ኤርማሳ ቲንቢቴ 37:7 - Geeshsha Maxaafa

⁷ GODAA Isra7eele Xoossay, «Tana intte oychchana mala inttena kiittida Yuhuda kawos, ‹Be7ite, inttena maaddanaas kezida Gibxe kawo olanchchati bantta biitta guye simmi baana.

ጋሞ ማጻፋ

⁷ ጎዳ ኢስራኤሌ ጾሳይ፥ «ታና ኢንቴ ኦይቻና ማላ ኢንቴና ኪቲዳ ዩሁዳ ካዎስ፥ ‹ቤኢቴ፥ ኢንቴና ማዳናስ ኬዚዳ ጊብጼ ካዎ ኦላንቻቲ ባንታ ቢታ ጉዬ ሲሚ ባና።

ኤርማሳ ቲንቢቴ 37:7 Referans Kwoze

ኤርማሳ ዚላስ 4:17

Nu ayfey maado demmanaas xeellishe coo mela daaburdes; nuna ashshanaas dandayontta deretappe maado demmanaas laamotan naagidos.

ሂዚቄላ ቲንቢቴ 17:17

Baabiloone olanchchati as wodhanaas katamay gimbe yuushon biitta dooriza wodenne miixata giigsiza wode Gibxe kawo Paaroone olanchchataranne daro buttetara yiidi olan iza maaddana dandayenna.

ኤርማሳ ቲንቢቴ 37:3

Kawo Sedeqiyaasi, Shelemiya naa Yekaalenne Ma7isaya naa qeese Sofonaasa nabe Ermaasakko, «GODAA nu Xoossaa nuus woossa» giidi kiittides.

ኤርማሳ ቲንቢቴ 21:2

Kiitettidaytikka, «Baabiloone Kawo Nabukadanaxoorey ba olanchchatara ha katama giddoththida gishshas ane nuus GODAA oychcha. GODAY beniyssa mala malalisiza ooso nu gishshas ooththidi iza guye zaaranaakko ooni erizee» gi oychchida.

2ካዎታ ማጻፋ 22:18

GODAA oychchanaas inttena haa kiitti yeddida Yuhuda kawozas hayssafe kaallizayssa yootite; ‹Neni siyida yo7oza gishshas GODAA Isra7eele Xoossay,

ሂዚቄላ ቲንቢቴ 29:16

Gibxey hayssafe guye Isra7eeley izin zemppiza dere gidukku; maado demmanaas izikko istti simmida wode istti ooththida nagaraa istti qofsiza dere gidana; hessafe guye tani Ubbaa Haariza GODAA gididayssa istti erana› gees» gides.

ኤርማሳ ቲንቢቴ 2:36

Histtiin ne oge laamma laamma ays woxxay? Kase nena Asoore biittay kawushshida mala Gibxe biittay nena kawushshana.

ሌሚሶ ማጻፋ 21:30

Asi ba eran, akeekaninne halchchon GODAARA eqettanaas dandayenna.

ኤርማሳ ቲንቢቴ 2:18

Shihoore shaafappe haath uyanaas, ay ekkanaas duge Gibxe wodhdhadii? Woykko Efiraaxise shaafappe haath uyanaas duge Asoore beeth ays koshshidee?

ኤርማሳ ቲንቢቴ 2:37

Neni ammanettizayta GODAY kawushshida gishshassinne isttafekka maado demmontta gishshas hayssafekka ne hu7e kushen baqqa oykkada kezana.

ኤርማሳ ቲንቢቴ 21:1

Yuhuda Kawo Sedeqiyaasi Malkiya naa Pashkurenne Ma7isaya naa qeese Sofonaasa Ermaasakko kiittida wode GODAA qaalay Ermaasakko yides.

ኤርማሳ ቲንቢቴ 37:5

Gibxe kawo olanchchati Gibxeppe kezidi yizayssa Yerusalaame giddoththida Baabiloone olanchchati siyida wode istti Yerusalaameppe aggidi guye simmida.

ኤርማሳ ቲንቢቴ 37:6

Hessafe guye GODAA qaalay nabe Ermaasakko yiidi,

ኤርማሳ ዚላስ 1:7

Yerusalaamey metotida wodeninne waayettida gallassatan kase izis diza aqota yuushsha qoppawus; iza morkke kushen kundida wode izo maaddizay oonikka baynda wode, izi morkketi izi kundeththaa be7idi izi bolla miiccida.

ሂዚቄላ ቲንቢቴ 30:22

Hessa gishshas Ubbaa Haariza GODAY, ‹Tani Gibxe kawo Paaroone bolla dendadis; izas paxa qesezaranne meqo qesezara nam7aa gaththa menththana; iza mashshay iza kusheppe kessi ekki wodhdhana mala ta ooththana.

2ካዎታ ማጻፋ 24:7

Baabiloone kawoy haaththi baynda Gibxe shaafatappe biidi Efiraaxise shaafa gakkanaas izi haariza dereta ubbaa iza kusheppe woththi ekkida gishshas Gibxe kawozi ba dereppe zaari ola olettanaas kezibeenna.

ኢሳያሳ ቲንቢቴ 30:7

izi maados mulekka go7ay baynda dere istti Gibxe baana; hessa gishshas tani izi sunththaa «Aykkoka go7onttaaro Era7aabe» ga xeygana.

ኢሳያሳ ቲንቢቴ 36:6

Hekko neni asi iza oykki darttiin meqqidi madunththiza maqqa misatiza Gibxen ammanettadasa; Gibxe kawo Paarooneykka izan ammanettiza ubbaas hessa mala.›