ኤርማሳ ቲንቢቴ 31:11 - Geeshsha Maxaafa

¹¹ Gaasoykka GODAY Yaaqoobe wozzana; izappe minnizayta kusheppe iza kessi ekkana.

ጋሞ ማጻፋ

¹¹ ጋሶይካ ጎዳይ ያቆቤ ዎዛና፤ ኢዛፔ ሚኒዛይታ ኩሼፔ ኢዛ ኬሲ ኤካና።

ኤርማሳ ቲንቢቴ 31:11 Referans Kwoze

Titosas 2:14

Izikka nuna iitateththaafe wozzanaassinne lo7o ooththanaas minniza ba dere baas dooranaas bana nuus aaththi immides.

ኢሳያሳ ቲንቢቴ 48:20

Baabiloone biittafe kezite; Baabiloone asaappe baqatite! Hayssa ililisan erisite; awajjite; biitta gaxa gakkanaas yootite; «GODAY ba ashkaraa Yaaqoobe wozzides» giite.

ኢሳያሳ ቲንቢቴ 44:23

GODAY hayssa ooththida gishshas Salotoo yexxite; ciimma biittatoo ufayssan ililite. Intteno zumatoo, intteno woratoo, miththatoo ubbay ililite; gaasoykka GODAY Yaaqoobe wozzides; ba bonchcho Isra7eele bolla qonccisides.

ኤርማሳ ቲንቢቴ 15:21

Iitata kusheppe tani nena wozzana; menxe iitata qohoppeka ta nena ashshana» gees.

ኢሳያሳ ቲንቢቴ 49:24

Di7i ekkida miish olanchchatappe guye zaaranaas, di7etti bidayta menxe iitata kusheppe ashshanaas dandayettizee?

ዬ ማጻፋ 142:6

Tani keehippe hidota qanxxida gishshas ne ta waaso siya! Tana gooddizayti taappe wolqqatida gishshas tana ashsha.

Maatosa 20:28

Asa Nay asay izas ooththana mala gidontta izi asas ooththanaassinne ba shempo darota gishshas aaththi immanaas yides» gides.

Maatosa 12:29

«Woykko issi asi wolqqara dizaade keeththe gelidi miishshe bonqqana koykko kasetidi he wolqqara diza addeza oykki qachchontta wostti bonqqanee? Qachchidaappe guye bonqqana dandayees.

Maatosa 22:29

Yesusikka isttas zaaridi, «Geeshsha Maxaafatanne Xoossa wolqqa intte erontta gishshas baletteeta.

ሆሴኤ ቲንቢቴ 13:14

Tani nena duufo wolqqafe ashshana; hayqoppeka wozzana. Hayqoo! Ne wodhiza wolqqay awan dizee? Duufozoo! Neni as dhayssiza wolqqay awan dizee? Tani izas qadhettike.

ኤርማሳ ቲንቢቴ 50:33

GODAY Ubbaafe Wolqqama Xoossay, «Isra7eele asaynne Yuhuda asay issi bolla qohettides; di7idayti ubbay istta minththi oykkida; istta yeddanaas ixxida.

ኬሳ ማጻፋ 15:16

Abeet GODAWU! Dagamaynne hirgay istta oykkana. Istti ne wolqqa gitateth be7idi, ne asay aadhdhana gakkanaas, neni wozzida asay aadhdhana gakkanaas, shuchcha mala toletti eqqana.

ኢሳያሳ ቲንቢቴ 51:11

GODAY wozzidayti simmana; yexxishekka Xiyoone gelana; mernaa ufayssa kallachcha hu7en goxxana; istti injjenne ufayssa duus demmana; ceeceynne yeehoy isttafe baqatana.

ኤርማሳ ቲንቢቴ 50:34

Gido attiin istta wozzizay mino; iza sunththayka GODAA Ubbaafe Wolqqama Xoossaa; istti biittas shemppo immanaas keehi baaxetees; gido attiin Baabiloonen dizaytas shemppo dhayssees» gees.

ዛካራሳ ቲንቢቴ 9:16

He wode GODAY istta Xoossay ba deraa baas wude mehe histti ashshana; kallachcha bolla diza seeloy xolqiza mala isttika Xoossa deren phoollana.

ኢሳያሳ ቲንቢቴ 49:25

Gido attiin GODAY, «Tumukka olanchchati di7i efida miish kessi ekkanaas, menxe iitata kusheppe di7ettidayta ashshanaas dandayettees; nenara olettizaytara ta olettana; ne naytakka tani ashshana.

ኤርማሳ ዚላስ 3:58

Godoo! Ne taas mootettada tana ashshadasa.