ኤርማሳ ቲንቢቴ 2:11 - Geeshsha Maxaafa

¹¹ Istti tumu xoossata gidontta aggikokka ba eeqa xoossata laammida kawoteththi dizee? Ta derey gidikko isttas bonchcho gididayssa hada gidida eeqa xoossatan laammides» gees.

ጋሞ ማጻፋ

¹¹ ኢስቲ ቱሙ ጾሳታ ጊዶንታ ኣጊኮካ ባ ኤቃ ጾሳታ ላሚዳ ካዎቴ ዲዜ? ታ ዴሬይ ጊዲኮ ኢስታስ ቦንቾ ጊዲዳይሳ ላሚዴስ» ጌስ።

ኤርማሳ ቲንቢቴ 2:11 Referans Kwoze

ኦሮሜ ኣሳስ 1:23

Mernaa Xoossa bonchcho hayqqiza asaninne kafotan; mehetaninne biitta bolla gooshettiza medheteththatan misatissidi laammida.

ኢሳያሳ ቲንቢቴ 37:19

Istta xoossata taman xuuggida; istta xoossati wonikka miththafenne shuchchafe asa kushen masetti kezida misleppe attiin xoossata gidettenna.

ኤርማሳ ቲንቢቴ 16:20

Asi baas xoos medhdhanaas dandayzee? Ee dandayanashin istti medhdhizayti tumu xoos gidettenna!» gaana.

ዬ ማጻፋ 106:20

Istti bantta bonchcho Xoossaa maata miza miiza mislen laammida.

ሚኪያሳ ቲንቢቴ 4:5

Hankko derey ba eeqa sunththan bees; nuni qasse mernaappe mernaa gakkanaas nu GODAA sunththan baana.

1ቆሮንቶሴ ኣሳስ 8:4

Hessa gishshas eeqas yarshettida asho muussa gishshas ta inttes gizay hayssa alamezan eeqay hada gididayssanne issi Xoossaafe attiin hara Xoossi bayndayssa nu eroos.

ኤርማሳ ቲንቢቴ 2:8

Qeesetikka, ‹GODAY awan dizee?› gi oychchibeettenna; Ta wogay istta kushen diza asatikka tana eribeettenna. Dere kaaleththizaytikka ta bolla makkallida. Nabeti Ba7aale sunththan tinbite yootida; go7ontta miishshatakka kaallida» gides.

ኤርማሳ ቲንቢቴ 2:5

GODAY, «Kase intte aawati taappe haakkiday, hada yo7o kaalliday, ba hu7esikka go7ay bayndayta gididay taappe ay mooro demmidii?

ዬ ማጻፋ 115:4

Gido attiin istta eeqa xoossati birappenne worqqafe asa kushen oosettidayta.

ዬ ማጻፋ 3:3

Gido attiin GODAWU! Neni ta yuushon gondalle. Tana bonchchisizaynne minththeththizay nena.

ዛሬ ማጻፋ 33:29

Isra7eele asawu! Intte ay mala anjjettida deree! GODAY ashshida intte malay oonee? Izi inttes gondallenne inttena maaddizayssa; izan intte xooniza giththa mashsha; intte morkketi intte sinththan gufannana; intteka istti goynnizasota laallana.

1ጴጽሮሳ ኪታ 1:18

Intte kase intte aawatappe laattida hada duussaafe wozzettiday dhayza biran woykko worqqan gidonttayssa intte ereeta.

ጋላቲያ ኣሳስ 4:8

Intte Xoos eranaappe kase Xoos gidontta eeqatas aylleta.

1ሳሜላ ማጻፋ 4:21

Xoossa Caaqo Qaala Taabotay di7ettida gishshas izi azinaynne azinaza aaway hayqqida gishshas, «Bonchchoy Isra7eeleppe shaakettides» gashe naaza, «Ikaboode» ga sunththadus.

2ታሪኬ ማጻፋ 13:9

Aaroone zare gididi GODAAS ooththiza qeesetanne Leweta intte yedeththideta. Histtidi hara biitta asay ooththiza mala inttes hara qeeseta sunththideta. Bana dummasanaas issi korma booranne laappun dharsho ekkidi yiza ooninne wordo xoossatas qeese gidana mala sunththeeta.

ኤርማሳ ቲንቢቴ 5:7

GODAY, «Tani intte nagara ays atto goo? Intte nayti tana aggida; eeqa xoossatankka caaqqida; Tani istta kalssa mizadis; istti gidikko laymatidanne layma keeth bida.

ኤርማሳ ቲንቢቴ 18:13

Hessa gishshas GODAY, «Ane kawoteththata, ‹Hayssa mala miishshi intte giddon seetetti erizee?› gi oychchite. Geela7oya Isra7eeley harassiza iita miish ooththadus.

ሂዚቄላ ቲንቢቴ 5:7

Hessa gishshas Ubbaa Haariza GODAY, «Intte intte yuushon diza kawoteththatappe aadhdhi cubbotizayta gidideta; ta maara kaallibeekketa; ta wogaaskka azazettibeekketa; haray attoshin intte yuushon diza kawoteththati naagiza wogayokka naagibeekketa» gees.

ሂዚቄላ ቲንቢቴ 14:5

Bantta eeqa xoossata gaason taappe shaakettida Isra7eele asaa ubbaa wozina haa taakko zaaranaas ta hessa ooththana› gees.

ዛሬ ማጻፋ 32:16

Istti eeqa xoossatas goynnidi Xoossaa mishisida; bantta iita oosonkka iza hanqeththida.

ዛሬ ማጻፋ 32:21

Tumu gidontta xoossatan tana mishisida; go7ay baynda ba eeqa xoossatan tana hanqeththida. Tanikka istta kadhettida kawoteththata istti miigettana mala ooththana. Ta istta akeekontta deretan hanqeththana.

1ካዎታ ማጻፋ 11:33

Ta hayssa ooththanaas gaasoykka Solomooney tana aggidi Sidoonata xoos Astarootes, Mo7aabeta xoos Kamooshessinne Amooneta xoos Molookes goynnida gishshassa; qasseka ta ogen hemettontta, ta sinththan suure ooso ooththontta aggidi iza aawa Dawiti naagida mala ta wogatanne maarata naagontta ixxida gishshassa.

2ካዎታ ማጻፋ 1:3

GODAA kiitanchchay Tesibe dere as nabe Eelaasas, «Neni dendada Samaariya kawoy kiittida asatara gayttanaas keza baada he asatas, ‹Intte Aqaroone eeqa xoossaa Ba7aali-Zeebula oychchanaas bizay Isra7eelen Xoossi baynda gishshassee?› gaada istta oychcha.