ኤርማሳ ቲንቢቴ 31:7 - Geeshsha Maxaafa

⁷ GODAY, «Yaaqoobe deraas ufayssan yexxite; kawoteththata halaqas ilili giite; intte galatakka sissite; ‹GODAWU Isra7eeleppe casha attida ne deraa ashsha› giite.

ጋሞ ማጻፋ

⁷ ጎዳይ፥ «ያቆቤ ዴራስ ኡፋይሳን ዬጺቴ፤ ካዎቴታ ሃላቃስ ኢሊሊ ጊቴ፤ ኢንቴ ጋላታካ ሲሲቴ፤ ‹ጎዳዉ ኢስራኤሌፔ ጫሻ ኣቲዳ ኔ ዴራ ኣሻ› ጊቴ።

ኤርማሳ ቲንቢቴ 31:7 Referans Kwoze

ኢሳያሳ ቲንቢቴ 37:31

Yuhudappe attida cashati xapho duge yeddidi bollan ayfe ayfana.

ዬ ማጻፋ 28:9

GODAWU! Ne deraa ashsha; nees gidizayta anjja; istta heenththanchchay nena gida; neni istta mernaaskka tookka.

ዬ ማጻፋ 14:7

Isra7eeles atoteththi Xiyooneppe yidaakko! GODAY istta duussa zaariza wode Yaaqoobe zereththati ufayettana; Isra7eele asay ufayssan galatana.

ኤርማሳ ቲንቢቴ 23:3

Hessafe guye ta wudeppe attidayta kase ta goodda yeddida dere ubbaafe tani tarkka shiishshada kase ta heemmizasoho zaara ehana; isttika hessan yelettidi corattana.

ኦሮሜ ኣሳስ 11:5

Hessa malakka ha7i ha wodezankka Xoossa kiyateththan Isra7eele asaappe dooretti attida guuththati deettes.

ኦሮሜ ኣሳስ 9:27

Isayaasikka Isra7eele nayta gishshas, «Isra7eele nayta qooday abba ace mala darikkoka guuththati xalala attana.

ሶፎናሳ ቲንቢቴ 2:9

Hessa gishshas GODAY Ubbaafe Wolqqama Isra7eele Xoossay, «Tani ta de7o Xoossateththan caaqqays; Mo7aabey Sodoome mala Amooney Gamoora mala, sharafay may7idaso malanne maxine bookki ekkida olla mala mernaas bula gidana. Ta asaappe casha attidayti istta haaro bonqqananne istta biittaa laattana» gees.

ሚኪያሳ ቲንቢቴ 7:18

Dhayshe attida zereththaa nagara atto gi maariza ne mala Xoossi oonee? Neni mernaas hanqettaka; maaro gelizayssan ne ufayettaasa.

ሚኪያሳ ቲንቢቴ 2:12

«Yaaqoobe! Tumappe ta inttena issiso shiishshana; Isra7eeletappe attidayta ta issi bolla ehana; yire giddon diza mehe malanne demban heemettiza mehe mala tani inttena issi bolla shiishshana; intte derey wuri as xalla gidana.

ኣሞጼ ቲንቢቴ 5:15

Iita miish ixxite; lo7o gididaaz dosite; pirda pirdizason tumu pirda geellasopite. GODAY Salo Xoossay attida Isra7eele asaa maaranaakko oonee erizay?

ኢዩኤሌ ቲንቢቴ 2:32

GODAA sunth xeygizay wurikka attana; GODAY kase yootida mala Xiyoone zuma bollafenne Yerusalaameppe atoteththi beettana; attanayta garsan GODAY xeygidayti daana» gides.

ሆሴኤ ቲንቢቴ 1:7

Yuhuda asaas gidikko tani ta siiqo bessana. Tani GODAY istta Xoossay ashshana; ta istta ashshanayssi ola wolqqan gidenna; mashshan, tooran woykko paraninne paran olizaytan gidenna» gides.

ሂዚቄላ ቲንቢቴ 6:8

« ‹Tani inttefe mashshafe kessi ekki attida guuththata ashshana; hessafe guye kawoteththata giddoninne dereta giddon inttena ta laallana.

