ኤርማሳ ቲንቢቴ 31:23 - Geeshsha Maxaafa

²³ Ubbaafe Wolqqama GODAA Isra7eele Xoossay, «Tani isttafe di7ettida miishshaa ta isttas zaariza wode istti Yuhuda biittaninne izi katamatan, ‹Nenoo xilloteththi aqiza geeshsha zumazoo! GODAY nena anjjo!› giza qaala zaari go7ettana.

ጋሞ ማጻፋ

²³ ኡባፌ ዎልቃማ ጎዳ ኢስራኤሌ ጾሳይ፥ «ታኒ ኢስታፌ ዲኤቲዳ ሚሻ ታ ኢስታስ ዛሪዛ ዎዴ ኢስቲ ዩሁዳ ቢታኒኔ ኢዚ ካታማታን፥ ‹ኔኖ ጺሎቴ ኣቂዛ ጌሻ ዙማዞ! ጎዳይ ኔና ኣንጆ!› ጊዛ ቃላ ዛሪ ጎኤታና።

ኤርማሳ ቲንቢቴ 31:23 Referans Kwoze

ዛካራሳ ቲንቢቴ 8:3

GODAY, «Ta gede Xiyoonikko simmana; Yerusalaamenkka de7ana. Yerusalaameykka tumu katama geetettawus; izakka Ubbaafe Wolqqama GODAAS geeshsha zuma geetettana» gees.

ኤርማሳ ቲንቢቴ 50:7

Demmida ubbay istta qohees; istta morkketi, ‹Nu bolla mooroy baa; hayssi metoy istta gakkiday bantta aawatas hidota gidida GODAA, tumappe isttas duussaso gidida GODAA qohida gishshassa› gida.

ኢሳያሳ ቲንቢቴ 1:26

Kase nena ayssizayta mala hara nena ayssanaytanne zoranayta tani nees denththana; hessafe guye neni, ‹Xilloteththi diza ammanettida katamayo› geetettana.

ሚኪያሳ ቲንቢቴ 4:1

Wurseththa wode Xoossa keeththi iza bolla diza zumay hara zuma ubbaafe aadhdhi beettana; hara zumatappe bollara dhoqqu gaana; dereykka izakko goochchana.

ኣብዲዩ ቲንቢቴ 1:17

«Xiyoone zuman metoppe attanay daana; he zumayakka geesh gidana; Yaaqoobe derey bonqqettida ba haaro zaari ekkana.

ኤርማሳ ቲንቢቴ 30:18

GODAY, «Tani Yaaqoobe keeth zaara keexxana; izi dizasoskka qadhettana; katamayakka kase ba laalettidason simma keexettana; kawoteththa keeththayka kase ba dizason simmi keexettana.

ኢሳያሳ ቲንቢቴ 60:21

Ne asay ubbay xillo gidana; biittayokka mernaas laattana; istti ta bonchcho qonccisanaas tani tokkida puutetanne ta kushe oosota.

ኢሳያሳ ቲንቢቴ 1:21

Kase ammanettida katamaya waanada layma gidadee? Kase izin suure pirday kumidaaranne xilloteththi izin kumidaara ha7i gidikko shemppo wodhizaytas duussaso gidadus.

ዬ ማጻፋ 134:3

Salonne sa7a medhdhida GODAY inttena Xiyooneppe anjjo.

ዬ ማጻፋ 129:8

He ogera aadhdhizayti, «Xoossi wolqqa immo» buucizaytikka, «Xoossi anjjo» gooppetto.

ዬ ማጻፋ 128:5

GODAY nena Xiyooneppe anjjo! Neni de7ida layth ubbaan Izi nena Yerusalaame lo7eteth besso!

ዬ ማጻፋ 28:9

GODAWU! Ne deraa ashsha; nees gidizayta anjja; istta heenththanchchay nena gida; neni istta mernaaskka tookka.

ኡሩቲ ማጻፋ 2:4

He wodekka Boo7eezey Beeteliheeme katamappe gakki wodhdhidi kath maxiza asaa, «GODAY inttes wolqqa immo» gides. Isttika zaaridi, «GODAY anjjo» gida.

ኤርማሳ ቲንቢቴ 32:44

Tani isttafe di7ettida miish zaariza gishshas Biniyaame deren, Yerusalaame yuushon diza gutatan, Yuhuda katamataninne gezze biittan diza katamatan, arshey wulliza baggan diza zumatas duge bagganinne Negeben diza biittay saqile biran shamettana; wulezi paramettidi markkata sinththan gordettana» gees.

ኢሳያሳ ቲንቢቴ 11:9

Geeshshi gidida ta zumaa bolla qohettenna woykko oonikka dhayenna; haaththi abba kumiza mala sa7a ubbay GODAA eron kumana.

ኢሳያሳ ቲንቢቴ 32:16

Hessafe guye bazzo biittan suure pirday de7ana; aradda biittankka xilloteththi daana.

ኢሳያሳ ቲንቢቴ 33:5

GODAY bolla salon de7iza gishshas, dhoqqu dhoqqu gides; izi Xiyoono suure pirdaninne xilloteththan kunththana.

ኤርማሳ ቲንቢቴ 29:14

Tanikka inttes beettana. Ta intte di7etti bida biittafe zaarana; tani inttena laalla yeddida kawoteththafenne soho ubbaafe shiishshana; histtada tani inttena di7os yeddanaappe kase intte de7ida soho guye zaarada ehana› gees.