ኤርማሳ ቲንቢቴ 29:21 - Geeshsha Maxaafa

²¹ Ubbaafe Wolqqama GODAA Isra7eele Xoossay ta sunththan wordo tinbite inttes yootiza Qolaaya naa Akaabe gishshassinne Ma7isaya naa Sedeqiyaasa gishshas tani istta Baabiloone Kawo Nabukadanaxoores aaththa immana; intte xeellishin izi istta wodhana.

ጋሞ ማጻፋ

²¹ ኡባፌ ዎልቃማ ጎዳ ኢስራኤሌ ጾሳይ ታ ሱንን ዎርዶ ቲንቢቴ ኢንቴስ ዮቲዛ ቆላያ ና ኣካቤ ጊሻሲኔ ማኢሳያ ና ሴዴቂያሳ ጊሻስ ታኒ ኢስታ ባቢሎኔ ካዎ ናቡካዳናጾሬስ ኣ ኢማና፤ ኢንቴ ጼሊሺን ኢዚ ኢስታ ዎና።

ኤርማሳ ቲንቢቴ 29:21 Referans Kwoze

ኤርማሳ ዚላስ 2:14

Ne nabeta ajjuutay wordonne coo hada; ne nagara qonccisidi nena di7eteththafe ashshettenna; istti nees yootiza tinbitey baleththizaazinne ogeppe kare kessizaaza.

2ጴጽሮሳ ኪታ 2:1

Gido attiin beni wode wordo nabeti dere giddon dizayssa mala hessaththoka ha7i intte giddon wordo astamaareti de7andettes; heytantti asa dhayssiza wordo timirte qotara diccana mala ooththeettes; bana ashshida Godaakka kaddidi bana eeson dhayssizaaz ba bolla eheettes.

ኤርማሳ ቲንቢቴ 20:4

Gaasoykka GODAY, ‹Tani nenanne ne laggeta ubbaa dagamas aaththa immana; istti neni xeellishin bantta morkketa mashshan wurana; tani Yuhuda asaa ubbaa Baabiloone kawo kushen aaththa immana; izi istta di7idi Baabiloone efana; histtidi heen istta mashshan siifana.

ኤርማሳ ቲንቢቴ 20:6

Pashkure! Neninne ne sohon diza ubbayka di7ettidi Baabiloone baana. Neninne ne isttas wordo tinbite yootida ne laggeti ubbay heen hayqqananne moogettana› gees» gides.

ኤርማሳ ቲንቢቴ 29:15

«Intteka, ‹GODAY nabe nuus Baabiloonen denththides› gaana.

ኤርማሳ ቲንቢቴ 23:14

Yerusalaamen diza nabeta bolla deexxiza iita miish be7adis; istti laymateettes; wordoteththan de7eettes; oonikka ba iita oosoppe simmontta mala iitata minththeettes; ta matan istti ubbayka Sodoome mala, izin diza asaykka Gamoora mala» gees.