ኤርማሳ ቲንቢቴ 33:3 - Geeshsha Maxaafa

³ «Ne haa taakko waassa; tanikka nees zaarana; ne erontta miish hessika wolqqamanne pilggiin erettontta miish ta nees qonccisana.

ጋሞ ማጻፋ

³ «ኔ ሃ ታኮ ዋሳ፤ ታኒካ ኔስ ዛራና፤ ኔ ኤሮንታ ሚሽ ሄሲካ ዎልቃማኔ ፒልጊን ኤሬቶንታ ሚሽ ታ ኔስ ቆንጪሳና።

ኤርማሳ ቲንቢቴ 33:3 Referans Kwoze

ኤርማሳ ቲንቢቴ 29:12

Intteka tana xeygana; shiiqidi tana woossana; tanikka siyana.

ኢሳያሳ ቲንቢቴ 65:24

Istti buro tana xeyganaappe kaseta tani koyana; istti taas yooti wursontta ta siyana.

ኤፌሶኔ ኣሳስ 3:20

Hessa gishshas nu giddon ooththiza ba wolqqaa gina nu woossizayssafenne woykko nu qoppizayssafe ubbaafe bollara keehi darssi ooththanaas dandayza Xoossaas,

ኢሳያሳ ቲንቢቴ 48:6

«Hayta ha yo7ota ne siyadasa; ane ubbaaka xeella; istti likke gididayssa neni ne hu7era markkattikii? Ha7ippe doommada ooraththa miishshata, neeppe geemmidaytanne ne erontta yo7ota ta nees yootana.

ዬ ማጻፋ 91:15

Izi tana xeygiza wode tani izas koyana; izi metotida wode tani izara issife gidana; tani iza ashshananne bonchchana.

ዛሬ ማጻፋ 4:29

Gido attiin intte heen dishe GODAA intte Xoossaa kumeththa wozinappenne kumeththa shemppofe koykko intte iza demmana.

ዬ ማጻፋ 50:15

Meto gallas ne tana xeyga; ta nena ashshana; nekka tana bonchchana» gees.

ዬ ማጻፋ 145:18

GODAY bana xeygizaytas ubbaas mata; wozinappe xeygiza ubbaas matan dees.

ዛሬ ማጻፋ 4:7

GODAA nu Xoossay nu woossishin mata gidida mala iza GODAY izas mata gidida hara gita kawoteththi oonee?

ሃዋሬታ ኦሶ 2:21

Godaa sunth xeygizay wuri attana› gides.

ኣሞጼ ቲንቢቴ 3:7

GODAY ba xuura ba oosanchcha nabetas koyrotti yootontta dishe aykkoka ooththenna.

ዬ ማጻፋ 25:14

GODAY bana yayyizaytappe ba xuura qottenna; izi isttas ba gelida caaqo qaalakka erisees.

ኢሳያሳ ቲንቢቴ 45:3

Nena ne sunththan xeygida GODAY, Isra7eele Xoossay tana gididayssa ne erana mala, geemason dagattida aqota, dhumason diza haaro ta nees immana.

ዮሃኒሳ ኣጁታ 2:17

«Ayanay Woosa Keeththatas gizayssa hayththi dizaadey siyo! Xoonidaades tani qotan diza mannafe iza immana; izi taas gididayssa bessanaas iza bolla ooraththa sunththi xaafettida booththa shuch izas ta immana; hessaka ekkidaadefe attiin hara asi oonikka erenna.

Maatosa 13:35

Hessika kase nabe doonan, «Ta doona leemison ta doyana; alamey medhettoosoppe haa simmiin qotettidayssa ta haasayana» geetetti yootettidayssi polettides.

ሚኪያሳ ቲንቢቴ 7:15

Ne kase Gibxeppe kezida wodeza mala tani ta malata istta bessana.

ኢዩኤሌ ቲንቢቴ 2:32

GODAA sunth xeygizay wurikka attana; GODAY kase yootida mala Xiyoone zuma bollafenne Yerusalaameppe atoteththi beettana; attanayta garsan GODAY xeygidayti daana» gides.

1ቆሮንቶሴ ኣሳስ 1:2

Qorontoosen diza Xoossa Woosa Keeththaas, Godaa Yesus Kirstoosas dummatidaytassinne isttassara nuussara Godaa gidida Godaa Yesus Kirstoosa sunththaa awanka xeygiza ammanizaytara gidanaas xeygettida asa ubbaas,

ኤርማሳ ቲንቢቴ 23:35

Issoy issoy ba lagge woykko ba dabbo, ‹GODAY ay zaaro immidee?› woykko, ‹GODAY yootiday aazee?› giidi oychchanaas bessees.

ኤርማሳ ቲንቢቴ 32:17

«Abeet Ubbaafe Wolqqama GODAWU! Neni salotanne sa7a ne gita wolqqaninne micettida ne kushen medhdhadasa; nena xooniza issi miishshika deenna.

ኤርማሳ ቲንቢቴ 32:27

«Tani GODAY as ubbaas Xoossa; tumappe tana xooniza miishshi dizee?» gides.

ዳኔላ ቲንቢቴ 2:18

Izinne iza laggeti hankko attida Baabiloone eranchchatara issife hayqqontta mala, salo Xoossi isttas maaroteth yeddana malanne he xuura yo7oza qonccisana mala, «Woossite» giidi istta qofsides.

ዳኔላ ቲንቢቴ 2:22

Izi ciimma gidida xuura yo7otanne geemmidayta qonccisees; ubba wode iza matan poo7oy dees; hessa gishshas izi dhuman dizaaz erees.

ዳኔላ ቲንቢቴ 2:23

Kase ta aawata Godawu! Ta nena galatays; ta nena bonchchays; ne taas aadho erateththinne wolqqa immadasa; nu woosaakka siyadasa; kawoza agumozakka nuus qonccisadasa» gi galatides.