ኤርማሳ ቲንቢቴ 31:18 - Geeshsha Maxaafa

¹⁸ «Efreemey camo milas milalishin addafe ta siyadis; ‹Loohontta wofano mala tana qaxxayadasa; tanikka qaxxayettadis; neni GODAA ta Xoossa; neni tana zaara; tanikka simmana.

ጋሞ ማጻፋ

¹⁸ «ኤፍሬሜይ ጫሞ ሚላስ ሚላሊሺን ኣዳፌ ታ ሲያዲስ፤ ‹ሎሆንታ ዎፋኖ ማላ ታና ቃጻያዳሳ፤ ታኒካ ቃጻዬታዲስ፤ ኔኒ ጎዳ ታ ጾሳ፤ ኔኒ ታና ዛራ፤ ታኒካ ሲማና።

ኤርማሳ ቲንቢቴ 31:18 Referans Kwoze

ኤርማሳ ቲንቢቴ 31:9

Tani istta zaarada ehiza wode istti yeekkishenne woossishe yaana. Tani istta pultto haaththa achchara suure ogera kaaleththana. Gaasoykka tani Isra7eeles aawa; Efreemeykka taas bayra naa.

ዬ ማጻፋ 80:3

Abeet Xoossawu! Nuna zaara; nuni attana mala ne ayfeso nuus poo7isa.

ኢሳያሳ ቲንቢቴ 9:13

Derezi gidikko bana shocida GODAAKKO simmibeenna; Ubbaafe Wolqqama GODAAKKA koyibeenna.

ኢዮቤ ማጻፋ 5:17

«Xoossi seeriza asi anjjettidayssa; hessa gishshas Ubbaa Dandayza Xoossa seera leqqofa.

ዮሃኒሳ ኣጁታ 3:19

Tani ta dosizayta wursa hanqayssinne qaxxayays; hessa gishshas neni minna; maaroteththanka gela.

ሃዋሬታ ኦሶ 3:26

Xoossi naaza denththida wode inttena issaa issaa intte iitateththaafe zaaridi anjjana mala kasetidi intteko kiittides» gides.

ሉቃሳ ሚሺራቾ 15:20

Hessa gishshas dendidi ba aawaakko bides; gido attiin buro izi haahora yishin aaway beyi mishettidinne izakko woxxi biidi idimmi oykkidi yeerides.

ሆሴኤ ቲንቢቴ 5:15

Istti ba bala eridi taakko simmana gakkanaas tani isttafe haakkana. Istta bolla metoy dariza wode istti tana minththi koyana» gees.

ኤርማሳ ዚላስ 5:21

GODAWU! Neni nuna neekko zaara; nunikka neekko simmana! beni nu bonchchoza zaarada nuna ooraththa!

ኤርማሳ ቲንቢቴ 17:14

Abeet GODAWU! Tana paththa; tanikka paxana; tana ashsha; tanikka attana; gaasoykka ta galatay nena.

ዬ ማጻፋ 94:12

Abeet GODAWU! Neni seerizaadeynne neni ne wogappe tamaarsiza asi anjjettidaade.

ዬ ማጻፋ 80:19

Abeet Ubbaafe Wolqqama Xoossawu! Nuna zaara; nuni attana mala ne ayfeso nuus poo7isa.

ዬ ማጻፋ 80:7

Abeet Ubbaafe Wolqqama Xoossawu! Nuna zaara; nuni attana mala ne ayfeso nuus poo7isa.

ዬ ማጻፋ 32:9

Bixalaninne puulon haarettiza akeekay baynda baqulo mala woykko para mala intte hanopite» gees.

Ibirawe 12:5

Intte Xoossa nayta gidi uttidi qaalay gizayssa balideta; «Ta naazoo Xoossa seera kawushshan xeellofa; nena izi seeriza wode hidota qanxxofa.

ፒሊጲሲዮሴ ኣሳስ 2:13

Xoossi inttes azazeteth immishe ba qofaa wurseth gakkanaas intte giddon ooththees.

ሉቃሳ ሚሺራቾ 1:17

Aawata wozina istta naytakko, azazettonttaytakka gede Xillota cinccateththaako zaarana malanne Godaas bessiza dere giigsana mala Eelaasa Ayananinne iza wolqqan Godaappe sinththara izi baana» gides.

ሚልካሳ ቲንቢቴ 4:6

«Ta yaada biitta qanggeththan dhayssontta mala izi aawata wozina naytakko, qasse nayta wozina aawatakko zaarana» gees Ubbaafe Wolqqama GODAY.

ሶፎናሳ ቲንቢቴ 3:2

Iza oonaska azazettuku; ooni zoriinkka ekkuku; GODAANKKA ammanettuku; ba Xoossakokka shiiqukku.

ሆሴኤ ቲንቢቴ 10:11

Isra7eeley kath bukkanaas dosiza mehe mala; gido attiin lo7iza izi morge bolla qambara woththana; Efreeme waaxana; Yuhuday goyana; Yaaqoobe nayti waaxettidi biitta pixana.

