ኤርማሳ ቲንቢቴ 2:20 - Geeshsha Maxaafa

²⁰ Ubbaa Haariza GODAY, «Benippe doommada tani ne qambara menththadis; nena qachchida miishshika duuththadis. Histtiinkka, ‹Tani nees ooththike› gadasa. Histtada dhoqqa zumbullata achchan miththa garsan laymatanaas ichchadasa.

ጋሞ ማጻፋ

²⁰ ኡባ ሃሪዛ ጎዳይ፥ «ቤኒፔ ዶማዳ ታኒ ኔ ቃምባራ ሜንዲስ፤ ኔና ቃቺዳ ሚሺካ ዱዲስ። ሂስቲንካ፥ ‹ታኒ ኔስ ኦኬ› ጋዳሳ። ሂስታዳ ቃ ዙምቡላታ ኣቻን ሚ ጋርሳን ላይማታናስ ኢቻዳሳ።

ኤርማሳ ቲንቢቴ 2:20 Referans Kwoze

ዛሬ ማጻፋ 12:2

intte laattana biittayn diza kawoteththay zumata bolla, zumbullata bollanne daashsha miththata garsan bantta eeqa xoossatas goynnizasota mulera dhayssite.

ሌዌታ ማጻፋ 26:13

Intte aylleteththan haarettontta mala Gibxe biittafe inttena kessiday tani GODAA intte Xoossaa; tani intte aylleteththa qambara menththada intte dhoqqu giidi baana mala ooththadis.

ኤርማሳ ቲንቢቴ 17:2

Isttas naytikka attontta cilila miththata garsaninne dhoqqa zumbullata bolla diza yarshosotanne Asheero geetettiza eeqa misleyo qoppeettes.

ሆሴኤ ቲንቢቴ 3:3

Ta izo, «Ne laymatizayssanne hara as kaallizayssa aggada tanara daro wode xilloteththan de7a; tanikka nenara ammaneteththan daana» ga zoradis.

ኤርማሳ ቲንቢቴ 30:8

GODAY Ubbaafe Wolqqama Xoossay, «He gallas tani istta morgefe qambara menththana; istti qashettida sansalatakka duuththana; hayssafe guyen allagay istta haarenna.

ኢሳያሳ ቲንቢቴ 1:21

Kase ammanettida katamaya waanada layma gidadee? Kase izin suure pirday kumidaaranne xilloteththi izin kumidaara ha7i gidikko shemppo wodhizaytas duussaso gidadus.

ናሆሜ ቲንቢቴ 1:13

Ha7ikka ta istta qambara ne morgefe menththa diggana; ne izan qashettida sansalatakka duuththa yeggana» gees.

ሆሴኤ ቲንቢቴ 2:5

Istta aaya layma; kawushsha hanon shaaradus. Iza ba doonara, ‹Tani ta laggeththotaakko bays; istti taas kaththinne haaththe, suufeppenne lee7e haareppe dadettida may7o, wogara zaytenne woyne ushshu immana› gadus.

ሂዚቄላ ቲንቢቴ 23:5

«Ohola taas machcho gida uttada harara laymatadus; olanchcha gidida ba siiqo Asooretara laggeththanaas amottadus.

ሂዚቄላ ቲንቢቴ 20:28

Tani isttas immana caaqqida biittaa istta eha gelththida wode dhoqqu gida zumbullata ubbaanne cililo mith ubbata be7ida; heen bantta yarsho yarshida; bantta kaththa yarsho shiishshidi, sawo tunnu giza exaane cuwasidi, ushsha yarshoka shiishshidi ta hanqo denththeththida› gees.

ሂዚቄላ ቲንቢቴ 16:41

Ne keeththata taman xuuggana; daro maccassata sinththan ne bolla qixaate ehana; ne laymateththaa ta nena diggana; hayssafe guye ne siiqotas ne miish qanxxaka.

ሂዚቄላ ቲንቢቴ 16:31

Oyddu oge doona ubbaan nees poggonota goynnizasohota giigsadasa; gidikkoka hara layman aqiza maccassata mala miishshe qanxxisabeekka.

