ኤርማሳ ቲንቢቴ 14:20 - Geeshsha Maxaafa

²⁰ Abeet GODAWU! Nuni nu iitateththaa eridos; Nu aawata qohokka akeekidos; tumappeka ne bolla nagara ooththidos.

ጋሞ ማጻፋ

²⁰ ኣቤት ጎዳዉ! ኑኒ ኑ ኢታቴ ኤሪዶስ፤ ኑ ኣዋታ ቆሆካ ኣኬኪዶስ፤ ቱማፔካ ኔ ቦላ ናጋራ ኦዶስ።

ኤርማሳ ቲንቢቴ 14:20 Referans Kwoze

ኤርማሳ ቲንቢቴ 3:25

Nuni yelagateththafe doommidi hach gakkanaas, nunikka nu aawatikka GODAA nu Xoossa bolla nagara ooththidos; GODAAS nu Xoossaas azazettibeekko; hessa gishshas ane nuni yeellateth gullunttidi ichchoos; qasse kawushshateththi nuna afala mala kammo» geettes.

ዬ ማጻፋ 32:5

Tani ta nagara nees paaxadis; ta qohidayssa neeppe genththabeekke; «Ta mooroza GODAAS paaxana» gadis. Histtiin ne ta nagara ubbaa atto gadasa.

ኤርማሳ ቲንቢቴ 3:13

Gidikkonne neni, ‹GODAA ne Xoossaa bolla makkallateththan, ne bonchchoka allaga xoossatas daashsha miththata garsan aaththa imoninne taas azazettontta ixon neni mooranchcha gididayssa xalla ammana› gees GODAY» gides.

ኢዮቤ ማጻፋ 33:27

Izi asa sinththan, ‹Tani nagara ooththadis; suure gididayssaka geellasadis. Xoossay gidikko ta moora mala taas ooththibeenna.

ናሂሚያ ማጻፋ 9:2

Isra7eele asay allaga asaa ubbaafe bana shaakkides; hessafe guye asay wuri dendi eqqidi isttinne kase istta aawati ooththida nagara ubbaa paaxida.

2ሳሜላ ማጻፋ 24:10

Dawiti olanchchata qoodidaappe guye ba wozinara modhettidi, «Ta gita nagara ooththadis; ha7ikka GODAWU! Tana ne aylleza ne maarana mala ta nena woossays; ha7ikka GODAWU tani ne aylley gita bala ooso ooththida gishshas maararkkii?» gides.

2ሳሜላ ማጻፋ 12:13

Hessafe guye Dawiti Naataanes, «Tani GODAA keeha qohadis» gides; Naataaney izas zaaridi, «GODAY ne nagara wursida gishshas ne hayqqaka;

ኤርማሳ ቲንቢቴ 8:14

Histtiin asati, «Nuni hayssan ays uttinoo? Ane issi bolla shiiqite; gimbetti uttida katamatan baqati biidi heen hayqqoos; GODAA nu Xoossay nuna hayqqana mala pirdides; nuni iza bolla nagara ooththida gishshas nu uyana mala marzera diza haath immides.

ኤርማሳ ቲንቢቴ 14:7

Asay, «Abeet GODAWU! ne sinththafe baqata darssidos; ne sunththaa gishshas nuus issi miish ooththa; nuni neeppe daroti guye simmidos; ne bollan nagara ooththidos.

ኤርማሳ ዚላስ 1:20

«Abeet GODAWU! Ta waayeza be7a! ta giddo asateththay metotides; ta keeha makkalladis; ta wozinaykka meqqides; Karen gidiin soon deraa hayqoy wursees.

ኤርማሳ ዚላስ 3:42

«Nu GODAWU! Nuni makkallidos; nagarakka ooththidos; hessa gishshas neni nuna maarabeekka.

ኤርማሳ ዚላስ 5:7

Nu aawati nagara ooththida; nuni istta qixaate ekkidos.

ኣሞጼ ቲንቢቴ 7:2

Boolezikka biitta bolla diza cilila ubbaa pitti midayssa tani beyada, «Ubbaafe Wolqqama GODAWU! Ne dere qohoza maararkkii! Ne dere Isra7eeles wolqqay baynda gishshas izi hayssa wostti eqetti dandayanee?» ga woossadis.

ዳኔላ ቲንቢቴ 9:15

«Abeet GODAA nu Xoossawu! Hayssafe kase neni ne dereza ne minoteththan Gibxeppe kessada hach gakkanaas ne sunththay erettana mala ooththadasa; nuni gidikko nagara ooththidos; nenakka qohidos.