ኤርማሳ ቲንቢቴ 30:10 - Geeshsha Maxaafa

¹⁰ «Hessa gishshas ta aylle Yaaqoobe zareto yayyofte! Intteno Isra7eeleto dagammofte! Intte haahoson dishin tani inttena ashshana; intte zaretakka istti di7ettida biittafe kessa ekkana; Yaaqoobe zareti simmidi saroninne woppan uttana; istta yashissana ay miishshika deenna.

ጋሞ ማጻፋ

¹⁰ «ሄሳ ጊሻስ ታ ኣይሌ ያቆቤ ዛሬቶ ያዮፍቴ! ኢንቴኖ ኢስራኤሌቶ ዳጋሞፍቴ! ኢንቴ ሃሆሶን ዲሺን ታኒ ኢንቴና ኣሻና፤ ኢንቴ ዛሬታካ ኢስቲ ዲኤቲዳ ቢታፌ ኬሳ ኤካና፤ ያቆቤ ዛሬቲ ሲሚዲ ሳሮኒኔ ዎፓን ኡታና፤ ኢስታ ያሺሳና ኣይ ሚሺካ ዴና።

ኤርማሳ ቲንቢቴ 30:10 Referans Kwoze

ሆሴኤ ቲንቢቴ 2:18

He wode do7atara, kafotaranne biitta bolla gooshettiza medheteth ubbatara ta intte gishshas caaqettana. Ubbayka saron daana mala ola, tooranne, Mashsha biitta bollafe ta diggana.

ኤርማሳ ቲንቢቴ 29:14

Tanikka inttes beettana. Ta intte di7etti bida biittafe zaarana; tani inttena laalla yeddida kawoteththafenne soho ubbaafe shiishshana; histtada tani inttena di7os yeddanaappe kase intte de7ida soho guye zaarada ehana› gees.

ኢሳያሳ ቲንቢቴ 43:5

«Tani nenara diza gishshas yayyofa; tani ne nayta arshey mokkiza baggafe ehana; nena arshey wulliza baggafe shiishshana.

ኢሳያሳ ቲንቢቴ 44:2

Nena medhdhiday, ne aayey ulon ooththiday, nena maaddiza GODAY, ‹Ta ashkara Yaaqoobee! Tani doorida Yishuruune! Yayyofa.

ኢሳያሳ ቲንቢቴ 35:9

Heen gaammoy de7enna; dafi miza do7aykka izan kezenna; heytantti heen beettettenna; wozzettidayti xalla heera baana.

ኤርማሳ ቲንቢቴ 33:16

He wode Yuhuda asay attana; Yerusalaame asaykka saron daana; izakka, ‹GODAY Nuus Xilloteththa› gaana.

ኤርማሳ ቲንቢቴ 23:8

Gido attiin, ‹Isra7eele zareta pudeha bagga biittafenne izi istta laallida hara deretappe kessida de7o GODAY be7iin› gi caaqqana wodey yaana; hessafe guye istti bantta deren daana» gees.

ኤርማሳ ቲንቢቴ 23:3

Hessafe guye ta wudeppe attidayta kase ta goodda yeddida dere ubbaafe tani tarkka shiishshada kase ta heemmizasoho zaara ehana; isttika hessan yelettidi corattana.

ኤርማሳ ቲንቢቴ 3:18

He gallassatan Yuhuda asati Isra7eele asatara gayttidi pudeha bagga biittafe tani kase intte aawatas xinxxo histta immida biitta issife yaana» gees.

ዛካራሳ ቲንቢቴ 3:10

Ubbaafe Wolqqama GODAY, «He wode issoy issoy ba woyne miththa garsaninne ba balase miththa garsan ba lagge diggisas xeygana» gees.

ሂዚቄላ ቲንቢቴ 38:11

Neni isttas, dirsay baynda dereta biitta ta worajjana; istti ubbayka dirsay baynda, pengeynne birata kolatay baynda dishin saroninne hirgay baynda uttida deraa ta olana.

ሂዚቄላ ቲንቢቴ 16:52

Neni ne michcheta xillo mala qoodida gishshas yeella may7a; ne nagaray isttayssafe keehi iita gidida gishshas istti neeppe xillo; neni ne michcheta xillisida gishshas yeella quma7a.

