ኤርማሳ ቲንቢቴ 33:26 - Geeshsha Maxaafa

²⁶ tani Yaaqoobe zereththatanne ta aylle Dawite zereththata aggaagana; Dawite zareppe Abrahaame, Yisaaqanne Yaaqoobe zareta bolla kawotana mala doorikke; tani isttas qadhettana; isttafe di7ettidayssaka isttas zaarana» gees.

ጋሞ ማጻፋ

²⁶ ታኒ ያቆቤ ዜሬታኔ ታ ኣይሌ ዳዊቴ ዜሬታ ኣጋጋና፤ ዳዊቴ ዛሬፔ ኣብራሃሜ፥ ዪሳቃኔ ያቆቤ ዛሬታ ቦላ ካዎታና ማላ ዶሪኬ፤ ታኒ ኢስታስ ቃታና፤ ኢስታፌ ዲኤቲዳይሳካ ኢስታስ ዛራና» ጌስ።

ኤርማሳ ቲንቢቴ 33:26 Referans Kwoze

ኤርማሳ ቲንቢቴ 31:37

GODAY, «Bollan diza salota gakki wadhdhanaas dandayettiko, woykko garsan diza biitta xapho gakki pilggi eranaas dandayettiko he wode tani Isra7eeley ooththida ooso ubbaa gishshas ta istta yegga aggana» gees.

ኢሳያሳ ቲንቢቴ 14:1

GODAY Yaaqoobes nam7anththo qadhettana; Isra7eelekka zaareththidi doorana. Istta istta biittan woththana; imaththati yiidi Yaaqoobeso asaara walakettana.

ሆሴኤ ቲንቢቴ 2:23

Tani ta dereyo biitta bolla tokkana. ‹Maaroteththi bayndaaro› geetettidaaro ta zaarada maarana; ‹Ta maarikke› gidayssaka zaara maarana; ‹Intte ta dere deekketa› geetettideta. ‹Ta dereta› gaada ta xeygana gaana; isttika tana, ‹Neni nu Xoossa› gaana» gees.

ሆሴኤ ቲንቢቴ 1:7

Yuhuda asaas gidikko tani ta siiqo bessana. Tani GODAY istta Xoossay ashshana; ta istta ashshanayssi ola wolqqan gidenna; mashshan, tooran woykko paraninne paran olizaytan gidenna» gides.

ሂዚቄላ ቲንቢቴ 39:25

«Hessa gishshas Ubbaa Haariza GODAY, ‹Ha7i Yaaqoobey goodettidasoppe tani iza zaarada ishalsana; Isra7eele asaa ubbaas ta qadhettana; ta geeshsha sunththaa gishshas tani mishettana.

ኤርማሳ ቲንቢቴ 31:20

Efreemey ta dosada ufayettiza ta naaza gidennee? Daro wode ta izara eqetta haasaykkoka zaarada iza gishshas ta qoppays; ta maracey kokkorees; ta izas keeha qadhettays» gees GODAY.

ኢሳያሳ ቲንቢቴ 54:8

Ta guuththa wodes keeha hanqettida gishshas, ta ayfeso neeppe genththadis; gido attiin ta mernaa kiyateththan nees qadhettana» gees nena Wozziza GODAY.

ኦሮሜ ኣሳስ 11:32

Xoossi wursika maaranaas asi wurikka azazettontta mala gordides.

ሜቴ ማጻፋ 49:10

Dere haarizaadey yaana gakkanaashe, kawoteththaa algay Yuhudappe, halaqateththa guufey iza keeththafe shaakettenna. Qasse dere asay izas azazettana.

ዛካራሳ ቲንቢቴ 10:6

«Tani Yuhuda keeth minththana; ta isttas qadhettiza gishshas istti kase dizasota istta zaarana; tani GODAA istta Xoossa gidida gishshas ta istta woosa siyana; isttika hayssafe kase ta yegga erontta asa mala gidana.

ኢዝራ ማጻፋ 2:70

Qeeseti, Leweti, mazamure yexxizayti, Xoossa keeth naagizaytinne Xoossa Keeththa oosanchchati ba matan diza katamaan uttida; qasse attida Isra7eele asati kase istta aawati izan de7iza kataman uttida.

ኢዝራ ማጻፋ 2:1

Baabiloone kawo Nabukadanaxoorey Baabiloone dere di7i efidaytappe Yuhudanne Yerusalaame katamata simmida asati hayssafe kaalli dizayta;

ኤርማሳ ቲንቢቴ 3:12

«Ba; baada pudeha baggas, ‹Hanne ammanoy baynda Isra7eelee simma! Tani maarotay kumidaade gidida gishshas nena iita ayfen xeellike; mernaaskka hanqettike› gees GODAY.

ኤርማሳ ቲንቢቴ 33:24

«Ha asay, ‹GODAY ba doorida nam7u kawoteththata yeggi aggides› gi haasayzayssa ne akeekabeekkii? Istti ta deraa kadhidi kawoteththan qoodibeettenna» gees.

ዬ ማጻፋ 126:1

GODAY nuna di7ettidayta zaaridi Xiyoone ehida wode nuus agumo misatides.

ኤርማሳ ቲንቢቴ 31:35

Gallassan poo7isana mala arshe woththiday, omarsan poo7isana mala aginanne xoolintteta azaziday, dambalay guummana mala abba qaaththizay iza sunththay GODAA Ubbaafe Wolqqama Xoossa geetettizayssi,