ኤርማሳ ቲንቢቴ 18:13 - Geeshsha Maxaafa

¹³ Hessa gishshas GODAY, «Ane kawoteththata, ‹Hayssa mala miishshi intte giddon seetetti erizee?› gi oychchite. Geela7oya Isra7eeley harassiza iita miish ooththadus.

ጋሞ ማጻፋ

¹³ ሄሳ ጊሻስ ጎዳይ፥ «ኣኔ ካዎቴታ፥ ‹ሃይሳ ማላ ሚሺ ኢንቴ ጊዶን ሴቴቲ ኤሪዜ?› ጊ ኦይቺቴ። ጌላኦያ ኢስራኤሌይ ሃራሲዛ ኢታ ሚሽ ኦዱስ።

ኤርማሳ ቲንቢቴ 18:13 Referans Kwoze

ኤርማሳ ቲንቢቴ 5:30

Qasseka GODAY, «Daro babisiza miishshinne daganththiza miishshi biitta bollan hanides.

ሆሴኤ ቲንቢቴ 6:10

Dizhiginthiza iita miish Isra7eelen beyadis; Efreemey eeqas goynoninne laymateththan tunides.

ኤርማሳ ቲንቢቴ 23:14

Yerusalaamen diza nabeta bolla deexxiza iita miish be7adis; istti laymateettes; wordoteththan de7eettes; oonikka ba iita oosoppe simmontta mala iitata minththeettes; ta matan istti ubbayka Sodoome mala, izin diza asaykka Gamoora mala» gees.

ኢሳያሳ ቲንቢቴ 66:8

Hessa mala yo7o siyi erizay oonee? Hessa mala yo7o be7i erizay oonee? Derey issi gallas medhetti erizee? Woykko kawoteththati qiphida ayfey xeellanaashe gakkanaas beetti erizoo? Xiyoono buro miixay oykkishin heerakka ba nayta yelawus.

ኤርማሳ ቲንቢቴ 31:4

Isra7eele derezoo! Tani inttena zaara keexxana; intteka keexettana. Intte karabe zaari denththidi ufayssan hombocizaytara intte hombocana.

ኤርማሳ ቲንቢቴ 14:17

Ha qaala isttas, « ‹Ta derey keehi deshettidi madunxida gishshas, ta ayfeti omarsinne gallas shempontta afunxxeettes.

1ቆሮንቶሴ ኣሳስ 5:1

Intte garsan yeellachchiza laymay dizayssi woretees; hessa mala tunateththi ammanontta dereta achchanka deenna; ba aawa machcho ekkida asi inttekon dees.

ኤርማሳ ዚላስ 1:15

«Nu garsan diza olanchchata ubbatara Xoossi eqettides; nu giddofe yelagata dhayssanaas olanchchata nu bolla yeddides. Woyne miththa ayfe ushshu kessanaas yedhdhiza mala GODAY boshettontta geela7o misatiza Yuhuda asaa yedhides.

ኢሳያሳ ቲንቢቴ 36:22

Hessafe guye kawo keeth ayssiza Kilqiyaasa naa Elyaaqeemey, xaafe Sheebinaynne taarike xaafezi Aasaafe naa Yo7aahi bantta may7o daakkidi Hizqiyaasakko bida; histtidi Asooreta ola gadaway gidayssa ubbaa izas yootida.

1ሳሜላ ማጻፋ 4:7

Filisxeeme asay babbidi, «Xoossi istta guta yida gishshas nuus aayye ana! Hayssa malay nunara gaytti erenna.

ኤርማሳ ቲንቢቴ 18:14

Shuch xalla gidida Libaanoose zumata bollafe shachchi dhayi erizee? Ladde bollafe duge goggiza irxxa haaththi gogeth aggi erizee?

ኣሞጼ ቲንቢቴ 5:1

Isra7eele asawu! Intte gishshas ta zilaliza zilas siyite.

ኣሞጼ ቲንቢቴ 5:2

«Geela7oya Isra7eeley kundadus; nam7anththo dendanaas dandayukku; izo maaddi denththanay baynda gishshas iza barkka ba deren kunda attana.»