ኤርማሳ ቲንቢቴ 3:3 - Geeshsha Maxaafa

³ Hessa gishshas puuseykka puusontta mala digettides; balgo iraykka bukkontta aggides; ne gidikko hanno gakkanaas laymateth aggabeekka; neni yeellatonttaka ixxadasa.

ጋሞ ማጻፋ

³ ሄሳ ጊሻስ ፑሴይካ ፑሶንታ ማላ ዲጌቲዴስ፤ ባልጎ ኢራይካ ቡኮንታ ኣጊዴስ፤ ኔ ጊዲኮ ሃኖ ጋካናስ ላይማቴ ኣጋቤካ፤ ኔኒ ዬላቶንታካ ኢጻዳሳ።

ኤርማሳ ቲንቢቴ 3:3 Referans Kwoze

ሌዌታ ማጻፋ 26:19

Intte otoroteththaa wolqqa ta menththana; inttefe bollara saloza birata mala ooththana; intte biittaaka xarqimalaththo ooththana.

ኤርማሳ ቲንቢቴ 14:4

Iray bukkontta gishshas biittay melidi za7ees. Goshshanchchati yeellatidi bantta hu7e gulluntteettes.

ኤርማሳ ቲንቢቴ 14:22

Kawoteththata eeqa xoossati ira bukisana dandayzoo? Saloti ba shenen puuse duge yeddanaas dandayzoo? Dandayettenna; Abeet nu GODAWU! Hessa ubbaa ooththana dandayzay nena; hessa gishshas nuni nenan hidota ooththoos.

ኤርማሳ ቲንቢቴ 5:24

Istti bantta wozinan, ‹Nuus sila iranne gabba ira woden woden bukissiza, kaththa shiishsho wode nuus wodera ehiza GODAA nu Xoossaas ane yayyoos› gibeettenna.

ኢሳያሳ ቲንቢቴ 5:6

Tani he sohoza mago biitta ooththana. He turay xunqqettenanne bul7ettenna; Histtiin kindichchoynne agunththi izan mokkana. Iray izan bukkontta mala, tani shaarata azazana» gides.

ዛሬ ማጻፋ 28:23

Neeppe bollara ne ginan de7iza saloy xarqimala gidana; ne biittayka birata mala gidana.

ሃጌ ቲንቢቴ 1:11

Tanikka goshshata bollanne zumata bolla, kaththa bollanne ooraththa woyne ushsha bolla, zayte bolla, biittay immiza ayfe ubbaa bolla, asa bolla, mehe bollanne intte kushe ooso ubbaa bolla kosha ehana» gees.

ኣሞጼ ቲንቢቴ 4:7

Intte kaththay gakkanaappe buro heedzdzu aginay dishin sinththata ta inttes iray bukkontta mala diggadis; issi kataman bukkishin hara kataman bukkontta mala diggadis; issi gaden bukkishin hankko issaa gaden iray dhayiin melides.

ኤርማሳ ቲንቢቴ 9:12

Hessa akeekanaas dandayza aadho eranchchay oonee? GODAY izas qonccisiin hayssa izas yootana dandayzay oonee? Biittaya asi baynda kays ays gidadee?

ኤርማሳ ቲንቢቴ 8:12

Tuna ooso ooththidi yeellatidoo? Chii! Mulekka yeellatibeettenna. Istti yeellay aazakkoka erettenna. Hessa gishshas isttika kundidaytara issife kundana; ta istta qaxxayiza wode istti kawuyana» gees.

ኤርማሳ ቲንቢቴ 6:15

Ha harassiza oosoza gishshas istti yeellatidoo? Akkay mulekka yeellatibeettenna; istti yeellay aazakko erettenna. Hessa gishshas istti kundizaytara issife kundana; tani istta qaxxayiza wode istti kawuyana» gees.

ሶፎናሳ ቲንቢቴ 3:5

Izin diza GODAY izi xillo. Mulekka baletti erenna; maalado maalado suure pirdees; ubbaa gallassika daaburi erenna; gido attiin makkallanchchatas yeellay deenna.

ሂዚቄላ ቲንቢቴ 3:7

Gido attiin Isra7eele asay zobanne wozina muume gidida gishshas ta yootizayssa siyana koyibeettenna; hessa gishshas istti ne yootizayssaka siyettenna.

ኤርማሳ ቲንቢቴ 5:3

Abeet GODAWU! Ne ayfeti tumaa xeelettennee? Neni istta shocadasa shin istta sakkibeenna. Neni istta kinchchereththadasa; gido attiin istti simmibeettenna; istti bantta wozina shuchchafe aaththi minththida; bantta nagarappeka simmontta ixxida.

Ibirawe 12:25

Inttes yootizayssa intte akkay gontta mala naagettite; heytantti Xoossi biitta bolla diza asa baggara isttas yootizayssa ekkontta ixxidi izappe attanaas dandayontta aggiko nuni saloppe yidayssi nuus yootishin ekkontta ixxiko nu izappe waani attanee?

ናሂሚያ ማጻፋ 9:17

Nees azazettibeettenna; ne isttas ooththida gita malaataakka ubbaa dogida; wozina muume gidida; qasse guye Gibxe aylleteththan zaarana mala banttana kaaleththiza as doorida. Gido attiin neni siiqon kumida Xoossa, hanqos takkiza Xoossa, atto giza Xoossa, kiyanne maariza Godaa gidida gishshas ne istta aggabeekka.

ኤርማሳ ቲንቢቴ 14:3

Dureti bantta aylleta haath duuqqanaas kiitteettes. Isttika haaththa ollay dizaso beettes; gido attiin haath demmettenna; bantta oto mela tookki ekkidi simmeettes. Yeellatidinne hidota qanxxidi bantta hu7e gulluntteettes.

ኤርማሳ ቲንቢቴ 36:2

«Xaaththa maxaafa ekkada tani Iyosiyaasa kawoteththa wodeppe doommada ta nees yooto oykkoosofe hach gakkanaas Isra7eele bolla, Yuhuda bollanne hara kawoteththata ubbaa bolla haasayda qaala ubbaa xaafa.

ሶፎናሳ ቲንቢቴ 2:1

Intteno yeellay baynda deretoo! Ane issi bolla shiiqite!

ሜቴ ማጻፋ 19:34

Wonteththa gallas bayraya kaaloyo, «Siya! Qamma tani nu aawara aqadis; hach omars qasse woyne ushshu ushshiko neni gelada izara aqa; histtidi nuni nu aawappe nuus zereth essoos» gadus.

ሌሚሶ ማጻፋ 21:29

Iita asi bessonttaz xala xalees; gido attiin suure asi yuushshi qoppees.

ኤርማሳ ቲንቢቴ 5:25

‹Intte iita oosoy hayta inttena diggides. Intte nagaray inttena lo7o miishshafe ashshides› ga» gees.

ኤርማሳ ቲንቢቴ 14:1

GODAY kosha gishshas Ermaasas yootida qaalay hayssafe kaallizayssa;

ኣሞጼ ቲንቢቴ 4:8

Asay haath uyanaas koyishe ha katamappe he katama bides; gido attiin baas gidiza haaththe demmontta aggida gishshas uyidi alanaas dandaybeettenna; intteka taakko simmibeekketa.