ኤርማሳ ቲንቢቴ 38:19 - Geeshsha Maxaafa

¹⁹ Qasseka kawo Sedeqiyaasi Ermaasas, «Baabiloone baqati bida Ayhudati ta bolla qidhi kaa7ontta mala tana istta kushen aaththi immanaakko gaada babbays» gides.

ጋሞ ማጻፋ

¹⁹ ቃሴካ ካዎ ሴዴቂያሲ ኤርማሳስ፥ «ባቢሎኔ ባቃቲ ቢዳ ኣይሁዳቲ ታ ቦላ ቂ ካኦንታ ማላ ታና ኢስታ ኩሼን ኣ ኢማናኮ ጋዳ ባባይስ» ጊዴስ።

ኤርማሳ ቲንቢቴ 38:19 Referans Kwoze

ዮሃኒሳ ሚሺራቾ 12:42

Gidikkoka Ayhudata halaqatappe daro asay Yesusa ammanides. Gido attiin istta Ayhudata Woosa Keeththafe gooddontta mala Farsaawetas babbidi ba ammano qonccen markkattibeettenna.

ኤርማሳ ቲንቢቴ 38:22

Yuhuda kawoteththa keeththan attida maccassati ubbay di7ettidi Baabiloone shuumetas aadhdhi imettana; he maccassati, « ‹Neni isttan ammanettida ne siiqoti nena baleththidanne xoonida; ne tohoy urqqan mitettides; ne siiqotikka nena yeggi bida› gaana.

ኢሳያሳ ቲንቢቴ 57:11

«Neni taas wordotiday, oonas yayyadaa? Oonas hirgadaa? Ne tana qoppontta aggiday, hayssaka ne wozinan qum7ontta aggiday, taas ne yayyontta ixxiday, tani co7u gida gishshas gidennee?

ኤርማሳ ቲንቢቴ 39:9

Baabiloone kawo bonchcho naagiza zabeta azaziza Nabuzaradaaney kataman attida asatanne kaddidi banan gaaggida asata ubbaa issife di7idi Baabiloone biitta efides.

1ሳሜላ ማጻፋ 31:4

Sa7ooli ba gondalle oykkizayssas, «Hayti qaxxarettonttayti tana caddontta malanne kawushshontta mala neni ne mashshan tana cadda» gides. Izas gondalle tookkizayssi keehi babbida gishshas caddontta ixxides. Histtiin Sa7ooli barkka ba giththa mashshaa bolla kundi hayqqides.

ሌሚሶ ማጻፋ 29:25

Asas yayyizayssi izaades woximade gidees; gido attiin GODAAN ammanettiza asi saron de7ees.

1ሳሜላ ማጻፋ 15:24

Hessafe guye Sa7ooli Sameelas, «Tani nagara ooththadis; GODAA azazonne ne immida wogaa mooradis; tani deraas yayyida gishshas isttas azazettadis.

ዳናታ ማጻፋ 16:25

Istti keehi ufayettida gishshas, «Iza bolla nu miicci kaa7ana mala Samsoone haa ekki yiite» gida; histtiin Samsoone qasho keeththafe xeygidi ehiin izi istta sinththan kaa7ides; kaa7idaappe guye iza nam7u tuussata giddon essida.

ዳናታ ማጻፋ 9:54

Iza gondalle oykki kaalliza naateththaza eeson xeygidi, «Tana asi, ‹Iza maccassi wodhadus› gontta mala ne giththa mashshaa koohoppe shoddada tana wodha» gides; he ayllezikka caddiin izi hayqqides.

ኤርማሳ ቲንቢቴ 38:5

Kawo Sedeqiyaasi zaaridi, «Izi intte kushen dees; kawozi inttenara eqettidi aykkoka ooththana dandayenna» gides.

ኢዮቤ ማጻፋ 31:34

Tana asa daroy yashissininne soo asata kadhoy daganththiin tani tason co7u gaada qotettida wodey deenna.

2ታሪኬ ማጻፋ 30:10

Kiitettidayti Efreeme biittanne Minaase biitta kanththidi Zaabiloone biitta gakkanaas katamappe katama bida; gido attiin he katamatan de7iza asati istta kadhidi istta bolla miiccidanne qilccida.

ናሂሚያ ማጻፋ 4:1

Nuni gimbeza ooso doommidayssa Sanbalaaxey siyidi keehi yiillotidi nuna naacanaas dendides.

ኤርማሳ ቲንቢቴ 20:7

Abeet GODAWU! Neni tana cimmadasa; tanikka cimettadis. Neni taappe keeha minnada tana xoonadasa. Gallas kumeth tani asas miichchas attadis; ubbayka tana qidhees.