ኢሳያሳ ቲንቢቴ 61:9

Istta zareti kawoteththata giddon, istta nayti dere giddon erettidayta gidana; istti be7iza ubbay GODAY anjjida dere gididayssa erana;

ኢሳያሳ ቲንቢቴ 44:23

GODAY hayssa ooththida gishshas Salotoo yexxite; ciimma biittatoo ufayssan ililite. Intteno zumatoo, intteno woratoo, miththatoo ubbay ililite; gaasoykka GODAY Yaaqoobe wozzides; ba bonchcho Isra7eele bolla qonccisides.

ኢሳያሳ ቲንቢቴ 37:4

De7o Xoossaa cayana mala iza godaa Asoore kawoy kiittida ola gadawa qaala GODAA ne Xoossay siyontta aggenna. Qasse GODAA ne Xoossay he siyida qaalaa gaason iza qaxxayontta aggenna. Hessa gishshas neni shemppora paxa attida cashata gishshas woossa› gees» gida.

ኢሳያሳ ቲንቢቴ 11:11

He wode GODAY nam7anththo ba kushe miccidi attida asaa Asooreppe, pudeha Gibxeppe, dugeha Gibxeppe, Tophphiyappe, Elaameppe, Sana7ooreppe, Hamaateppenne abba gaxan diza deretappe shiishshana.

ኢሳያሳ ቲንቢቴ 1:9

Ubbaafe Wolqqama GODAY nuus zereth ashshonttaakko, nuni Sodoome malanne Gamoora mala gidanakkoshin.

ዬ ማጻፋ 106:47

Abeet GODAWU Nu Xoossawu! Nuna ashsha. Nuni ne geeshsha sunththa galatana mala kawoteththata giddofe nuna shiishsha.

ዬ ማጻፋ 69:35

Gaasoykka Xoossi Xiyoone ashshana; Yuhuda katamata zaaridi essana. Iza derey he biitta laattidi heen de7ana.

ዬ ማጻፋ 67:1

Xoossi nuus qadhettonne nuna anjjo; ba ayfeso nu bolla poo7iso.

ዛሬ ማጻፋ 32:43

«Intteno kawoteththatoo! GODAY ba oosanchchata suuth accana; morkketa bolla halo kessana; bana ixxizayta qaxxayana; ba dereza nagara wursana; biittayokka tunateththafe geeshshana; hessa gishshas intte iza asaara issife ufayettite» giidi,

ዛሬ ማጻፋ 28:13

GODAY nena hu7e histtanappe attiin goyna histtenna; hach tani nees immiza ne GODAA azazo siyada hessa neni minththada kaalliko neni ubbaafe bolla gidanaappe attiin garse gidakka.

ኤርማሳ ቲንቢቴ 3:23

Nuni zumbullata bollanne zumata bolla eeqa xoossatas goynoy tumappe nuus bala; tumappe nuus Isra7eeletas atoteththi GODAA nu Xoossaafe.

ኤርማሳ ቲንቢቴ 20:13

GODAAS yexxite! Izas galata shiishshite; izi metotanchchata shemppo iitata kusheppe ashshees.

ኤርማሳ ቲንቢቴ 31:12

Istti yiidi Xiyoone zuma bolla ufayssa mazamure yexxana; istti GODAA kiyateth gidida kaththan, woyne ushshan, zayten, deyshaninne dorsa laaqqatan, wofanotaninne ussatan ufayettana; istti haaththi paccontta atakilte soho mala gidana; hayssafe guye istti muuzottettenna.

ኤርማሳ ዚላስ 1:1

Kase izin daro kawoteththay diza katamaya waanada oletta attadee! Dereta giddon kase gita gididaara waanada am7i mala gidadee! Awuraajjata garsan godatto gididaara ha7i waanada aylle gidadee!

ዬ ማጻፋ 126:2

He wode nu doonay miichchan kumides; nu inxarsika ufayssa mazamure yexxides; histtiin kawoteththati bantta giddon, «GODAY isttas gita miish ooththides» gida.

ኢሳያሳ ቲንቢቴ 52:8

Hanne siya! Nena naagiyzayti bantta qaala dhoqqu histtida. Issi bolla ililishe yexxeettes; GODAY Xiyoone simmiza wode, istti iza bantta ayfera be7ana.