ኤርማሳ ቲንቢቴ 22:3 - Geeshsha Maxaafa

³ GODAY, «Suure pirdanne xillo ooththite; bonqqettidayta un7eththizayta kusheppe ashshite; beteta, yi7otanne am7eta qohopite; ha sohonkka xillo suuth gussofte.

ጋሞ ማጻፋ

³ ጎዳይ፥ «ሱሬ ፒርዳኔ ጺሎ ኦቴ፤ ቦንቄቲዳይታ ኡንኤዛይታ ኩሼፔ ኣሺቴ፤ ቤቴታ፥ ዪኦታኔ ኣምኤታ ቆሆፒቴ፤ ሃ ሶሆንካ ጺሎ ሱ ጉሶፍቴ።

ኤርማሳ ቲንቢቴ 22:3 Referans Kwoze

ኤርማሳ ቲንቢቴ 21:12

Intteno Dawite soo asawu! Intte ooththida iita ooso gaason eexxiin oonikka toyssana dandayontta tama mala ta hanqoy intte bolla eexxontta mala wonttan wonttan suure pirdite; bonqqettidayta un7eththizayta kusheppe ashshite› gees ga.

ሚኪያሳ ቲንቢቴ 6:8

Asa nawu! Izi nena lo7o miish bessides Xoossi neeppe koyzay aazee? Lo7o ooththana mala maaroteth ne dosana malanne Xoossa sinththan neni ashketeththara baana mala gidennee?

ኤርማሳ ቲንቢቴ 22:17

Gido attiin ne ayfeynne ne wozinay shempiday haa hee shocechchon demmiza go7an, xillota suuth gusson, asaa un7eththoninne gene oosonna» gees.

ያቆቤ ኪታ 1:27

Xoossaa Aawaa sinththan iitateththi baynda lo7o ammanoy aayanne aaway hayqqida nayta, istta azinati hayqqida maccassata metotettishin maadonne hayssa alameza tunateththaafe bana naago.

ሂዚቄላ ቲንቢቴ 22:7

Aawatinne aayeti ne giddon kawuyida; bete asati un7ettida; yi7otinne am7eti tugga be7ida.

ሚልካሳ ቲንቢቴ 3:5

«Hessa gishshas ta intteko pirdana yaana; muurennizayta, laymatizayta, wordo markka markkattizayta, wordo caaqo caaqqizayta, ooso oosisidi miishsha diggizayta, am7etanne yi7o nayta dechchizayta, bete asatas pirda tuccizayta, taas babbonttayta bolla markkattanaas ta ellesays» gees Ubbaafe Wolqqama GODAA Xoossay.

ኢዩኤሌ ቲንቢቴ 3:19

Gibxe asaynne Eedoome asay Yuhuda asaa bolla gene ooththida gishshas qasseka xillo asaa wodhida gishshas Gibxey bazzo gidana; Eedoomey asi bayndaso gidana.

ኤርማሳ ቲንቢቴ 9:24

Gido attiin ceeqettiza oonikka tani GODAA gididayssa eroninne biitta bolla siiqo, suure pirdanne xilloteth ooththizay tana gidoyssa akeekon ceeqetto. Tani haytan ufayettays» gees.

ኤርማሳ ቲንቢቴ 5:28

Istti ordidanne modhdhida; istta iitateththaas zaway deenna. Yi7oti suure pirda demmana mala isttas eqqibeettenna; manqota maata gishshassika mootettettenna.

ኢሳያሳ ቲንቢቴ 1:23

Nena kaaleththizayti makkallanchchataranne kaysotara laggetida; istti ubbayka maganxo doseettes. Matta7ekka keehi koyeettes; yi7otas aadhdhi eqqettenna; am7eta magana siyettenna.

ሌሚሶ ማጻፋ 23:10

Beniisofe diza dhassaa shoddofa. Qasse yi7o nayta gade sugoppa;

ዬ ማጻፋ 68:5

Xoossi ba geeshshasohon dishe aaway bayndaytas aawa; qasse am7etaska pirdiza daanna.

2ካዎታ ማጻፋ 24:4

Qasseka izi xillo suuth gussida gishshassa. Yerusalaameykka xillo suuththan kumana mala izi ooththida gishshas GODAY iza maaranaas koyibeenna.

ዛሬ ማጻፋ 24:7

Ba isha gidida Isra7eele asaa garsafe dhanka barsi efidi baas aylle ooththizay woykko hara asas aylleteththas aaththi bayzizaadey oonikka hayqo. Hessaththo histtidi iita ooso intte giddofe diggite.

ኤርማሳ ቲንቢቴ 26:16

Histtiin shuumetinne derezi ubbay qeesetassinne nabetas, «Hayssi addezi GODAA nu Xoossa sunththan haasayda gishshas hayqqanaas bessenna!» gida.

ሌሚሶ ማጻፋ 6:17

Otoreteththan xeelliza ayfe, wordotiza inxars, xillo asata wodhiza kushe,

ዬ ማጻፋ 94:21

Xillo asata bolla gene duulateettes; suure asata bollaka hayqo pirda pirdeettes.

ዬ ማጻፋ 94:6

Istti am7etanne bete asata wodheettes; yi7ota siifeettes.

ኢዮቤ ማጻፋ 24:9

Aaway hayqqida nay isttas aylle gidana mala aayey dhanth diggidi bonqqeettes; metotidayssa naaza ba aco gishshas giidi oyso ekkeettes.