ሂዚቄላ ቲንቢቴ 16:28

Nena buro alontta gishshas Asooretarakka laymatadasa; hessafe guyekka alabeekka.

ኢሳያሳ ቲንቢቴ 14:25

Tani Asoore ta biitta bolla liiqisana; tani iza ta zuma bolla yedhdhana; iza qambaray ta dereza bollafe dendana; iza toohoykka istta hasheppe kichchana» gi caaqqides.

ኢሳያሳ ቲንቢቴ 10:27

He gallas istta toohoy ne hasheppe, istta qambaray ne morgefe kichchana; ne ordeteththafe dendidayssan iza qambaray meqqana» gees.

ኢሳያሳ ቲንቢቴ 9:4

Kase neni Midiyaame biitta xoonida mala istta deexxiza qambara, istta hashe bolla wodhida durqqanne istta waayisi haarida guufe menththadasa.

ዬ ማጻፋ 78:58

Istti goynniza dhoqqasohotan iza yiillochchida; bantta eeqa xoossatan iza qanaatissida.

1ካዎታ ማጻፋ 12:32

Kase Yuhudan bonchchizayssaththo osppunththa aginan tammanne ichchashanththa gallassan ba7aaley bonchchettana mala Iyorba7aamey woga woththidi yarsho yarshides. Izi ba oosisida mara misletas Beetelen diza yarsho sohotan yarsho yarshides. Qasse zumbullata bolla goynnizasotan ba oosisida eeqa misletas qeeseta Beetelen shuumides.

1ሳሜላ ማጻፋ 12:10

Hessafe guye isttas, ‹Nuni nagara ooththidos; nuni GODAA aggidi Ba7aalessinne Astarootes goynnidos; ha7i gidikko nuna nu morkketa kusheppe ashsha; nu nees goynnana!› giidi GODAAKKO waassida.

ኢያሶ ማጻፋ 24:26

Iyaasoy he qaalata Xoossa Woga Maxaafan xaafides. Hessafe guye issi gita shuch ekkidi Geesh gidida GODAA Dunkaaneza matan diza wola garsan essides.

ኢያሶ ማጻፋ 24:24

Derezikka Iyaasos, «Nuni GODAA nu Xoossas goynnana; izaskka azazettana» gida.

ኢያሶ ማጻፋ 1:16

Isttika Iyaasos, «Neni nuus yootoyssa nuni ubbaa polana; ne kiittizaso awakka baana.

ዛሬ ማጻፋ 26:17

GODAY nees Xoossaa gididayssa ne iza ogen baanayssa, iza wogaa, iza azazotanne iza maaraa neni polanayssa hach erisadasa.

ዛሬ ማጻፋ 15:15

Intteka kase Gibxe biittan aylle gididayssanne GODAA intte Xoossay inttena heeppe wozzidayssa dogopte; tani inttena hach azazizay hessassa.

ዛሬ ማጻፋ 5:27

Hessa gishshas neni izakko shiiqada GODAA nu Xoossay gizayssa ubbaa siya; hessafe guye ne siyidayssa ubbaa nuus yaada yoota; nunikka iza siyidi azazettana› gideta.

ዛሬ ማጻፋ 4:34

Woykko GODAA intte Xoossay intte xeellishin Gibxe biittan inttes ooththizayssaththo paacen, malaatan, malalisiza miishshan, olan, mino qeseninne micettida kushen, qasse yashissiza ba wolqqan hara kawoteththata giddo gelidi issi kawoteth baas ekkanaas baaxetida hara xoossi dizee?

ዛሬ ማጻፋ 4:20

Intte gidikko tamay izan eexxiza birata cooce misatiza Gibxeppe inttena GODAY shoddi kessiday intte izas dumma dere gidana malassa.

ኬሳ ማጻፋ 24:3

Musey yiidi GODAA qaalanne iza woga ubbaa asaas yootiin asay wuri issi qaalan, «GODAY yootidayssa ubbaa nuni ooththana» gides.

ኬሳ ማጻፋ 19:8

Asay wuri issi qaalan gididi, «GODAY gidayssa ubbaa nu ooththana» giin Musey istti gidayssa GODAAKKO ekki bides.

