ኤርማሳ ቲንቢቴ 31:13 - Geeshsha Maxaafa

¹³ He wode geela7oti ufayettidi yexxana; wodallatinne cimati guppana; ta istta yeehoza ufayssan laammana; ta istta muuzoteththafe minththeththana; ta isttas ufays immana.

ጋሞ ማጻፋ

¹³ ሄ ዎዴ ጌላኦቲ ኡፋዬቲዲ ዬጻና፤ ዎዳላቲኔ ጪማቲ ጉፓና፤ ታ ኢስታ ዬሆዛ ኡፋይሳን ላማና፤ ታ ኢስታ ሙዞቴፌ ሚንና፤ ታ ኢስታስ ኡፋይስ ኢማና።

ኤርማሳ ቲንቢቴ 31:13 Referans Kwoze

ዬ ማጻፋ 30:11

Ta yeeho yeththan laammadasa. Kayo may7oza taappe qaarada ufayssa may7o tana mayzadasa.

ኢሳያሳ ቲንቢቴ 61:3

Qasseka Xiyoonen kayottizayta doshisana mala, bidinththa gishshas puulateththa kallachcha; yeeho gishshas ufayssa zayte istta hu7en ta gussana mala, ceece ayana gishshas galata seelo ta istta bolla gophana mala tana kiittides; isttika iza bonchcho qonccisana mala GODAY tokkida xillo mith geetetti xeygettana.

ኢሳያሳ ቲንቢቴ 51:11

GODAY wozzidayti simmana; yexxishekka Xiyoone gelana; mernaa ufayssa kallachcha hu7en goxxana; istti injjenne ufayssa duus demmana; ceeceynne yeehoy isttafe baqatana.

ኤርማሳ ቲንቢቴ 31:4

Isra7eele derezoo! Tani inttena zaara keexxana; intteka keexettana. Intte karabe zaari denththidi ufayssan hombocizaytara intte hombocana.

ዮሃኒሳ ሚሺራቾ 16:22

Hessaththo intteka ha7i muuzotteeta; qasse ta inttena beyana intte wozinaykka ufayettana; intte ufayssaa zaari ekkanaadey deenna.

ኢሳያሳ ቲንቢቴ 51:3

«GODAY Xiyoono tumu minththeththana; izi laaleteththaa qadhetan xeellana; izi bazzo biittaza Edene mala, izi bazzo biittaza GODAA atakiltesoho mala ooththana; ishaloynne ufayssi, galataynne yeththa cenggurssi izin seetettana.

ኢሳያሳ ቲንቢቴ 35:10

GODAY maaddidayti simmana; istti yexxishe Xiyoone gelana; mernaa ufayssa kallachcha mala goxxana; injjenne ufays demmana; ceeceynne kayoy heeppe baqatana.

ዬ ማጻፋ 149:3

Durishe karabe baqqishenne diith diixxishe iza sunth sabbetto.

ኣስቴሪ ማጻፋ 9:22

He gallassati Ayhudati bantta morkketappe attidi shemppo demmida gallassata; qasse he aginaykka istta kayoteththaynne hidota qanxxoy ufayssaninne kaassan laamettida agina; he gallassatan ufayettishe gibira, issoy issaas kaththa imota immishenne manqota maaddishe bonchchana mala isttas dabdaabbe xaafides.

ናሂሚያ ማጻፋ 12:43

He gallas asay daro yarsho shiishshides; Xoossay iza ufayssida gishshas derezi keehi ufayettides; Maccassaynne naytikka isttara issife ufayettida; Yerusalaamen hanida ililisa qaalay haahon siyettides.

ናሂሚያ ማጻፋ 12:27

Yerusalaame katama gimbey anjjettiza gallas Lewe baggati daalan, bagananinne maasinqon yexxidi bonchchana mala istti dizasoppe dizasoppe koyettidi yida.

ዛካራሳ ቲንቢቴ 8:19

«Oydanththo aginan, ichchashanththo aginan, laappunththa aginaninne tammanththa aginan intte xoomiza xoomay Yuhuda deraas ufayssa gallassinne ba7aale gallas gidana; hessa gishshas intte tumateththinne saroteth koyite.»

ኢሳያሳ ቲንቢቴ 60:20

Ne arshey hayssafe guye gelenna; ne aginaykka poo7o imo aggenna. GODAY nees mernaa poo7o gidana; ne ceecida gallassati gidana.

ኢዝራ ማጻፋ 6:22

Xoossay Asoore kawo laammidi Isra7eele GODAY izan galatetiza Xoossa Keeththaa zaari keexxana mala istta ooson maaddida gishshas laappun gallas kumeth ukeththa ba7aale ufayssan bonchchida.

ዳናታ ማጻፋ 21:21

Naagite! Seelo katama macca nayti ba7aale gallas karabe oykkidi yexxishenne durishe yishin intte woyne tura giddofe kezite. Ubbayka Seelo macca naytappe inttes dafidi Biniyaame biitta ekki biite.

ኢሳያሳ ቲንቢቴ 61:2

Dosettida GODAA layth, nu Xoossay halo kessiza gallassa awajjana malanne yeekkizayta ubbaa minththeththana mala tana kiittides.

ዬ ማጻፋ 126:5

Yeekkishe zeridayti ufayssan yexxishe shiishshana.

ዬ ማጻፋ 148:12

Panththatoo, geela7otoo, cimatoo, naytoo! Ubbatikka iza galatite.

ኢሳያሳ ቲንቢቴ 12:1

He wode neni, «Abeet GODAWU, kase ne ta bolla hanqettadasa; ha7i gidikko neni ne hanqozappe simmada tana minththeththida gishshas ta nena sabbays.

ኤርማሳ ቲንቢቴ 33:11

Ufayssa cenggurssi, mishirata cenggurssi hessaththoka bullachchizayssanne bullachchettizaari qaalay, « ‹GODAY kiya; iza maaroteththayka mernaassa; GODAA Ubbaafe Wolqqama Xoossaa galatite› giza galata yarsho ekkidi Xoossa Keeth yiza asata cenggurssi seetettana; he biittayfe di7ettida miish kase dizasota zaarana» gees.