ኤርማሳ ቲንቢቴ 13:24 - Geeshsha Maxaafa

²⁴ GODAY, «Bazzo carkoy suulla laalliza mala tanikka inttena laallana.

ጋሞ ማጻፋ

²⁴ ጎዳይ፥ «ባዞ ጫርኮይ ሱላ ላሊዛ ማላ ታኒካ ኢንቴና ላላና።

ኤርማሳ ቲንቢቴ 13:24 Referans Kwoze

ዬ ማጻፋ 1:4

Gido attiin iitati hessa mala gidettenna; carkoy pitti efiza suulla mala.

ሌዌታ ማጻፋ 26:33

Ta intte bolla ola ehada inttena Ayzaabeta giddon laallana; tani ta mashsha kessada inttena gooddana; intte kawoteththay asi baynda biitta gidana; intte katamatikka laalettana.

ሆሴኤ ቲንቢቴ 13:3

Hessa gaason istti wontta maalado shaara mala coo tim7i gaana; maalado xaaza malakka coo wodhdhi dhayana; woykko bangga bukkiza baleppe gote carkoy efiza suulla mala gidana; woykko keeththafe kezidi beettishe coo dhayza cuwa mala gidana.

ሂዚቄላ ቲንቢቴ 5:12

Ne asaappe issi kushey katama giddon iita hargeninne koshan hayqqana; nam7anththo kushey katamaa gimbefe karera mashshan wurana; attida heedzdzanththo kusheza tani carkos laallananne mashsha shodda yedeththana.

ሂዚቄላ ቲንቢቴ 5:2

Ne dooddiza wodey wurshin neni shaakkida binanaas issi kusheza Yerusalaame katama misle giddon xuugga; nam7anththo kusheza katamay yuushon giththa mashshan qanxxereththa yegga; attida heedzdzanththo kusheza carko bolla laalla; tani istta mashshan yedereththana.

ሉቃሳ ሚሺራቾ 21:24

Bagga asay mashshan hayqqana; ba dereppe hara dere di7ettana; Yerusalaameykka Xoos erontta dereta wodey polettana gakkanaas, Xoos erontta asatan yedhettidaaro gidana.

ሶፎናሳ ቲንቢቴ 2:2

Bashsha gallassay gakkanaappe kasetidi, he gallassay suulla mala denththi dhayssontta dishin, GODAAPPE mino hanqoy intte bolla yontta dishin GODAAPPE bashsha gallassi intte bolla gakkontta dishin shiiqite.

ሂዚቄላ ቲንቢቴ 17:21

Baqatiza iza olanchchati ubbay mashshan hayqqana; casha attidayti dumma dummaso laalettana. Hayssa haasayday tana GODAA gididayssa intte he wode erana› gees.

ሂዚቄላ ቲንቢቴ 6:8

« ‹Tani inttefe mashshafe kessi ekki attida guuththata ashshana; hessafe guye kawoteththata giddoninne dereta giddon inttena ta laallana.

ኢሳያሳ ቲንቢቴ 41:16

Neni istta suraggana; carkoy istta pitti efana; goteykka istta laallana. Gido attiin neni GODAAN ufayettana; qasse Isra7eele Geeshshan bonchchettana.

ኢሳያሳ ቲንቢቴ 17:13

Asay wolqqama haaththa mala guummikkoka, izi istta seerikko zumbulla bollara carkon biza gudulla mala gote carkoy laalliza happa mala laalettana.

ዛሬ ማጻፋ 32:26

Tani istta ubbaa laallana; Hessafe guye istta hassa7ana asi deenna.

ዛሬ ማጻፋ 28:64

GODAY nena kumeththa alamen diza asaa giddon biittas gaxappe gaxa gakkanaas laallana; heen neninne ne aawati kase goynni erontta miththafenne shuchchafe oosettida eeqa xoossatas intte goynnana.

ዛሬ ማጻፋ 4:27

GODAY inttena hara kawoteththata giddon laallana; intte bi laalettidason inttefe amardayti xalla attana.

ኤርማሳ ቲንቢቴ 9:16

Istta woykko istta aawati erontta kawoteththata giddon tani istta laallana. Tani istta dhayssana gakkanaas mashshan yedeththana» gees.

ኤርማሳ ቲንቢቴ 18:17

Arshey mokkiza bagga carko mala tani istta istta morkketa sinththan laallana. Istti dhayza gallas ta isttas zokko zaarana attiin ta ayfeso bessike» gees.

ኤርማሳ ዚላስ 1:15

«Nu garsan diza olanchchata ubbatara Xoossi eqettides; nu giddofe yelagata dhayssanaas olanchchata nu bolla yeddides. Woyne miththa ayfe ushshu kessanaas yedhdhiza mala GODAY boshettontta geela7o misatiza Yuhuda asaa yedhides.