኣታና ኣቲን ማሻን ሲፌታካ» ጊዲ ዮታና ማላ ኣዛዚዴስ።

ኤርማሳ ቲንቢቴ 39:18 Referans Kwoze

ኤርማሳ ቲንቢቴ 38:2

GODAY, «Hanno katamayn attiza oonikka olan, koshaninne iita hargen hayqqana; gido attiin Baabiloonetakko biza oonikka hayqqenna; ba hu7e ashshana; paxakka daana» gees.

ዬ ማጻፋ 34:22

GODAY ba oosanchchata ashshees; izakko baqatida ooninne pirdettenna.

ኤርማሳ ቲንቢቴ 21:9

Hanno ha katamayn takkiza ubbay mashshan, koshaninne iita hargen hayqqana; gido attiin katamayppe kezi biidi katama dooddi oykkida Baabiloone asatas ba kushe immida asi ba shemppo ashshananne de7on daana.

ኤፌሶኔ ኣሳስ 1:12

Nuni kasetidi Kirstoosa baggara ekkana giidi ufayssan naagizayti Xoossa bonchcho galatan qonccisanaassa.

ዬ ማጻፋ 84:12

Abeet Ubbaafe Wolqqama GODAWU! Nenan ammanettizayti anjjettidayta.

ዬ ማጻፋ 147:11

GODAY baas yayyizaytaninne iza siiqon ammanettizaytan ufayettees.

1ታሪኬ ማጻፋ 5:20

Ba ammano Xoossa bolla yeggidi izi istta maaddana mala Xoossa woossida. Xoossika istta woosaa siyidi Aggaaretanne isttara diza harata istta kushen aaththi immides.

ዬ ማጻፋ 37:3

Neni GODAAN ammanetta; lo7o oosokka ooththa; histtiko neni biitta bolla palahin daana.

ዬ ማጻፋ 33:18

GODAA ayfeti izas yayyizaytanne iza mernaa siiqo hidota ooththiza asata xeellees.

1ጴጽሮሳ ኪታ 1:21

Inttes ammanoynne intte hidotay Xoossan gidana mala Yesus Kirstoosa baggara iza hayqoppe denththidi izas bonchcho immida Xoossaan intte ammanetteeta.

ኦሮሜ ኣሳስ 2:12

Kase wogay eqqontta wode nagara ooththida asay wurikka wogay baynda dhayana; wogay eqqi simmiin nagara ooththidayti wogan oykettidi pirdettana.

ኢሳያሳ ቲንቢቴ 26:3

Nenan ammanettida gishshas nenan zemppida shemppoyo neni kumeththa saroteththan naagaasa.

ዬ ማጻፋ 2:12

GODAY hanqettiin ogen intte dhayontta mala izas suure wozinan goynnite; ays giikko iza hanqoy eeson eexxi kezana. Iza banttas zemppo ooththizayti anjjettidayta.

ኢዮቤ ማጻፋ 5:20

Kosha layththan izi nena shemppora paxa woththana; ola layththankka izi nena hayqoppe ashshana.

ዬ ማጻፋ 91:7

Issi shii ne millesora, qasse tammu shii neeppe ushachcha baggara kundana; gido attiin nena aykkoyka bochchenna.