ኤርማሳ ቲንቢቴ 30:3

Tani ta dere Isra7eelenne Yuhuda kase istta aawatas ta immida biitta isttas zaara ehana wodey gakkides; isttika laattana» gees.

ኤርማሳ ቲንቢቴ 23:6

Iza kawoteththa layththan Yuhuday attana; Isra7eeleykka saron daana; iza sunththi, ‹GODAY Nuus Xilloteththa› geetettana.

ኢሳያሳ ቲንቢቴ 54:4

«Aykkoy baa babbofa; ne yeellatakka; hirgofa; ne kawuyaka; ne yelagateththa yeellaa neni dogana; ne am7eteththaa borokka hayssafe sinththan hassa7akka.

ኢሳያሳ ቲንቢቴ 46:13

Tani ta xilloteththaa ehon days; haaho gidenna. Ta atoteththay gam7enna; tani Xiyoone atoteth. Isra7eele bonchcho mayzana» gees.

ኢሳያሳ ቲንቢቴ 46:11

Arshey mokkiza baggafe bonqqiza arganth, haaho biittafe ta qofa poliza as tani xeygana. Ta yootidayssa ta ooththana; ta halchchidayssa ta polana.

ሜቴ ማጻፋ 15:1

Hessafe guye GODAA qaalay ajjuutan Abraamekko yiidi, «Abraame, babbofa! Tani nees gondalle; ne anjjoy keehi gita» gides.

ኢሳያሳ ቲንቢቴ 49:25

Gido attiin GODAY, «Tumukka olanchchati di7i efida miish kessi ekkanaas, menxe iitata kusheppe di7ettidayta ashshanaas dandayettees; nenara olettizaytara ta olettana; ne naytakka tani ashshana.

ኢሳያሳ ቲንቢቴ 14:3

GODAY inttena intte waayeppe, metoppenne un7eteththafenne iita aylleteththafe nena shemppisida gallassi,

ኢሳያሳ ቲንቢቴ 44:1

GODAY, «Gido attiin ta ashkara Yaaqoobe, ta doorida Isra7eele, siya.

ኤርማሳ ቲንቢቴ 23:4

Tani lo7eththi heemmiza heenththanchchata isttas denththana; istti nam7anththo babbettennanne dagammettenna; isttafe issaadeyka dhayenna» gees.

ኤርማሳ ቲንቢቴ 29:11

Ta inttes halchchida halchcho erays; he halchchozas poloy lo7onne hidota immizaaza, inttena go7izaaza attiin qohizaaz gidenna.

ኤርማሳ ቲንቢቴ 30:7

He gallassay ay mala daganththiza gallas gidanee! hessa mala gallassi deenna; he gallassay Yaaqoobe zereththatas meto gallas gidana; gido attiin istti he metozappe attana» gees.

ኢዩኤሌ ቲንቢቴ 2:21

Biittayee babbofa; GODAY nees ooththida gita miishsha gishshas ufayetta!

ኢሳያሳ ቲንቢቴ 49:12

Hekko istti haaho dereppe yaana; issi issineti pudehappe, baggayti arshey wulliza baggafe, hankko attidayti Sinimeppe yaana» gees.

ዳኔላ ቲንቢቴ 12:1

Kase taas ajjuutaza birshiza kiitanchchazi taas, «Ne dereza naagiza gita kiitanchchas halaqa Mika7eeley izi he wode qonccana; asa zereththi medhettoosofe he wode gakkanaas hani erontta wolqqama metoy hanana; istta sunththay maxaafan xaafettida ubba asay attana.

ሆሴኤ ቲንቢቴ 2:20

Tani ammanettada nena taas machcho giigsana. Nenikka tani GODA gididayssa erana.

ሆሴኤ ቲንቢቴ 6:11

«Intteno Yuhuda asatoo! Ta inttena qaxxayana gallas bara woththadis.

ሚኪያሳ ቲንቢቴ 4:9

Histtiin ne ha7i aazas waassay? Nees kawoy bayee? Neni miixay oykkida maccassay mala un7ettiday nena zorizay dhaynee?