ሆሴኤ ቲንቢቴ 4:16

Isra7eele derey makkallanchcha ussa mala makkallides; histtiin GODAY istta dorsa laaqqata mala lo7oson wostti heemmanee?

ኤርማሳ ቲንቢቴ 31:6

Efreeme zumbullata bolla naagizayti, ‹Haa yiite; GODAA nu Xoossaako pude Xiyoone ane kezoos› gi xeygana wodey yaana» gees.

ኤርማሳ ቲንቢቴ 5:3

Abeet GODAWU! Ne ayfeti tumaa xeelettennee? Neni istta shocadasa shin istta sakkibeenna. Neni istta kinchchereththadasa; gido attiin istti simmibeettenna; istti bantta wozina shuchchafe aaththi minththida; bantta nagarappeka simmontta ixxida.

ኤርማሳ ቲንቢቴ 3:25

Nuni yelagateththafe doommidi hach gakkanaas, nunikka nu aawatikka GODAA nu Xoossa bolla nagara ooththidos; GODAAS nu Xoossaas azazettibeekko; hessa gishshas ane nuni yeellateth gullunttidi ichchoos; qasse kawushshateththi nuna afala mala kammo» geettes.

ኤርማሳ ቲንቢቴ 2:30

Tani intte nayta coo mela qaxxayadis; istti gidikko baaybeettenna; gafida gaammo mala intte mashshay intte nabeta mides» gees.

ኢሳያሳ ቲንቢቴ 53:7

«Izi un7ettidessinne waayettides; gido attiin doonakka pogibeenna. Dorsa laaqqa mala shukettanaas laagettides; ba iske qanxxizayta sinththan co7u giza dorsa mala izi doonakka phoqqibeenna.

ኢሳያሳ ቲንቢቴ 51:20

Ne attuma nayti daaburda; woximaden oykettida genessa mala oge gaxan ubbaan ichchida. GODAA hanqoynne ne Xoossa seeray istta bolla kumides.

ኢሳያሳ ቲንቢቴ 1:5

Makkalla bolla makkalla gujjidi intte ays zaari zaari qaxxayetteetii? Intte hu7ey mule sakettides; intte wozinaykka daaburdes.

ሌሚሶ ማጻፋ 29:1

Daro wode seeriin ixxidi ba morge zoodisida asi hassa7ontta meqqana; hessaades paxeteththika deenna.

ሌሚሶ ማጻፋ 26:3

Parasi lisso, hares ancafa koshshizayssa mala, eeya zokkozas durqqa koshshees.

ሌሚሶ ማጻፋ 3:11

Ta naazoo! GODAA seera kadhoppa; izi nena hanqiza wodekka lanccofa.

ዬ ማጻፋ 119:75

Abeet GODAWU! Ne pirday xillo gididayssanne neni tana qaxxayday ammaneteththan gididayssa tani erays.

ዬ ማጻፋ 85:4

Abeet nuna ashshiza Xoossawu! Ne nuna zaara; Neni nu bolla lanccettidayssa agga.

ኢሳያሳ ቲንቢቴ 63:16

Abrahaamey nuna erontta aggiko, Isra7eeleykka nuna akeekontta aggikokka neni nuus aawa. Abeet GODAWU, neni nuus aawa; Beniisofekka doommidi ne sunththay nuna wozzizayssa.

ታይቦ ማጻፋ 2:18

Arshey wulliza baggara Efreeme zarkketi ba baggata erisiza mala garsan dunkaani uttetto; Efreeme zarkke kaaleththanay Amihuude naa Elshama.

ዬ ማጻፋ 118:18

GODAY tana keehi qaxxaydes; gido attiin hayqos aaththi immibeenna.

ዬ ማጻፋ 119:67

Ta qaxxayettanaappe kase ne wogappe kare kezadis; ha7i tani ne qaalas azazettana.

ሂዚቄላ ቲንቢቴ 20:43

Heen intte intte ogenne inttenateththaa tunisida oosota ubbaa intte akeekana; intte polida iita ooso ubbaan intterkka inttena harasettana.

ዳኔላ ቲንቢቴ 9:13

Kase Muse wogan xaafettida mala neni hayssa ha metoza wursaka nu bolla ehadasa; GODAA nu Xoossawu! Hessi wuri haniinkka nuni nu nagarappe simmidinne tumaa kaallidi neeppe maaroteth demmanaas koyibeekko.

ዮናሳ ቲንቢቴ 3:10

Istti ba iita ogeppe simmidayssa Xoossay be7idi isttas qadhettidi istta bolla ehana gida pirdaa aggides.

ሚልካሳ ቲንቢቴ 3:16

He wode GODAAS babbiza asati ba garsan issoy issaara haasayettida Godaa Xoossika istti gizayssa lo7eththi siyides; GODAAS babbizaytas qasseka iza sunththaa bonchchizaytas istti oosoy balettontta mala qofsiza maxaafay iza sinththan xaafettides.

ዬ ማጻፋ 31:15

Ta de7o layththay ne kushenna; tana gooddiza ta morkketa kusheppe ne tana ashsha.