ኬሳ ማጻፋ 3:8

Hessa gishshas tani istta Gibxe biitta asata kusheppe ashshanaasinne he biittafe istta kessada, aahonne lo7o biitta efanaas haa duge wodhdhadis. He biittay maaththinne eessi goggiza biitta; ha7i he biittan Kanaaneti, Hiiteti, Amooreti, Paarizeti, Hiiwetinne Yaabuseta geetettiza asati deettes.

ዮሃኒሳ ኣጁታ 17:1

Laappun xuu7ata ba kushen oykkida laappun kiitanchchatappe issoy haa taakko yiidi taas, «Haa ya; daro haaththata bolla uttida he iita layma maccassay bolla gakkiza pirda ta nena bessana.

1ካዎታ ማጻፋ 14:23

Qasseka istti banttas goynniza dhoqqasohota, eeqa shuchchatanne Asheero geetettiza xoossay misleta zumbullata bollanne gita miththata garsan essida.

ዬ ማጻፋ 107:14

Sakkanna dhumappe istta kessides; istti qashettida sansalatakka duusereththides.

ኤርማሳ ቲንቢቴ 2:31

Intteno ha wode yeletatoo! GODAA qaala yuushshi qopite; «Tani inttes Isra7eele asaas bazzo mala woykko sakkanna dhumay diza biitta mala gidadinaa? Histtiin ays ta asay, ‹Nuni nu shene mala hanana; simmidikka neekko yookko› gizee?

ኤርማሳ ቲንቢቴ 3:13

Gidikkonne neni, ‹GODAA ne Xoossaa bolla makkallateththan, ne bonchchoka allaga xoossatas daashsha miththata garsan aaththa imoninne taas azazettontta ixon neni mooranchcha gididayssa xalla ammana› gees GODAY» gides.

ኤርማሳ ቲንቢቴ 5:5

Hessa gishshas tani gita asataakko baana; isttaskka yootana; gaasoykka GODAA ogenne bantta Xoossa woga ereettes» gaada qoppadis. Gido attiin istti ubbayka issife iza qambara menththida; qashozakka duuththida.

ኤርማሳ ቲንቢቴ 13:27

Intte zumbullata bollanne demban ooththida harassiza ooso tani be7adis; intte laymateththanne intte ziita hanota ta be7adis; Yerusalaame nees aayye ana! Neni ayde gakkanaas ne tunateththaafe geeyontta daanee?» gees.

ሆሴኤ ቲንቢቴ 4:13

Zumay dizason dizason yarsho yarsheettes; zumbullata bolla, gita daashsha miththata kuwa garsan xuugettiza yarsho yarsheettes. Hessa gaason intte macca nayti layman daana; intte nayta machcheti laymatana.

ዳናታ ማጻፋ 2:11

Hessafe guye Isra7eele asay GODAA sinththan iita miish ooththides; Ba7aale geetettiza eeqatas goynnides.

ዳናታ ማጻፋ 2:13

GODAAKKA aggidi Ba7aalessinne Astarootes goynnida.

ዳናታ ማጻፋ 10:6

Isra7eele asay GODAA sinththan qasseka iita miish ooththides; istti Ba7aalenne Astaroote geetettiza eeqa xoossatassinne Aaraame xoossatas, Sidoona xoossatas, Mo7aabe xoossatas, Amoone dere eeqa xoossatassinne Filisxeeme xoossatas goynnida. Istti bantta GODAAS goynnizayssa aggida.

ዬ ማጻፋ 2:3

Istti, «Ane nuni istta sansalataa duuththoos; istti nuna qachchizayssaka kessi wora oloos» geettes.

ሆሴኤ ቲንቢቴ 1:2

GODAY Hose7e baggara Isra7eele naytas qaala buro yootishe Hose7es, «Ta derey taappe shaakettidi iita layma laymatiza gishshas neni baada issi laymatiza maccas nees machcho ekka; izippe nees nayta yela» gides.

ሆሴኤ ቲንቢቴ 9:1

Isra7eele asawu! Ufayettofte! Hara kawoteththata mala ufays nococu goopite! Ays giikko intte intte Xoossas ammanettibeekketa; kaththa bale ubbaan laymateththas