ኢዮቤ ማጻፋ 22:9

Neni am7e maccassata mela kushe yeddadasa; yi7o naytikka bana ayssana de7oza dhayssadasa.

2ሳሜላ ማጻፋ 23:3

Isra7eele Xoossi haasaydes; Isra7eele zaallay taas, ‹Asaa xilloteththan haarizay, Xoossa yashshateththan ayssizay,

ዛሬ ማጻፋ 27:19

«Bete asata, yi7o naytanne am7eta pirda geellasi pirdiza ubbay qanggettidaade gido!» Derezi wurikka, «Amiin!» go.

ዛሬ ማጻፋ 25:1

Nam7u asati ba garsan palamettidi pirdaso biikko qohettidayssa ne xillo; qohidayssa, «Ne wordo» giidi pirdizayti pirdetto.

ዛሬ ማጻፋ 10:18

Izi yi7otassinne am7etas pirdees; izi deraa giddon diza bete asata dosiza gishshas kaththinne may7o isttas immees.

ሌዌታ ማጻፋ 19:15

« ‹Neni pirda pirdiza wode pirda geellasoppa; manqo iza manqoteththa gishshas maadda pirdofa; gita asatas dumma bonchcho immofa; dere asaakka dumma maadda pirdofa; asa ubbaas tumu pirda pirda.

ሚኪያሳ ቲንቢቴ 3:11

Kaaleththizayti matta7es pirdeettes; qeeseti miishsha gishshas tamaarseettes; Nabetikka miishshe mida gishshas yooteettes. Hessa ubbaa ooththidikka, «Xoossi nu giddon dees gidennee? Ay iitaykka nu bolla gakkenna» gishe Xoossan ceeqeteettes.

ኬሳ ማጻፋ 22:22

Azinay hayqqida am7eyonne aaway woykko aaya hayqqida naa waayisopite.

Maatosa 23:23

«Intteno qoodheppe qommon hanizaytoo, Muse wogaa tamaarsizaytoo, Farsaawetoo! Inttes aayye ana! Aasutappe, aanugappenne katkal7afe tammaafe issino immeeta; gido attiin wogatappe waannatizayta heytikka tuma pirda, maaroteththinne ammaneteth gidikko kadhideta. Heyta aggontta dishe haytantta intte ooththanaas inttes bessees shin aggideta.

ኬሳ ማጻፋ 22:21

«Betidi yida as qohopite, woykko waayisopite; gaasoykka intteka Gibxe biittan bete gididi de7ideta.

ኢሳያሳ ቲንቢቴ 58:6

«Be7ite tani doorida xoomay, un7ettidayta sansalata intte duuththana mala, qambara wodoro intte birshana mala, un7ettidayta intte la7a yeddana mala, tooho gidida qambara intte menththana mala gidennee?

ኢሳያሳ ቲንቢቴ 58:7

Qasseka ne qumaappe gafidaades shaakkanaas, toylattida manqoza neso gelththanaas, kallottida be7ada mayzanaas, nees asho dabbozas ne sinththi ne tukkontta mala gidennee?

ኤርማሳ ቲንቢቴ 7:23

Gido attiin tani isttas, ‹Taas azazettite; histtiko tani intte Xoossa gidana; intteka ta dere gidana; inttes lo7ana mala tani inttena azaziza oge ubbaara biite› gaada azazadis.

ኤርማሳ ቲንቢቴ 19:4

Gaasoykka asay tana aggidi hayssa ha sohoza eeqa goynnizasoho kessides; istti gidiin woykko kase istta aawati, woykko Yuhuda kawoti erontta eeqa xoossatas yarshida; hayssa ha sohozan xillo suuth gussida.

ኤርማሳ ዚላስ 3:36

qasseka tuma pirday geellattiza wode GODAY hessa mala hanota demmennee?

ሂዚቄላ ቲንቢቴ 18:12

hiyeesanne metotettidaade un7eththiko, wolqqara dafi ekkiko, oyso ekkidayssa zaarontta ixxiko, eeqa xoossatakko simmiko, harassiza oosota ooththiko,

ሂዚቄላ ቲንቢቴ 45:9

« ‹Ubbaa Haariza GODAY: Intteno Isra7eele halaqatoo, inttes ha7i gidana! Intte shabarssizayssanne asaa un7eththizayssa aggite; suure pirdanne xilloteth ooththite. Ta asa istta laata biittafe dhoqallidi gooddizayssa aggite. Tani Ubbaa Haariza GODAY hayssa yootays.

ኣሞጼ ቲንቢቴ 5:24

Gido attiin tumu pirday goggiza haaththa mala; xilloteththika miccontta pultto mala goggo.

ዛሬ ማጻፋ 24:17

Hara biitta asatassinne yi7o naytas pirda geellasoppa; am7ey may7o iza tal7e ekkida miishsha gishshas gaada oyso ekkofa.

ዬ ማጻፋ 82:4

Daaburanchchatanne metotanchchata ashshite; iitata kusheppeka istta woththi ekkite.

ሂዚቄላ ቲንቢቴ 18:7

Oonakka un7eththenna; gido attiin oyso ekkida miishshaakka tal7e ekkidaades zaarees; gafidaades ba kath, kallottidaades ba may7o immees attiin wolqqara baas bonqqi ekkenna.

ኣሞጼ ቲንቢቴ 5:15

Iita miish ixxite; lo7o gididaaz dosite; pirda pirdizason tumu pirda geellasopite. GODAY Salo Xoossay attida Isra7eele asaa maaranaakko oonee erizay?