ኤርማሳ ቲንቢቴ 25:32 - Geeshsha Maxaafa

³² GODAY Ubbaafe Wolqqama Xoossay, «Be7a, iita miishshi kawoteththaafe kawoteth aakki aakki bides; sa7a gaxappe wolqqama gote carkoy dendides» gees.

ጋሞ ማጻፋ

³² ጎዳይ ኡባፌ ዎልቃማ ጾሳይ፥ «ቤኣ፥ ኢታ ሚሺ ካዎቴፌ ካዎቴ ኣኪ ኣኪ ቢዴስ፤ ሳኣ ጋጻፔ ዎልቃማ ጎቴ ጫርኮይ ዴንዲዴስ» ጌስ።

ኤርማሳ ቲንቢቴ 25:32 Referans Kwoze

ኤርማሳ ቲንቢቴ 23:19

GODAA hanqoy gote carko mala dendana; mino dambalay iita asata hu7e shocana.

ኢሳያሳ ቲንቢቴ 34:2

GODAY kawoteth ubbaa hanqettides; iza hanqoyka iza olanchchata ubbaa bollana. Izi istta mulera dhayssana; shukaska aaththi immana.

2ታሪኬ ማጻፋ 15:6

Xoossi istta dumma dumma meton yeggida gishshas derey kawoteththa bolla, katamaykka katama bolla dendidi issoy issaa dhayssees.

ኤርማሳ ቲንቢቴ 30:23

Be7ite GODAA hanqoy dambala mala dendees; bul7akettiza gote carkoy iitata wodhdhana.

ኢሳያሳ ቲንቢቴ 30:30

GODAY eexxiza hanqoninne miza taman, gote carkoninne dadan, shachcha shuchchan, teemay kumida ba cenggurssaa asaa sissana; wodhdhishe ba qesaa izi bessana.

ሉቃሳ ሚሺራቾ 21:25

«Arshe bolla, agina bollanne xoolintte bolla malatay beettana; abbaafenne abba dambala giirissafe dendidayssan biitta bolla diza derey hirgananne metotana.

ሉቃሳ ሚሺራቾ 21:10

Qasse, «Derey dere bolla, kawoy kawo bolla dendana.

ሶፎናሳ ቲንቢቴ 3:8

GODAY, «Hessa gishshas ta pirdana gallassay gakkanaas diishshite; tani dere asanne kawota shiishshanaas qachchadis. Tani ta mino hanqoza istta bolla gussanaas qachchadis. Ta hanqo taman kumeththa biittay eexxana.

ኢሳያሳ ቲንቢቴ 66:18

«Tani istta oosonne istta qofa eriza gishshas, kawoteththata ubbaanne dumma dumma qaalan haasayza ubbata issife shiishshanaas yaana; isttika yiidi ta bonchcho be7ana.

ኢሳያሳ ቲንቢቴ 5:28

Istta yiishshay hoxe; istta wondafeykka waaxetti uttides. Istta parata qinccafilley zaalla shuchcha mala; istta para-gaareta erzoykka gote mala.

ኤርማሳ ቲንቢቴ 6:22

Qasseka GODAY, «Hekko pudeha baggafe olanchchati yeettes; gita kawoteththi sa7a gaxappe denththa bolla dees.

ኤርማሳ ቲንቢቴ 6:23

Istti wondafenne toora oykkida. Istti menxe iitatanne qadhetay bayndayta; istti bantta parata toggiza wode abbay guummiza mala guummeettes. Intteno Xiyoone macca naytoo! Istti giigettidi inttena olanaas yeettes» gees.