ኤርማሳ ቲንቢቴ 23:11 - Geeshsha Maxaafa

¹¹ GODAY, «Nabeti, qeeseti xilloteththa ogera beettenna; ta Keeththaa garsankka istti ooththiza iitateththaa ta be7adis.

ጋሞ ማጻፋ

¹¹ ጎዳይ፥ «ናቤቲ፥ ቄሴቲ ጺሎቴ ኦጌራ ቤቴና፤ ታ ኬ ጋርሳንካ ኢስቲ ኦዛ ኢታቴ ታ ቤኣዲስ።

ኤርማሳ ቲንቢቴ 23:11 Referans Kwoze

ሶፎናሳ ቲንቢቴ 3:4

Izin diza nabeti otoranchchatanne as baleththizayta. Qeeseti Xoossa Keeththa tuniseettes; woga bollaka makkalleettes.

ኤርማሳ ቲንቢቴ 6:13

Qasseka GODAY, «Guuththayka gitaykka ubbay ba go7as yiiqetees. Nabetinne qeeseti ubbay as baleththeettes.

ሂዚቄላ ቲንቢቴ 23:39

Istti bantta nayta eeqa xoossatas yarshida gallas ta keeththaa gelidi tunisida. Istti ta keeththan hessa mala ooththida.

ኤርማሳ ቲንቢቴ 32:34

Ta sunththi xeygettiza Keeththaa harassiza bantta eeqa xoossata essidi tunisida.

ሂዚቄላ ቲንቢቴ 8:16

Hessafe guye izi tana GODAA keeththas soo bagga zago efides; hessan Xoossa Keeththa pengen daaranchchafenne yarshizasohoppe giddon nam7u tammanne ichchash gidiza attumasati deettes; istti bantta zokko GODAA keeththakko, bantta ayfeso arshey mokkiza bagga zaaridi arshes gufanni goynneettes.

ኤርማሳ ቲንቢቴ 11:15

Ta siiqoya ba iitateththaa darotara qaxereththashe taassara izis aaza gaytoteththee dizay? Adineteththi woykko asho yarshoy nena qixaateppe ashshana dandayzee? Ne heytantta polada ufayettana dandayay?

ኤርማሳ ቲንቢቴ 8:10

Hessa gishshas tani istta machcheta hara azinatas, istta biittatakka allagatas immana; guuththayka gitaykka ubbay bantta go7as yiiqeteettes. Nabetinne qeesetikka ubbay as baleththeettes.

ኤርማሳ ቲንቢቴ 7:30

Qasseka GODAY, «Yuhuda asati ta sinththan iita miish ooththida; harassiza eeqa xoossata ehidi ta sunththan xeygettida Xoossa Keeththaan woththidi tunisida.

2ታሪኬ ማጻፋ 36:14

Hessafe bollarakka qeesetinne deraa kaaleththiza asati mulekka ammanettontta ixxidi gede iiti iiti bida; istti hara kawoteththati ooththiza harassiza loseta kaallishe GODAA Keeththaa Yerusalaamen diza geeshshaa tunisida.

ሂዚቄላ ቲንቢቴ 8:11

Isttafe sinththa baggara Isra7eele keeththafe laappun tammu cimati eqqi deettes; qasse Saafaane naa Ya7izaaneyaykka istta giddon eqqides. Ubbayka exaane cuwasiza miish bantta kushen oykki deettes; lo7o sawo sawiza exaane cuway tullu gi kezees.

ሂዚቄላ ቲንቢቴ 7:20

Istti bantta lo7o alleqon otorettida; heyta bantta harassiza eeqa xoossatanne massi giigsida yeellachchiza misleta ooththanaas go7ettida. Hessa gishshas tani he lo7o alleqoza isttas tuna kessana.

ኤርማሳ ቲንቢቴ 23:15

Hessa gishshas Ubbaafe Wolqqama GODAY hayta nabeta gishshas, «Yerusalaamen diza nabetappe tuna miishshi kezidi biitta ubbaan laalettida gishshas ta istta camo kath mizana; qasse marzettida haath ushshana» gees.

ኤርማሳ ቲንቢቴ 5:31

Nabeti wordo tinbite yooteettes; qeesetikka istta zoren aysseettes. Ta asaykka hessa mala miish dosees! Histtiin wurseththan intte ay ooththanee?» gees.

2ታሪኬ ማጻፋ 33:7

Hessafe guye ba medhdhida eeqa misleza Xoossa Keeththaa giddon essides; he Xoossa Keeththay Xoossi Dawitesinne iza naa Solomoones, «Ha Xoossa Keeththaninne Isra7eele ubbaa giddofe tani doorida Yerusalaamen tani ta sunththaa mernaas xeygisana.

2ታሪኬ ማጻፋ 33:5

Xoossa Keeththan de7iza nam7u zagotan salo xoolintteta ubbaas yarshizasohota giigsides.

ኤርማሳ ቲንቢቴ 50:6

«Ta derey dhayda dorsa mala gidides; istta heenththanchchati istta baleththidi wora kaaleththida; zumata bollanne zumbullata bolla toylattida; ba aqizasokka dogida.

ኤርማሳ ዚላስ 2:20

Abeet GODAWU! Hayssa ne be7a! Neni hayssaththo kase oona bolla ooththa erizaakko ane akeeka; aaya yela dichchida naa zaara maanaas bessizee? Qeeseynne nabey Xoossa Keeththan hayqqanaas bessizee?

ኢዝራ ማጻፋ 10:18

Ayzaabe maccassata ekkida asata sunththi hayssafe kaalli dizayssa; qeese zereththatappe, Iyosaadoqe nayta gidida Iyaasoppenne iza ishatappe baggafe Ma7isaya, El7ezeere, Yaribenne Godoliyaasa;

ሂዚቄላ ቲንቢቴ 44:10

« ‹Taappe haakkida Leweti, Isra7eele asay tana aggidi wora simmiin, bantta eeqatas goynnanaas wora simmidayti bantta qixaate ekketto.

ሶፎናሳ ቲንቢቴ 3:3

Izo kaaleththizayti xaaggiza gaammo mala. Izo ayssizaytikka wontos ashshontta miza kana suyte mala.