ኤርማሳ ቲንቢቴ 31:35 - Geeshsha Maxaafa

³⁵ Gallassan poo7isana mala arshe woththiday, omarsan poo7isana mala aginanne xoolintteta azaziday, dambalay guummana mala abba qaaththizay iza sunththay GODAA Ubbaafe Wolqqama Xoossa geetettizayssi,

ጋሞ ማጻፋ

³⁵ ጋላሳን ፖኢሳና ማላ ኣርሼ ዎዳይ፥ ኦማርሳን ፖኢሳና ማላ ኣጊናኔ ጾሊንቴታ ኣዛዚዳይ፥ ዳምባላይ ጉማና ማላ ኣባ ቃዛይ ኢዛ ሱንይ ጎዳ ኡባፌ ዎልቃማ ጾሳ ጌቴቲዛይሲ፥

ኤርማሳ ቲንቢቴ 31:35 Referans Kwoze

ኤርማሳ ቲንቢቴ 10:16

Gido attiin Yaaqoobe qaaday heyta mala gidenna. Gaasoykka izi ubbaa medhdhidayssa; Isra7eeley doorettida dere. Iza dooridayssa sunththay Ubbaafe Wolqqama GODAA Xoossa.

ኢሳያሳ ቲንቢቴ 51:15

Gaasoykka dambalay dendana mala abba qaaththiza Tani GODAY ne Xoossa; ta sunththi GODAA Ubbaafe Wolqqama Xoossa.

ኤርማሳ ቲንቢቴ 50:34

Gido attiin istta wozzizay mino; iza sunththayka GODAA Ubbaafe Wolqqama Xoossaa; istti biittas shemppo immanaas keehi baaxetees; gido attiin Baabiloonen dizaytas shemppo dhayssees» gees.

ኢሳያሳ ቲንቢቴ 54:5

Nena medhdhidayssi nees azina; iza sunththayka Ubbaafe Wolqqama GODAA. Nena wozziday Isra7eele Geeshsha; izi biitta ubbaa Xoossa geetettees.

ዛሬ ማጻፋ 4:19

Qasse salo pude xeellidi intte GODAY asa ubbaas immida arshe, agina, xoolinttenne salo medheta ubbaa be7idi intte isttas goynnidi balontta mala naagettite.

Maatosa 5:45

Intte hessaththo ooththiko intte salo Aawaas nayta gidana. Izi arshe iitatassinne lo7otas issi bolla gaththi immees. Irakka xillotassinne nagaranchchatas issi bolla bukisees.

ኤርማሳ ቲንቢቴ 51:19

Yaaqoobe qaaday gidikko heytantta mala gidenna; izi ubbaa medhdhidayssa; Isra7eele asay izi baas doorida dere; iza sunththi GODAA Ubbaafe Wolqqama Xoossa» gees.

ኤርማሳ ቲንቢቴ 46:18

Iza sunththay GODAA Ubbaafe Wolqqama Xoossa geetettiza Kawoy, tani ta de7on caaqqays; zumata giddon diza Taaboore zuma misatizay, abba achchan diza Qarmeloose zuma misatiza issaadey yaanaas dees.

ኤርማሳ ቲንቢቴ 32:18

Neni ne siiqonne kiyateth shii yeleta gakkanaas bessaasa; gido attiin aawata mooro istta nayta bolla zaaraasa. Abeet gitanne wolqqama Xoossawu! Ne sunththay GODAA Ubbaafe Wolqqama Xoossa.

ኤርማሳ ቲንቢቴ 5:22

Intte taas yayyanaas bessennee? Intte ta sinththan kokkoranaas bessennee? Ays giikko izi mernaas kanththi bontta mala, tani ancco abbas zawa ooththadis. Dambalay bulakettikokka zawappe aadhdhenna; Izi guummikkoka pinnanaas dandayenna.

ኢሳያሳ ቲንቢቴ 63:12

Bonchchettida wolqqama qese, Muses ushachcha kushe bolla woththides; baas mernaas sunth kessanaas, haaththata istta sinththan shaakkides.

ኢሳያሳ ቲንቢቴ 48:2

‹Nuni geeshsha katamayn dizayta› giidi intterkka inttena xeygizaytoo! Isra7eele Xoossan ammanettizaytoo! GODAY Ubbaafe Wolqqama Xoossay gizayssa siyite.

ዬ ማጻፋ 119:89

Abeet GODAWU! Ne qaalay mernaasa; izikka salon minni dees.

ዬ ማጻፋ 106:9

Izi Zo7o abba seerides; abbayka melides; bazzon kaaleththizayssa mala ciimma giddora istta kaaleththidi pinththides.

ዬ ማጻፋ 89:2

Tani ne mernaa siiqoy mernaas eqqidayssanne neni ne ammaneteththaa salon minththada essidayssa yootana.

ዬ ማጻፋ 78:13

Abba shaakkidi giddora istta pinththides; izi haaththa yaanne haa shaakkidi goda mala essides.

ዬ ማጻፋ 74:16

Gallassay neessa; qammayka neessa; qasse arshenne agina istti dizason minththa woththiday nena.

ዬ ማጻፋ 74:13

Ne gita wolqqan abba shaakkadasa; iza giddon diza miimintteta hu7e qoo7ereththadasa.

ዬ ማጻፋ 72:17

Kawoza sunththi mernaas minni de7o; arshey de7iza keena xeygettishe gam7o. Kawoteth ubbay iza baggara anjjetto; dere ubbay iza, «Ne anjjettidaade» gi anjjo.

ዬ ማጻፋ 72:5

Awaynne aginay diza wode ubbaan yeletappe yeleta gakkanawu asay izas haaretto.

ኢዮቤ ማጻፋ 26:12

Izi ba wolqqan abbaa co7u ooththees; iza aadho erateththayka Era7aabe geetettizayssa dhayssana.

ኢዮቤ ማጻፋ 38:33

Saloti ay mala wogan a qizaakko eray? Hayssa ha wogazakka biitta bolla oosisana dandayay?

ዬ ማጻፋ 119:91

Neni gida mala ubbayka hach gakkanaas minnidi dees; ays giikko ubbatikka ne aylleta.

ዬ ማጻፋ 148:6

Izi istta istti dizason meri mernaas minththi woththides; Izi isttas laamettontta woga immides.

ኤርማሳ ቲንቢቴ 33:20

GODAY, «Tani gallassasinne omarsas woththida wogaa intte laallidi gallassinne omarsi banttas wodhdhida wogaan ooththontta mala ta caaqoza intte laallana dandaykko,

ኤርማሳ ቲንቢቴ 33:25

GODAY, «Gallassasinne omarsas, salossinne sa7as woga essiday tana gidontta aggiko,

ሆሴኤ ቲንቢቴ 13:14

Tani nena duufo wolqqafe ashshana; hayqoppeka wozzana. Hayqoo! Ne wodhiza wolqqay awan dizee? Duufozoo! Neni as dhayssiza wolqqay awan dizee? Tani izas qadhettike.

ኣሞጼ ቲንቢቴ 9:8

Tani Ubbaa Haariza GODAY gede nagaranchcha Isra7eele asaa kawoteththaako xeellays; ta iza biittafe mulera dhayssana; gido attiin Yaaqoobe zereth ubbaa dhayssike» gees.

ኤርማሳ ቲንቢቴ 33:26

tani Yaaqoobe zereththatanne ta aylle Dawite zereththata aggaagana; Dawite zareppe Abrahaame, Yisaaqanne Yaaqoobe zareta bolla kawotana mala doorikke; tani isttas qadhettana; isttafe di7ettidayssaka isttas zaarana» gees.